بعد بسم الله الرحمن الرحيم
و السلام عليكم
إليكم ...
/
/
/
[poem=font="Simplified Arabic,5,black,normal,normal" bkcolor="burlywood" bkimage="" border="solid,1,black" type=1 line=0 align=center use=ex num="0,black"]
من بغى يقرا القصيده .. ذي ..؟ ترى = .. ما بها شي ٍ جديد و ينقرا
شي بالخاطر ذبحني يا بشر = أرهق التفكير .. و الحال انبرا
شي دايم في قصيدي اذكره = كم تمنيت الزمن .. يرجع ورى
و الا يعلن هالزمن : .. لحظة وقوف = نلتقط فيها النــِـفس او .. يا ترى
نقدر انعيش الحياة بلا زمن ْ .؟ = و اللي يجري في قــِدرنا .. ما جرى
بالقليله يا عرب .. نرجع عرب = دامنا ننزل .. مثل نزلة ( كرا )
امنية شاعر .. تمنــّـى .. و آآآه لو = بالفصيح اكتب .. جميع اللي طرا
..=..
أمشي ْ مُختـَالا ً بـسيفي ْ و خــَنجـَري ْ = أحفظ ُ الأشعار َ .. لست ُ الشــّـاعرا
..=..
أو أقول ُ ( لعنتر ٍ .. يا عنتره ْ ) = لا الزمان ُ زمان ُ ..( قيس َ و عنترا )
..=..
إنــّـه ُ وقت ُ .. المآسي و المــِحـن ْ = كم شجاع ٌ قد .. يموت ُ مــُجــَنزرا
..=..
أو أُلاقي ْ ( حاتما ً ) فأقول ُ له ْ : .. = كم ّ من الأمجاد ِ تــَكسـِب ُ ( شمـّـرا )
..=..
أو يرى ( الخطــّـاب ) حال َ المسلمين ْ = مجدنا المعروف ُ أصبح َ مــُنكــَرا
..=..
إنما الدُنيا .. متاع ُ العابرين ْ = رب ّ يوم ٍ قد ْ تراني .. مــُهاجرا .!!
..
فاستزيدوا .. ما يزيد ُ الراحلون = اي يوم ٍ قد تكون ُ .. العابرا ..؟؟
..=..
يابعد حيي .. يا ديني .. كيف صرت = منهو مات .. ابرك له انـّـه .. ما درى
خلني بحالي .. و حالي ما تسر = لي شهر ما ذقت .. لذّات الكرى
( الهنا من قبل يجيني .. يحتري ) = ( و الشقا لو جا ..؟ يجيني ما احترى )
هو بعد باقي بهالكفـــين شي ..؟ = ما بقى للورد ْ .. غيــم ْ و لا ثرى ْ
جيت ابتذرّا .. عن اسموم الزمان = ما لقيت الا الصبر ْ .. احسن ذرا
آتصبـّـر ليييين نمت ْ .. و يوم قمت ْ = اثر صبري ْ .. قام بالليل .. و سرى
يعني : .. كائن حي ّ .. بس اني غديت = ما أشوف .. و ما أحس و .. ما أرى
يعني أحلم في حياتي ..؟ لا حشا = الزمن باع بحياتي .. و اشترى
يا قصيدي .. يرحم امــّـك خلـّـني = ما بقى سر ّ .. بحياتي ما انقرا ..!![/poem]
و دمتم ْ سالمين ْ
اخوكم / محمد بن راشد الغنام
رد مع اقتباس
المفضلات