مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**مشعل الراكان** · 05-09-2009 04:40

ودنا بالطيب مير الزمن جحاد طيب

كل ماتخلص مع الناس كنك تغشها

يدك لامدت وفا لاتحرى وش تجيب

دامها عودت سالمه حب يدك وخشها

**al-shmaly** · 06-09-2009 13:12

لا مر طيفك قمت اهوجـس واحاكيـك
واشكي لى طيفك كثر ماهـو شكانـي

واحمّـل النسمـات طيـف ٍ يناجيـك
واطلق مع ذكرااااك صهـوة عنانـي

واحسّ تتسأل عـن احـوال مغليـك
واجاوبك ..تذكر مكاني! .. مكانـي!!

وتقول: لي وشفيك؟ واقول: وشفيك !
وشلون ما تبغـى بعدهـا اعااانـي!

وتقول: لـي طيفـي تركتـه يداريـك
واقـول: طيفـك للمهالـك حـدانـي

وتقول: لي تبكي! .. وانا اللي موصيك
واقول: لـك تبغـى ازف ّ التهانـي!
!
صرت اتجرع مـرّ مـن دون حاليـك
واكتب على الفرقـا قصيـد واغانـي

لا جيت ابكتـب مـدح لازم اطريـك!
ولا جيت ابكتب حب مالحـب هانـي

صرت اكتب الفرقـا بفحـوة معانيـك
واطلع مع فرقـاي بأصـدق معانـي!

واسامر النجمة وانـا اقـول : لبيـك
اسمـع وحيـك.. ولا اكـذب اذانـي

وانته بعيـد ٍ مـا وصلنـا اراضيـك
الا انك اقرب من صفـوف المحانـي

ولاجابو اسمك جيت كنـي معاديـك!
عشان مسمع قـول خلّـي نسانـي !

والا انت وافـي والوفـا مـا يخليـك
والطيب بصلك مـا خفـاك وخفانـي

لذا .. تصبّر والصبـر فـي معاليـك
يهون .. يوم ٍ قلت : تكفى عشانـي

**al-shmaly** · 06-09-2009 13:46

اكسر محال الصمت والخـوف خله
اهزم عصيب الوقـت وحقـق منانا

لغزي عرفته جـاوب اليـوم حلّـه
طيب مصاب الوقت وقصر عـنانا

هي خـطوةٍ وحـده ولابــه مذله
نص الجدار انزاح والهم هانا

..

**بالمختصر..** · 07-09-2009 04:18

إصبر على كيد الحسود .. فإن صبرك قاتله ..

فالنار تأكل بعضها .. إن لم تجد ما تأكله ..

.
.

**بالمختصر..** · 07-09-2009 04:27

يالله عفــوك يوم تصفية الحساب
....................................... يومٍ حصاد لما زرعنا في السنين ..

يوم الحشــر قرب و لا معنا زهــاب
....................................... اليوم في الدنيا و بكره راحليــن ..

.
.

**al-shmaly** · 07-09-2009 12:53

اليا جهلت بمعرفة صاحبـك طـح
تبين وقفـات الصديـق بمطيحـك

اما يكون الصاحب اللي معك صـح
وإلا يكون اللي كذب فـي مديحـك

كم واحد ٍ في صحبته بالقسـى فـح
كنّك بوسط البحر تـزرع مليحـك

كتبت لك حسـي وفـي اخـره اح
يشرح صحيحي ويتجاوز صحيحك

ياصاحبي واحيان في كثرت اللـح
توصل نهايات الطريـق بلحيحـك

لاضاق بعيونك فضـا دنيتـك رح
مادام بين اغصان صدرك جريحك

واذا أمرك الحس بالتضحيه ضـح
اتبع هوى نفسـك وربـك يبيحـك

الله كم مـن طيّـب ٍ يذبحـه شـح
وكم من شحيح ٍ عاش بك مستريحك

صوت ٍ تعب من كثر ماقال وانبـح
ماتستحي ياوقت كم قلـت ويحـك

ياصاحبي لازاد فيـك الطفـش دح
اطرب مسامع ضيقتك في دحيحـك

..

