مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[al-shmaly]

ياملاك القصيـده وياعطـور الغـلا

ياحضور المشاعر والغـرام الأكيـد

كل غصن بخفوقـي فزلـك وانثنـا

جاء بصدق الموده حالـف مايحيـد

وشب شمس المحبه في جفون السما

وفوق ظلمة سحابك قام صبح جديـد

وفز نور بوجهي من عيونـك همـا

يستفز العواطـف والغـلا والقصيـد

وضج عطر السوالف في عروق الدما

بين نبضة خفوق وبين رعشة وريـد

قلت ابنسى عذابـي واحتفـل بالهنـا

جيت اسوق التهاني وجاك شوقي يزيد

اروني من صباحك عفت ليل الظمـا

عفت ليل المفارق ياصبـاح القصيـد

ياملاك القصيـده وياعطـور الغـلا

ياحضور المشاعر والغـرام الأكيـد

[بالمختصر..]

هذا الزمن يبغى له لسان دلال ..

............. من يستحي هالوقت ياعزتي له !!

وقت به الراعي غدى راعي دلال ..

............. كلن على طاريه ينفض شليله !!

من كان ساسه للردى مضرب أمثال ..

............. اليوم يحسب من كبار القبيلة !!

المال يابن حنيف ملعون أبو المال ..

............. ذل العزيز .. وعزّ ناس ذليلة !!




.
.

[بالمختصر..]

لو .. كل شخص إليا عطيته وفا لي ..

............ ماكان بـ الدنيا .. حزن ليل وجراح !!

و لو .. كل غالي قدّر .. إحساس غالي ..

............ ماشفت ذاك الدمع من محجره ســاح !!




.
.

[ابو ضاري]

كني كما ذئب على الرجم عاوي
يجر ونات الليالي مع البين

[al-shmaly]

يثور الشوق في صدري ..حرم عيني لذيذ الرقاد

وانا ياكيف اتحمل..وصبر القلـب بـي فااانـي

يا خلي طالت الغيبه..وهـم القلـب منهـاا زااد

ببعدك ما اشوف الا ..سـواد ٍ يقتـل الواانـي

[al-shmaly]

يا مطر...

يـا مـطر يـا ماسـح جفـاف الســـنين
من خد الصحاري وجبين المساكين
يا راوي أرض الشـجـر والبسـاتـين
من عطش الزمن ومفجر بها العـين
يـا مطـر أرحـم غــيـرك من الأنـين
كل شيء تسـمع له صـوت حـــزين
حـتى الجبـل من دمعـتـك يبـدأ يلـين
وتسمع بين الصخور صوت الحنين
والرعـد يصـرخ بيـن السـحـب وين
أضـرب بالبـرق بـصــوت غــبــين
والبـرق يفـلق كوم الســحب نصفين
ويرســم حــروف الويــل لكل عـين
والدمـعة من الألم تسـري مــلايــين
عـلى المـلأ تـتقسم شـمال ويــمـين
والوادي يكبر ويصبح مسيل بطـين
ويتفرع من حـوله حـبال وشرايـين
والدنيا تتبسـم ببسـمة فـرح متلونين
وتهدي الحزن عن المـزن الحزيـن
\
/

[al-shmaly]

يا التاكسي خذني لها يا التاكسي
و بسكتك خلنا نمر ناخذ عطر رومانسي
مشتاقة حبيبتي مشتاااقة خذني لها
بسرعة لا أسوي شي في نفسي

[al-shmaly]

لا أخذت في خاطري من واحد ٍ غالي
ماعاد أبي الناس قاصيهـا ودانيهـا
ماعاد أبي اللي ينشّدني عن أحوالي
العزله .. أبرك من الدنيا ومافيهـا
أجلس لحالي وأنادم نفسـي لحالـي
مهموم وهمومـي .. الله لايحييهـا
أغيب عن مجتمع خلق الله أشوا لي
وأدلّه النفس .. ليـن الله يسويهـا
أضحك وأنا الصدز لاداله ولا سالـي
من ضيقة ٍ ماتجنّب عـن حراويهـا

[al-shmaly]

مابين قلوب فُطرت على الشعور فتجردت منه.. وعقول جُبلت على التفكير فانسلّت منه..
مساحةٌ من تساؤلات ثائِرة , لابد فيها من وقفة الضمير للإجابة عليها..!
بعد أن رأيت , وأيقنت أن أكثر من يعاني في هذا الزمن ( الطيّبون )!


