سؤال للأستاذ فواز الغسلان خاصة وبقية الأعضاء عامة

[فواز الغسلان]

أشكر جميع الأخوان اللي أدلوا بدلوهم بالموضوع

أخوي أبو فهد أنا معاك أن الفتره الأولى كانت صحيح غامضه

لاكن الفتره الثانيه اعتقد أنها واضحه ومعروفه عند اللي مجودين علومها

ماهي بعيده هالفتره تقدر تقول معاصرينها ماماتوا الا قريب

وأترك الكتب ولاتتتكل عليها ترها خذ وخل خصوصا اللي

تتحدث عن آل رشيد



شاكرلك طال عمرك




أخوي خلف الرويتع مشكور على التوضيح

هذي القصه وهذا اللي سمعنا عنه ونعرفه

الله لايهينك





وأخيرا أشكر أخواني المشرفين على هالمضيف تثبيت الموضوع

اخوي العزيز ذيب سلمى الحقيقه انا تغربت الكلام هذا منك


لانك كنت معنا من اول النقاش الى اخره وانا قبل تعليقين او ثلاثه بنفس موضوعنا هذا كنت اقول ان الكتب

لايوجد بها ثقه او متخصص بتاريخنا وقلت اني ماخذيت وماراح اخذ شي من كتاب ابدا واني اكتفي بالروايه

الشفهيه من كبار السن الثقات000

فكيف تقول لي اترك عنك اللي بالكتب ترى ماهو ثقه؟؟

الا اذا كنت انقطعت عنا يوم او يومين وماانتبهت لكلامي تكون معذور يالغالي000

واما قول اخوي المطني ان العواجيه نهايتهم بسبب مقتل عقاب وحجاب فيااخي العزيز من الممكن ان يقال

ان مقتلهم يفقد عنزه مصدر قوه وربما يكونون اضعف بلاشك من ايام وجودهم احياء لكن لايمكن لنار والعه

ان تصبح رماد مره وحده ؟؟؟

كم من فخذ من عنزه او من شمر او غيره يقتل فيهم العقيد لكن ماينهي قوتهم للابد يالغالي0 واذا ضعفوا

عن المواجهه كجيش لجيش فيستطيعون عبر الغارات الخفيفه التي كانت سائده بينهم سابقا000


واذا لاحظت ان عبدالله اتاهم ولم تكن له قوه ولاغلبه بل باحث عن استعادة حكمه وليس بوضع قوه واخافه

ومع ذلك اعطوه الف بعير وهو عدد ليس بالسهل بل كان الشخص يغزي ويعرض عمره للخطر علشان خمس

وعشرين بعير فكيف الف؟؟

والدوله جايين علشان حرب فيصل بن تركي وعبدالله يبي ملكه فعنزه مالها دخل بشي علشان الدوله

تهددها او تجبرها بشي فلا الدوله جت تبي عنزه ولا كانت في وجههم وطريقهم تقول خافوا يقشونهم0

فلماذا نذخل الدوله انها هي اللي ضغطت وهددت عنزه 0 وبعدين اذا كانت الدوله هددت عنزه ليش يكون

المرسال ابن رشيد؟؟؟؟ تقدر الدوله ترسل من طرفها لعنزه وتطلب اللي تبي؟؟ وليش شاعرهم ماجاب

طاري الدوله ابد؟ بل قال (من واحدن يقلط لنا تقل نزال) قال واحد واما الدوله مالها طاري000

فالدوله طالما انها تقدر تاخذ البعارين من عنزه بالقوه ليش شرطت البعارين شرط على ابن رشيد؟؟؟

وهو امر ثابت 00 طالما انه بسيط الامر بالنسبه لها بمجرد التهديد فلماذا تشرطه شرط على ابن رشيد؟؟

يااخي العزيز:

ابن رشيد شرطوا عليه البعارين وراح لعنزه ودار بينهم اللي دار ثم اعطوه البعارين وبعدها انقلبت الامور راسا