**al-shmaly** · 07-09-2009 13:25

لاعـاد تشـره علـى الخـفـاق مــن بـكـره
ليل صـار ذنبـك عظيـم وخابـت اعـذارك
ليا شح وصلي عقـب مـا صـار لا تشـره
بــرد الجـفـا زمـهـريـر ولا دفـــا نـــارك
مـا قلـت هــذ الحـكـي مجـبـور او مـكـره
شوف المشاعر على باب الرضـا تبـارك
عتـقـت عـنـق الـفـؤاد وعقـدتـه وتـــره
وسقيت روضك هجيـر ويبسـت ازهـارك
الـوقـت عـتـاب وحـــظ الادمـــي مـهــره
فـي كـل ميـدان تضـرب الحـظ وتـشـارك
سمعـت صــوت الـفـراق وحــدة النـبـره
قـصـت عــروق الـوصـل وهـدمـت دارك
انـــا دوى الانـكـسـار وطــبــه وجــبــره
بـدري علـى الحـزن يربطنـي بمشـوارك
سلمـت عقـل الخفـوق وهـو كفيـل امــره
يمـكـن يـذكـرك وش حجـمـك ومـقــدارك
يكفي قناع الكـذب مهمـا تهـل مـن عبـره
وما يرجع اللي مضى برجواك واصرارك

**al-shmaly** · 07-09-2009 19:08

لاح بشمال الذاگره بـرق وغيـوم
واسٺبشرٺ عيني على شوف الامطار

يوم الغـلا لافـي وبيدينـه سلـوم
ڪن المعزب انـٺ وضيوفـڪ الـدار

اقلط بصدري مامن إلا انٺ معـزوم
وان ضقٺ فيني هاڪ مسباح الاشعار

ابيڪ ٺقصد عـن غيابـڪ بهاليـوم
دام الحطب شوقي ابي اشعل النـار

عشان اسنع بالهوى قهـر اللـوم
واصب لڪ فنجال من ڪيف الاخبـار

اشرب واجبر خاطري / بعدها قـوم
عطني من ذنوبڪ ثمر گل الاعـذار

الجرح واضح وانٺ خنجرڪ مفهـوم
لڪن سؤالي .. ليه طعناٺڪ اڪثـار ؟؟

ڪن بشعورڪ حقـد ويدينـڪ الـروم
والرمح ماياوي مـن ايديـن ڪفـار

وحده من الثنٺين لاصـرٺ ملـزوم
اما انـا اخٺـار والا انـٺ ٺخٺـار

الحق حق وڪل منـا .. لـه علـوم
مادام في حڪم الهوى سلـم او ثـار

وان ڪان ماخذ راحٺڪ عنـد مظلـوم
انا خذيٺ براحـة الٺعـب مشـوار

يمڪن خطا جيٺڪ بلا عـرف مڪٺـوم
اسابق انفاسي على بـوح الاسـرار

قبل اعٺرف لڪ شوف ماڪان مقسوم
لاحظ بعيني صمٺ والدمـع ثرثـار

القلب صحرا .. والغلا داخلـي قـوم
ومنيـن ماشـدّد رڪايبـه محـٺـار

مادام فاقدني / انـا منـڪ محـروم
يوم الاماني ٺسهـر بعيـن الاقمـار

حلمي ٺجيني حلم في حـزة النـوم
يلعن ابو هالحلم .. ٺافـه ولاصـار

**al-shmaly** · 07-09-2009 19:12

تقدر تخلي من عدوّك صديقك
وتقدر تخلي من صديقك عدوّك

صديقك اللي يصدقك وقت ضيقك
اللي يدور بالمعالي علوّك

وعدوّك اللي عن طريقك يعيقك
اللي يدوّر كيف تعكير جوّك

صاحب ضمير اللي طريقه طريقك
تقدير نفسك يعتبر من سموّك

خلّك سحاب أقل مابك بريقك
وأكثرك غيثٍ يسقي الناس نوّك

ولاصار مالك منفعه في رفيقك
لاتنتظر يملأ ..وجوده ..خلوّك

**al-shmaly** · 07-09-2009 19:42

الليل يسري بين هم وكلايف
والصبح يطلع والشقا فيه مخلوف

اعيش مابين الرجا والحسايف
والوقت له دورات وأيامي تطوف

وتقول لي بالحب وش كنت شايف
الهم.. والحرمان.. والجرح.. والخوف

ماعاد لوجيه الليالي طرايف
سرى النديم وجوني همومي ضيوف

وانا وحزني والقصايد ولايف
مكنتهم بالعقل والروح والجوف

وقلطتهم وسط الضلوع النحايف
واكرمتهم بأحلامي سمان وضعوف

وعديت في عالي نبا كل نايف
وجريت من صدري على سيرته اوووف

وبيّحت سدّي والمدامع ذرايف
وكتبت من دمعي على اوراقي حروف

((اول لقانا بإبتسامة شفايف
وآخر لقانا صدّ.. وأعذار .. وظروف..!))

البعد واقع واصبح الوصل زايف
وصرت الغريب وهاجس الليل معروف

ماقلت لك: قلبي من الحب عايف
وتقول لي: جرب معي واترك الخوف

شف غيرها ..والا اترك القلب خايف
الوضع قدامك عن الحال مكشوف