ليه (نزعـل) لاتميّـز غيــرنا وأصبح كبير؟
وليه (نفـرح) لاتعثّر شخـص بدروب الشتات!
:
وليه (نضحك) لاتعثّر بالخُطا شخـص ٍ ضرير؟
نجرح احسـاسه وننسـى من خلق هالكائنات!
:
وليه في بعض المواقـف (مايحركّنـا) ضمير!
وليه في بعض السوالف (نحترف) كذب اللُغات؟
:
وليه (نتبـع) كـل خطـوة ترمي انسان ٍ قدير
(كنّهـا) متعـةولـذة .. يـوم ينهار الثبات!!
:
وين تأثيـر الضماير .. في زمن صاير خطير!
وين إحساس المشاعر .. عن عيون ٍ ماتبات؟
:
وين وقفـات البرايـا .. عن نـداءات الكثير؟
ووين توجيه الخلايق .. ليه صاير في سُبات؟
:
لامتى والنـور غايب .. كـنّ مابالناس خير!
نحتـرق والعمر (ماضي) .. والنهاية للممات!

* * *

ياهـم! أشوفـك (معتلـي) راس (القلـوب الطيّبة)
هو مالقيـت بـ هالزمن لك بيـت غيـر الطيبين؟!

رح للقلـوب اللـي (مباديهـا) غَـدت .. (متسيّبة)
(يمكـن) تحـس بقسـوتك ياهـمْ وبلحـظة تلين!

إرحـل .. تـرى كل ٍ شكـى همـك .. وكل ٍ غيّبة
والمشكلـة .. مهما تغيـب بـدون مانـدري تبين

ضيّقتنـا .. ليـن الوجـع شـبّ الخفـوق و شيّبة
والضيـق .. ياكـوده ليا مـنه دخـل وسط الحنين

وأشقيتـنا .. ليـن التعب .. هـاب العـذاب وهيّبة
وحنا (بشـر) ما نحتمـل .. قسـوة ولاحتـى أنين

وش ذنـب هـاك (الطيّب) اللـي زود طـيبه عيّبه؟
ووش ذنب هاك المخلص اللي مارضى زيف السنين!

(حتى انت) مـاتبغى سـوى هـاك القلـوب الطيّبة
تـدري بهـم حتى (بعـزّ الجـرح) دايـم صادقين!

* * *



ياقلوب ٍ(ما) سكنهـا من عـذاب الوقت ساكن
لاتلوميـن المشـاعر .. لوشكت من همّ طال!
:
افتحي بإسـم (الصفـاوة) داخلك كـل الأماكن
واشعـري بقلـوب ذابت فـي متـاهات الليال
:
خلي إحساسـك يسابـق خطوتك بالطيب لكن!
لاتخليـن الرديّـة .. تسبقـك (لـو) بالخيال!
:
وإن غدى لون الليالي من ظروف الوقت داكن
الأوادم (للأوادم) .. والوفــا سِيـد الخصال




؛؛؛؛؛؛؛؛؛؛؛؛؛؛؛؛؛؛؛؛؛


أخيراً:


ياقلب ما كل القـلـوب السـلـيـمــه
فيها من الطيبه كثر مالله معطـيـكـ....

ياقلب لو أهل العقــول السـقـيمــه
عابو عليكـ.. وحطـوا المشكـله فــيك..

ياقلب عادتكـ.. الصفـات الكـريمـه
على الكرم والطـيب جـدك مـربيكـ..

وهبكـ.. ربي هالصفـات العـظيمــه
نعمه ومهديـهـا من العـرش واليكـ..

(ياقلب لاتحـزن) لـهرجة نميمــه
لا تتعبـك ياقـلب هــرجة معـاديــكـ..

ياقلب من لا يسـتحـق الحشــيمــه
خلـه مـحلـه لا يقــرب تـــوالــيـــكـ..

ياقلب فعل الطيب مكسب وشيمـه
وفعــل الـردى للشـــر لا لا يوديكـ..

تحيات ابورشيــــــــد

[al-shmaly]

البشر واجد .. نعــم .. لكن فرق الانطباع.!
يجعلك يمي تمـــــيل .. ويم غيري ماتمـــــيل....

يارفيقي .. انتبه .. واحسن إلي الاستماع..
للمواقف دور في كشف المزيف .. و{ الأصـــيل } ..