على عقب والرشيد اللي كان الكل يتوقع انهم راح يتذابحون مع عنزه صاروا اعز اصدقائها ويدافعون عنها بل

يهاجمون اللي يقترب لهم 00 وش السر؟؟؟ العاقل يحللها بعقله ويفهمها وهي طايره000


واما ليش هايس ماجاء معه الا خمسين رجل فهو لسببين :


1- ان هايس قال مانا دوار غنيمه وابي راس العواجي ولذلك لايستطيع اجبار احد لان الغازي يغزي علشان

الغنيمه0 ومدام مافيه غنيمه ماله حق يجبر احد وهؤلاء تطوعوا تطوع من انفسهم000

2- ان هايس كان على خلاف ذلك الوقت مع صفوق الجربا ورحل عنهم يوم ردهان ينصح صفوق انه يراضي

هايس بقوله:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يامن خبر رجل(ن) يفلش حزامه=يـبـيـع تـسع جـمـوع بحصان هزاع
شيخن قنا العدوان واهفى عمامه=يطيع عمي الراي للجذع شلاع
من عقبنا شدوا عليك المسامه=شف دونك العدوان كدك بهم ضاع
ماينفعك شمران قلب النعامه=وحيد مايـفـزع الـيـاجـاك فزاع
شمر جزورن والسيافا سنامه=وعزي لشيخن فاخـتـه ذيب الاقطاع [/poem]


ويااخي كونك تضع ان اللي منع شمر بهذا عن اجابة نخوى الشويهري هو الحلف السياسي بين الرشيد

وعنزه وهو امر يحدث في كل حكم واماره افضل من تصوير شمر كله فخذ فخذ انهم مافزعوا للي نخاهم او

انهم ذلو من العواجي كلهم000 فكيف تتهربون عن شي وتطيحون بأكبر منه؟؟؟

ماهذولاء عيال العم من شمر بالعراق يقولون قعد يصيح الشويهري بوسطكم مالقى اللي ياخذ بثاره لين

جينا حنا من العراق فزعنا له وانتم عنده ساكتين0000


واللي ياخذ التاريخ من عدة اطراف تتضح له اشياء كثيره00

تحياتي العطره000

[ريال الفسحه]

[align=center]مع اني غير ملم بالتاريخ الا اني طربت كثيرا لحواركم
وهذا النقاش المميز ..




متابع وملبد بصمت [/align]

[مشــــعل]

[align=center]ابو فهد والمطني

متابعين لكم

حوار اكثر من رائع واستفدنا منه كثيرا

عندي تعديل بسيط
وهو ليس محور الحديث هنا

اخونا ابوعتيق يقول[/align]

وهو يسند على حسين ابن مصطح في رحلتهم من حائل

[align=center]والصحيح انه ملاقي بن مسطح وليس حسين[/align]


[align=center]والله اعلم[/align]

[ذيب سلمى]

يابو فهد يابعد راسي والله أني معك على طول الخط


وأدري أن رواياتك كلها تاخذها من كبار السن وهذا هو المصدر الصحيح


لكن أنك فهمتني غلط أنا قصدي أن الفتره الثانيه اللي تقول عنها بالنسبه للكتب


أغلب مؤلفينها عتموا على حقائق هالفتره







وسلامتك يالغالي

[راعي المغاتير]

[align=center]بسم الله الرحمن الرحيم

السلام عليكم ورحمة الله وبركاته


كل عام وانتم بخير (((متأخر والله ادري ضروووف)))


(((وعيدكم مبارك قبل الزحمه والدربكه كلن بأسمه وكلن بنكه)))


الاخ والاستاذ فواز الغسلان والذيب اللي طرح الموضوع

والاستاذ خالد الشمري ومداخلة ابو خاطر الاسلمي(((رفع الله عنه)))

والاديب والالمعي((الاصمعي))

والاخوه اللذين سقطت اسمائهم سهواً




اثريتم الموضوع وتشعبتوا كثيراً وهناك اسئله طرحت ولم يتم الاجابه عنها


اما مداخلتي فهي الى الاستاذ الغسلان

هي كالاتي:

وقعة ظفره الاولى ان كان تقصد بها انتصار العواجيه على الشيخ عدوان الطواله


وظفره الثانيه((قمعه كما ذكرت)) هي انتصار مفتاح الغيثي والشيخ عدوان ابن طواله

على عنزه((العواجيه)) فلا بأس.

