مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[نسمة الساحل]

يارب يارحمن ياحافظ البيت
.........تحفظ حبايبنا إللي ريحونا

وإللي هجرنافي جهنم يبيت
.........دام بالصد والجفا والله جازونا


____________________________



نسمه

[al-shmaly]

لو يضيـــــــــق الوقت والدنــــيا تشيـــن
وشمسنـــا تشرق علينـــا من شمال..!!

ولــــو يطوف العمــر ايام وسنيــن
ماتغيــر حبــي لك يابنت الحــــــلااال..!

ايه احبـــــك ..! والهوى فيني دفــيـين
واعشقــك والله هجــران وصال..!

دامــك اللي بالقســى عيــا يليــــن
مخــلص دايــم ولاا فيها مجــــال ..!

الوفى طبعــك وبك دايــم يــزين
شــعر مجنونك ويصبح عال عال..

منهــو غيــرك فسر اسرار الحنــــين
ومنهو غيرك امتــلك قلبي وطال..؟

ومنهو غيرك بدل ادروب الانيــن
في دروب نــورت كل الليال ..

وانتشــى قلبــي بــذاك الحب لين
اختلط حــلو الحقيقه بالخـــيال ..

واصبح الخفاق في حبك رهين
والحنـــايا العوج لك بيت وظلاال..

والله اني عااشقـــــك والعشق بيــن
ولاا استمع بك عاذل كــذب وقال ..

والله اني ماوهبت الروح دين
العطا ورثه من عــم وخــال ..

[نسمة الساحل]

ضاقت بي الدنيا وضاقت بي الوسيعه

...........وهمي عجزت أشيله يامن يساعدني على شيله

اشكي همومي للجبال الرفيعه

...........محد(ن) يجاوبني ولا فيه حيــــــــــــــــــــــــــــــــله


___________________________


نسمه

[al-shmaly]

قلي عن أخبارك وكيف الزمن فيك
وكيف الليالي معاك ياجعلك بخير

بعدك يزيد الشوق ياجعلي أفديك
لك وحشتن من بد كل البشر غير

[al-shmaly]

\




الفكر ضد الموت في كل الأوقات
واللي بليا فكر عايش بتابوت

الصح منه يدوم ويخلد أموات
والا الغلط مجرد سنين ويموت

والشعر لوماصار ( ساعي قناعات )
يصبح حكي ..لكن على هيئة بيوت

والصدق مفتاح الكرامة ومنجات
يكسيك من لبس الثنا مشلح وكوت

والكذب نقص عقول فعول واثبات :
بان أغلب الياقوت ماهو بياقوت

والحب (أحلى شي ) الا مع الذات
والدار ( أغلى شي )الا بلا قوت

والدين . .عز . .وهيمنة . .وانتصارات
لاصار قول وفعل وجهاد وقنوت

يوم المشايخ . . قبل عصر الدويلات
تنقل كفن واسلاح ماتنقل بشوت !

في وقتها يااهل الخطب والشعارات
سالت دموع العز من (عين جالوت!)

وفي وقتنا . . ياصانعين القرارات
نضحي بغزة على شان بيروت !

والفرق شاسع . . ياصراع الحظارات
والقول أكيد . . وبالادلة . . ومثبوت

الماضي : امجاد وشموخ وفتوحات
والحاضر : مهايط ومقهى وبيلوت !

وآمر وآدهى . . ماهو قادم وات
لاصار واقعنا مبهذل وممقوت

يمثل الأمة في الأمة عصابات
وعلى خراب بيوت تتعمر بيوت !

جلسات سرية علشان جلسات
تفوت اللي مستحيل انه يفوت !

واللعب واضح في جميع المجالات
بتشوت ؟! صلح لي اصلح لك تشوت!

والخير بين في وجيه البشاوات
والشعب مستهلك ومتعب ومكبوت

حرية الرأي :اختصاص القيادات !!
وحنا تخصص ذل وانصات وسكوت !

ياصاحبي . . خل القصص والحكايات
وش ميزة التوت ؟ إن فقد لذة التوت

إن مت ! من قول الحقايق سهالات
على الاقل تعرف على ويش بتموت!

والمشكلة ماهيب في كثر الاصوات
المشكلة لاصار مال العقل صوت !

[نسمة الساحل]

إبعد ورى وإبعد عن الأنظار
...لاتقول أحبك وإنتي حبيبه
لاتقول بيزهر حبنا زهار وثمار
...لاتقول أبيكِ مني قريبه
الحب من الله والكل فيه محتار
...وحبك أنت ماهو غصب وغصيبه
عشرة عمر وطول مشوار
...والقرب منك والله مصيبه
إبعد وشيلني من هذي الأفكار
...وكل(ن) منا ياخذ نصيبه

____________________



نسمه

[al-shmaly]

الله خلق لي نفس تسمو على البوح
ما هي اليا ضاقت من الهـم باحـت

على كثر ما شفت ضيقات وجـروح
لا الوجه متغير ولا العيـن صاحـت

أبشـرك بشـارة الـروح للـروح
تبغي تطيحنـي الليالـي وطاحـت

هذا أنا والوجـه باسـم ومشـروح
وجها ً بروقه لمعظم الناس لاحـت

كم محزنٍ بنى على شوفه أصـروح
وكم نفسٍ من طارف عطاه أستراحت

الله وهبنا عـز و أمجـاد وطمـوح
وذكرٍ على جـدران الأيـام ناحـت

[al-shmaly]

تلاقينا .. وصرت إنت الوحيد اللي ملا دنياي ..
و غيرك راحت سنينه عبث ما حرّك إحساسي ..

تخاوينا على درب الفرح وخطاك جنب خطاي ..
وعدتك تبقى بعروقي غلا ما يعرفه ياسي ..

زرعتك نبض وإحساس ومشاعر وألف راي و راي ..
على حروة غلاك وجبت لك حبري وقرطاسي ..

أبـ أقلط صدر مجلس خافقك خابر هنا مركاي ..
وأبشرب من فناجيل الوصل ما يجلي عماسي ..

وأبا أهيجن على ربابة الاشواق يا مسراي..
أنا شاعرك .ديوان المحبه وإنت جلاسي ..

وأبـ أسمعـّـك آخر ما كتبته فيك يومك جاي ..
و شايل معك ضحكات الزمان و جيت متواسي ..

بـ أجر الصوت لين الصوت يوصل أبعد إمن إحكاي ..
ترا بعض الحكي ما يعترف بـ حدود وقياسي .. !!

صحيح أشيا كثيره بيننا ما هزها مغناي ..
ولكني أحاول أكتم الموضوع عن ناسي ..

إلى من زارني طيفك أسولف عنك رايح .. جاي ..
يطمني عن أحوالك وإنك منت لي ناسي ..

ترا كل الكلام اللي نطقـته من صدى ذكراي ..
بعد ما رحت يبقى قدرك بـ عيني وعلى راسي ..

[نسمة الساحل]

ترا كل الكلام اللي نطقـته من صدى ذكراي ..
بعد ما رحت يبقى قدرك بـ عيني وعلى راسي ..

______________

عجبني هذا البيت !!!

[al-shmaly]

حياك الله نسمة الساحل

والله يقدرنا ع تقديم مايحوز

اعجابكم ورضاكم وانا اعجبني تواصلك العطر

لاضاق صدري دون كل الخلايـق
وحسيت بأن القلب تبكي ركونـه

ذكرت منهو لا لفا الصدر ضايـق
أقبل يجر الصوت.. ( لاتضايقونه)

وضحكت كني طول هالوقت رايق
مدري لصوته أو لخاطـر عيونـه