الصبح باحت طلته كل الاسرار
نوره كشف ما كان في معطف الليل
بانت مقاصد كل كذاب وغدار
جتني علومه قبل تجمع بها الخيل
ولم معاميل الغلا واضرم النار
يحسب جميع الكيف في نكهة الهيل
الهيل غالي فوق عن كل الاسعار
انشد عنه من يعرف الوزن والكيل
لا لتموا اهل الكيف بالليل سمار
تزهى دلاله والشرف للفناجيل
الهرج واجد ينقله كل ثرثار
وكل بكيفه يتبع القال والقيل
ما جيتك اطلب زود هيبه ومقدار
ولا جيت ابي للي جرى منك تعليل
الله الغني لا تكلف بالاعذار
خلك بغبك واتبع الكيف والميل
عش حاضرك مرتاح لياك تحتار
الوقت يضحك لك خداع وتمثيل
باكر تدور ازمان نسمع بك اخبار
نهايتك مكتوبه ( فـ ) المقابيل
ماهو مهم اني كتبتك بالاشعار
حرفي هدية صدق جيل ورى جيل
الحمد لله لا خطية ولا ثار
ما طلتني لو طاولت يدك سهيل
اناشمرية جد من نسل الاحرار
والعفو شيمة من بنات الرجاجيل
اعجبتني ونقلتها لكم ....
المفضلات