يجوز تقسيمها لان الوقت اللي بينهن وجيز



اما الشي الثاني هجرة عبدالله ابن رشيد الى العراق ماراح يطلب فزعة شمر اللي هناك

((وين اذنك يا جحا قال هاذي ويشر بيده اليمنى على اذنه اليسرى))


لو بغى الفزعه عنده من شمر اللي مغلين على الـــ....... لياقبل((والسبب معروف))

انما راح للعراق ماله نيت رجعه

واما الصيت اللي لعبدالله بالعراق لم يكن سيئ بل عرف بالشجاعه والسطوه

والدليل ابن بسام وقيل الجربا يوم سمع ابو طلال يقصد:

لادك بالخاطر ثمانين هوجاس===الشاوري بالكيس والنار حيه

مزيت ما ييبس معاليقي ايباس===يبري جروح القلب لو به شكيه

الربع شدوا فوق ضمرن مثل الاقواس ===حيلن يفتن حيل راعي الرديه

تعاطوا الخابور مع جسر دواس===وانا على الخابور مالي مطيه

وكلن يطري عزوة له من الناس===وانا اطري العزوه الشمريه

وسمعه معزبه ونشده من انت قال عبدالله بن رشيد وعطاه زماله تديه لحايل

ونكس وصار اللي صار.


اما عبيد ومن معه تبدونوا(((شبه صعلكه))) خيفه من العلي


وبخصوص هايس القعيط وذبحة العواجيه بحكم العلي اللي منع الحضر من شمر لا يفزعون للبدو


في ملاقاتهم للعدو

يقول مبيريك التبيناوي مخاطب الحاكم:


ابراي اخو نوره شفاتي من الناس===اللي نقض غزلك ولا هو بسايل.



والعواجيه وعدم احتكاكهم للرشيد لم تقم لهم قائمه بعد عقاب العواجي

وبيني وبينك اشكك ان جارالله وولد عمه اخذوا الثأر والقصائد ايضأً اشكك بمصداقيتها


والمذكورين لما اخذوا الثأر اختفوا ((فص ملح وذاب)) لم نسمع لهم ذكر


وان اخذوا الثأر فما ذنب غنيم الربضا عشان شمر تذبحه مثاراه لهايس القعيط

اما ساقي الذيب اللي جابه عبيد الرشيد بأمر من الامير عبدالله عندما علم بنية خصومه

يوم يقول


ابشر بساقي الذيب جابه لك الذيب===رفيق اللي من قديمن تمناه

ساقي الذيب القائد التركي... جابه لك الذيب هو عبيد الرشيد

والبعارين اللي خذاه عبدالله من عنزه عندما علم بما وقع على الامام فيصل بن تركي

يحط يده بيد التركي لا يروحون ملح كلهم...

ولما هرب فيصل من المعتقل زبن على عبدالله وبدأوا بترجيع الدوله


















وشكرن لوسع صدرك يا ابو فهد ولا يهون من يقرى ومن يسمع


واعتذر عن الاطاله وعن تشتت المواضيع


وتقبلوا تحياتي[/align]

[فواز الغسلان]

الاخ ذيب سلمى هلا وغلا يالعزوه وفهمت عليك الان يالغالي 00


الاخ راع المغاتير هلا وغلا فيك وبالعكس حنا نتمنى مثل هالمداخلات التي تثري الموضوع وتزيد الفائده00

