مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**بالمختصر..** · 08-05-2009 09:56

يا كثر ما نذكر من الناس غالين ..
.................................. تحت الثرى ما عاد فيهم رجوعي ..!!

.
.

**al-shmaly** · 08-05-2009 17:41

يــا محـلـى يـاخـوي ضـبـط الـدلالــي= مشروبها يبعد عن الـراس الاعمـاس
فـي مجلـسٍ مـا فـيـه خـطـو الثقـالـي= اللـي عقولـه مـا بهـا غيـر وسـواس
الا رجـــالٍ مـــن اسـبــاع الـرجـالــي= فعولـهـا مــا غـيـر عـــزٍ و نـومــاس
الله خـلـقـهــم لــلــكــرم والـمـعــالــي= مثـل الحـرار العـز فيهـا مـن السـاس
احمـس لهـم حـبٍ مــن الـبـن غـالـي= وبـالـك عليـهـا خلـهـا تقـعـد الــراس
ولـقــم بـدلــه وسـمـهـا حـــد صـــالي= خلـه تفـوح بصالـي الجـمـر بقـيـاس
وزلــــه وبـهـرٍهــا بــزيــن الــدلالــي= مثل العروس اللي زهت زين الالباس

**al-shmaly** · 08-05-2009 17:42

الله خلق لي نفس تسمو على البوح
ما هي اليا ضاقت من الهـم باحـت

على كثر ما شفت ضيقات وجـروح
لا الوجه متغير ولا العيـن صاحـت

أبشـرك بشـارة الـروح للـروح
تبغي تطيحنـي الليالـي وطاحـت

هذا أنا والوجـه باسـم ومشـروح
وجها ً بروقه لمعظم الناس لاحـت

كم محزنٍ بنى على شوفه أصـروح
وكم نفسٍ من طارف عطاه أستراحت

الله وهبنا عـز و أمجـاد وطمـوح
وذكرٍ على جـدران الأيـام ناحـت

**al-shmaly** · 08-05-2009 17:54

ياحمامه ..علميهم ..وقتنا هذا غريب

علميهم... ياحمامه .... كيف جرحي ...مابرى

واساليهم....ياحمامه ......مالنا فيهم.. نصيب

كم علشآن المحبه ....دمعنا ....ياما جرى

خبريهم ياحمامه .....حبهم ....لا مايغيب

لوتغيب ارواحنا....تحت....... حبات الثرى

بس انا ....لو اتاكد...اني لاحساسه...قريب

ماسالت....القلب ....منهو ..باعنا ومنهو ....شرى

اكتب احساسي لاجله .......اكتبه ..... اغلى حبيب

ولو ...قراني .....ثم طنش ....قلت شكله....... ماقرى

علميهم.....كيف وقتي......دونهم.....جدا.......كئيب

يمكن ان......((الغالي)) فيني......ياحمامه...... مادرى

مانسيته......لويقولون.......الزمن .....غيره ...يجيب

مانسيته .......لوغرامي....في خياله ما.....طرى

صدقيني يااحمامه ....الزمن مهما.....يطيب

غصب عني.......لاذكرته ........حزني باضلاعي سرى

ولو يقولون ......ااني نسيته .....وماله بقلبي نصيب

قولي .....اني مانسيته........ لالالا .........ورب ام القرى

**al-shmaly** · 08-05-2009 18:01

دليل المحبه شوف عيني عليك تغـار
ولا ودي الحاسـد عيونـك يطالعهـا
مع إنك رحلت بعيد لكن بقى التذكـار
ليا شافته عينـي تسابـق مدامعهـا
دفنت الغرام بخافقي والقلوب أسـرار
مشاعرهقيـت إن الليالـي تضيعهـا
فرحت برجوعك ماطلبت لخطاك اعذار
ونفسي نست ماجرى من تواضعهـا
تهادت مشاعرخاطري لـك بلامعيـار
تجاهلتهـا لوكنـت خابردوافعـهـا
يقولون : جنّب درب مالك معه معبار
يلومون نفسٍ بعد الاحبـاب موجعهـا
يقولونها قبلي يخـون البحـر بحّـار
والآمواج لاهاجت خذت ماتبي معهـا
تكاثرت منك الصد وأثرالعلـوم كبـار
لقيتك على نفسـي تقلّـب مواجعهـا
اقوله وأنا اللي شفت ذاك الغلا ينهار
يشوف الندم رجّال نفسـه يطاوعهـا
مثل ماضرب جّوٍ خلا غـادي محتـار
يدّوج ورجله مادرى ويـن موقعهـا
تعرض سموم القيض والدار مامن دار
هليك وشعر بالموت روحه ينازعهـا
جحدت الغلا لين امتلا بالخفوق وثـار
قصايد عساها اليوم تطرق مسامعهـا
غرامك مثل نارٍ حطبها الغلا والنـار
تموت وغلاك اللـي بقلبـي يولعهـا
غلاك بضميري واضحٍ ماعليه غبـار
تشيل الغلا نفسي وأناعاجـز امنعهـا
يقولون ماودعّك : قلت الفراق وصار
والإنسان روحه تنسلـب مايودعهـا
هذيك الليالي وين أثـر الزمـن دوار
خذاهـا ولاظنـي زمانـي يرجعهـا
طوتها السنين ولا بقالي سوى التذكار
ليا شافته عينـي تسابـق مدامعهـا

