الطفشانين يدخلوون .. بــس ..!!

**ريال الفسحه** · 21-09-2007 22:29

ههه

**بالمختصر..** · 21-09-2007 22:34

.
.

المشاركة الأصلية كتبت بواسطة اجوديه

اصلا وشووو هو الطفش...

خخخخخخخخخخخخخخخخخخخخخخخ

يعطيك العافية بالمختصر...

لاتحرمينا من مشاركاتك دامها كذا...

اجوديه .. أصلاً انا ماسحه هالكلمه من قاموسي

وانتم بعد خلوكم كذا .. انسوا الطفش ..!! وبعدين تراه اشوا من التعب والتهزئ

.
.

**بالمختصر..** · 21-09-2007 22:37

.
.

المشاركة الأصلية كتبت بواسطة ريال الفسحه

ههه

..

.
.

**منصور الغايب** · 22-09-2007 00:04

بالمختصر

لاهنت على هالسالفة

ماتسلفيني ابوك يومين

عندنا كم واحد طفشان بالبيت وديوانيتنا وصخة <<<<<<<

**مهاجرة باحساس** · 22-09-2007 01:23

المشاركة الأصلية كتبت بواسطة بالمختصر..

.
.

امبيـــّــه نسيت اني ابي اكتب موضوع هِنــي <- قلبت كويتيه

المهم .. أعتذر للي قلت لهم اني بكتب موضوع وتأخرت عليهم

( اجوديه .. أبو طروق .. مهاجره بإحساس )

قبلنا اعتذارك

وبدون نفس

:

كان ياماكان في قديم الزمان .. نحكي وألا ننام ؟؟

قولوا : نحكي

احتسي

كنا مسافرين لـ عمامي بالشرقيه .. وحنا بعد بالشرقيه ( حلووووه الصدفه )

يـؤؤ أقصد مسيريّن على عمامي بمدينه ثانيه خلال الويكنـد ..

وحنا يالبنات عددنا أكثر من عدد العيال ( قولوا ماشاءالله تبارك الله )

وطبعاً انحكرنا بالبيت لأنهم عيّوا يودونا للكورنيش أو المنتزه

وفكرنا ننتقم .... ( ان كيدهن عظيم )

هم ماغير متسدحين عند البلاي ستيشن

وألا يروحون للبحر ويجون ملابسهم كله رمل وحنا نغسلهن لهم

واذا يبون يقهرونا يطلبون من دومينوز بيتزا ومايطلبون لنا !!!!

( بالنسبه لي .. ولد عمي الكبير = أخوي من الرضاع ومااتغطى عنوه )

وارسلني البنات اتوسط عندوه .. بس مالقيتوه بالمجلس .. كان مداوم ..

فـ صار التحريش ضد الوغدان ( المراهقين ) .. >> حطينا حّرتنا بهم

وبـ وقتً من البطا وفي ليل تتراقص شياطينه ..

ياعزتي للي يعادينا

رحنا انا وبنات عمي وجلسنا عند ابوي .. قهوه وسوالف + إنقلاب ضد العيال

الايام الخوالي .. قهوة + انقلاب ضد العيال = ياما انقلبنا عليهم

قلنا لوه كل شي .. ووعدنا انوه يسنعهم ..!!

ثاني يوم جّو من الكورنيش ( طبعاً سابحين ومتملين رمل )

وقف ابوي عند الباب وعيّا لايخليهم يدخلون !!

قال : تدخلون انتم ووصاختكم ..؟؟ يالله بالحوش غسلوا رجلينكم

وانفضوا ملابسكم وادخلوا تروشوا وعقب ابيكم بسالفه

:

وهو يقعد يهاوشهم .. ليه ماتطلعون خواتكم ..؟؟ و و و ( يازين وجيههم وهم يتهزأون )

ويقعدون يبررون لوه .. اننا نتأخر عليهم >> اللي يسمعهم يقول وراهم شغل

نــط واحد منهم ( الله بغى يقردهم ) وقال : طفشانين !!

ابوي ترك كل شي وركّــز على هالكلمه ( ياويلهم )

طفشانين ..؟؟

طفشانين ..؟؟

لعن الله هابو هابو ************************ اللي انتم منوه

كل هالدوجه وتقولون طفشانين ..؟؟ اجل خواتكم وش يقولن ..!!

المهم ..

ماعدت السالفه على خير ( لازم عقــاب ماينسونوه أبد )

قال ابوي :

شفتوا الديوانيه ( المجلس ) ابيكم تطلعون كل المراكي اللي بوه وتنفضونهن برا

وانتن يالبنات جيبن سطل بوه ماء + فيري + شوي كلوركس وإسفنجات على عددهم

ومسحّــوا كل جدران المجلس والدرايش واكنسوه وعقب رجعوا كل شي لمكانه

وطلعوا الدلال بالحوش ومسحوهن ورجعوهن .. >> انكرفوا كــررف

وانت يافلان سو لي الشيشه .. وشاهي بعد ..!!

والبلاي ستيشن ماابي اشوفه نهائي .. يالله شيلوه ..

وكل ساعه يويق عليهم : هاه طفشانين ..؟؟

والله السالفه له أكثر من سنتين وللحين مايقدرون يقولون قدام ابوي ( طفشانين )

___

أمانه بالمختصر سولفي لهم سالفت ابوتس يوم يخلي كل افراد العائله بهذيتس العطله الصيفيه

يوم يخليهم يواسون الارض حقتوه اللي تبع البيت لان فيها نزات ( للي مايعرف النزات هذا ارتفاع بالارض )

عاد الحين ابي اسألكم جميعاً ( صبايا وشباب )

مــنــهــو طــفــشــاااان ..؟؟

.
.

___________

اشكرتس على التشهير بالعيال ..

**ريال الفسحه** · 22-09-2007 01:43

عاجل

في خبر اكدته قنات ابوطروق قصدي قناة الفله
انه بعد صدور هذا الموضوع من عجوز الشر بالمختصر حيث ان
عجوز الشرير هي مهاجره
اكد طنخان انه رأى بام عينه ابو بالمختصر وهو يتسلم جائزة
المارثون للابوه الديموقراطيه واكد مصدر مسؤل اكتنه منصور الغايب
عن رغبة بعض الاخوان بالحصول على ابو عجوز الشر ( هذا انتي يا
بالمختصر ) وذلك بسبب وجود كم دلخ لايتوانون عند سوالهم وش
نوحكم بقول طفشانين ..
واكدت بالمختصر ان اللي يبي ابوه يحجز عند مهاجره واكدت على
ان الساعه بالف ريال ..

المصدر[/B]

**مهاجرة باحساس** · 22-09-2007 01:50

ههههههههههههه

ماشفت شين أقسم بالله ياريال ان عنده اسلوب خاص مع اللي يقول طفشان

اقولك خلى افراد العائله كلها بنات وعيال وحريم ( اسرتوه + اسرة اخوه >> .......... )

يواسون الارض حقتوه لان البزارين قالوا طفشانين , تخيل كان يبي يجيب عمال

قام كنسلهم وخلانا نحرث الارض وبالحر والرطوبه

ومره كان يبي يزرع الحوش وكانوا العيال طفشانين وخلاهم يجدلون التراب الزراعي

ويحطونه بالحوش >> عليه اساليب حتى الاف بي اي ... مايعرفونها

وعى فكره تقل مار علي اسم طنخان قبل منهو هذا