والكلام اللي قلت مفيد فعلا واتفق معك فيه في اكثر النقاط يالغالي كالتالي:


1- ظفره انا مااقول عنزه اللي انتصرت وانما اقول انها هي التي استفادة من نتيجة الوقعه بعد ذلك على

واقع الارض اكثر من شمر 00


2- ابن رشيد فعلا سوى الصلح مع الباشا خوفا على الديره والجماعه والاهم من ذلك ليعود للاماره اللي

نصبوا فيها الاتراك ابن علي قرابة العام00

تحياتي لكم00

[ابو عبدالعزيز]

انا ارى ان مثل هذه الروايات ان تكتب بموضوع كامل وليس كما يحدث الان او كما قال ابن غسلان

يريد ان الموضوع يتشعب ويصعب متابعته كل شوي يقول كذا وبعد التصحيح له يرد بعباره مغايره

وتوجد مداخله للاخ الاصمعي وهي اقرب للحقيقه بل هي هي شمس الحقيقه اللتي يصعب

على ابن غسلان او غيره حجبها السالفه لياصارت مفطعه مابها فائده ويقولون

[سعد الشمرى]

تقبل الله طاعتكم وعيدكم مبارك عليكم

لاهنت يالعزوه وزنت على هالسرد الطيب وانت من ىالرواه الثقاه الذى نثق بهم ونرجع اليهم
وعندى ملاحظه بسيطه يالبناخى اذا ودك تسمحلى

انت يالعزوه تقول على دور عقاب وحجاب جلى عبدالله الرشيد وانا اقول على دور ابو سعدون جلى عبدالله لان التاريخ واضح يالبناخى ولا وش رايك
زنت ولاهنت يالبناخى

[فواز الغسلان]

تقبل الله طاعتكم وعيدكم مبارك عليكم

لاهنت يالعزوه وزنت على هالسرد الطيب وانت من ىالرواه الثقاه الذى نثق بهم ونرجع اليهم
وعندى ملاحظه بسيطه يالبناخى اذا ودك تسمحلى

انت يالعزوه تقول على دور عقاب وحجاب جلى عبدالله الرشيد وانا اقول على دور ابو سعدون جلى عبدالله لان التاريخ واضح يالبناخى ولا وش رايك
زنت ولاهنت يالبناخى

[align=center]
هلا وغلا اخوي الرطاب وجميع الاخوه هنا الاعضاء والمسايير

وكل عام وانتم بخير وعافيه وصحه وسلامه0


يوجد في الوثيقه المصريه عام 1252 للهجره ذكرهم لمعركة الرحى دون الحناكيه بين قبيلة حرب والعواجيه

وهذه توضح ان عنزه ماطفت ناره بعد مقتل العواجيه(على قول ان قتلهم قبل الرشيد) فهاهم يخوضون

معركه خارج اراضيهم000

وعبدالله بن رشيد كانت شهرته قبل الحكم لسببين:

1- انه نسيب ابن علي امير حائل وابن عمه0

2- انه عصى ابن علي وخرج للدخول في معركة ظفره 00

وغير ذلك لايوجد له من الشهره شي تفوق ماذكرنا000

واما كلام الاخ ابوعبدالعزيز فماادري ماهو السبب الذي يدفعكم تصورون الشخص على انه عدو او مبغض

لمجرد ذكره لحادثه فيها سلبيه على شمر؟

يااخي الموضوع تاريخ وامانه وضمير وكلامي لايعني عداوه او يشكك في ولائي لجماعتي وانما احب كتابة

التاريخ الصحيح سواء لي او علي وشكرا000[/align]

[راعي الوقيد]

[align=center]

لمجرد ذكره لحادثه فيها سلبيه على شمر؟

ممكن توضح وش تقصد بالحادثة السلبية على شمر !!؟

مع ان الموضوع لا يتكلم عن سلبيات وإيجابيات !!!؟

وكل عام وانت والجميع بخير

ولك التحية[/align]