**al-shmaly** · 08-05-2009 18:39

جف القلم عجز الكتابه ومليت..
تعبت ادفدف دونكم وجد قافي
أزريت انا انظم بيت واشيل هالبيت..
ضيعت ادور بالغلا بيت وافي

**al-shmaly** · 09-05-2009 19:12

يا صقر واهنيـك لـك جنـاح تطيـر
الى طرى لك نزعت وطرت يم الهوى
بين قلبى وبينـك فـرق والله كبيـر
لى كفخت انطلقت ولى كفخت التوى
انت حايم وانا بالقـاع دوبـى اسيـر
فى صحارى زمانى ذيب ليلى عـوى
فوق جوك سحاب وحدر جوى هجيـر
القدم فوق رمضا والخفـوق اكتـوى
الحذر يا صقـر لا يشبكونـك أسيـر
ويل صقـر يتلـه مربطـه لـى نـوى
برقعته الليالـى فـوق وكـر قصيـر
عقب صفقه جناحه بالهوى لى اهتوى
كل حر إلى ضااااق انتهض للمطيررر
حومتـه بالسمـا ساعـه لقلبـه دوى
واعذااب الجناح الـى يجـره كسيـر
كلما فز مكسور النواااااهض هـوى

**al-shmaly** · 10-05-2009 11:19

تزعل علي وتحط حيلك بفرقاي
وازعل عليك ولالي الا الزقاير
هذا بكت رايح وهذا بكت جاي
.لو اجمع الفاضي بسوي عماير

**al-shmaly** · 11-05-2009 07:53

من ماحترمني ما أعتبرته من اعداي
ولاكل صاحب يستحـق احترامـي
عثرات نفسـي ماتبـدل سجايـاي
ومطيـح غيـري مايعلّـي مقامـي
أصيب وأخطـي وتْعلّـم خطايـاي
وارمي ولو قدامـي الفيـن رامـي

**al-shmaly** · 11-05-2009 13:51

قلب ذيبٍ .. مالبس من دون وقته اقنعه
ناطح جموع الليال ولارغى عقب الهدير

ضاق ذرعاً من مداهيل الزمان ومضجعه
واجتمع به هم حاله واجتمع به هم غير

قلب تايه بالوجيه الصادقه والمخدعه
خر عطشانٍ بعد ماكان شريانه غدير

ماعرف منهو وقف ضده ومهو اللي معه
وكل شئٍ في عيونه من كبر همه صغير

آه وين الصدق ابيه ولو ذرف لي مدمعه
وصلوني به ولو صار الوصل سلك الحرير

والله اني لأحفظه وان شان وقتي ما اقطعه
لو ألحم سيفي البتار في وسط الجفير

بلغوا من شال هالعالم على راس اصبعه
بلغوا من طيّر اسراب الطيور ولايطير

ودام مجدافي في وسط البحر كفّ الاشرعه
والله اني لأتعب ذراعي لجل ذاك الغرير

ايه والرجال ماهو شئ هيّن يدفعه
والله انه مايبوح السر من شئٍ يسير

قلتها من بعد ماضعت بدروب المعمعه
قلتها من بعد ماساوى برادي الزمهرير

من خفوق اللي ولا به باب يآكود قرعه
والسبب اقرب قريبٍ حطه بوسط السعير

ضاعت حلوله ولابه نوّ يآكود تبعه
وان شره يشره على اللي ضمه بأقصى ضمير

ولايهون الوقت دام انه على الوقت اطبعه
وصرت اخايل طلته مثل الغني بعين الفقير

ولو بغيت انسى خفوقي منهو اللي يقنعه
دام ماسوى سفاره والعشم كان السفير

ايه ماكان العشم يترك خفوقي بمعمعه
لين طاولني عناده لو انا ماني قصير

ايه عقب انه فتح باب الخفوق وشرعه
وخالط البحر الطويل الهزج والبحر القصير

عقبها قررت اهين الهرج واجمع لأقنعه
واجبر الخفّاق يرحل .. لوِ فرقاهم عسير

برتحل والقلب محدٍ عن دروبه يمنعه
دام ماسوى سفاره .. لازم آكون السفير