ياصباح الخير ياوجوه الخير .. هذا بإستثناء المطنوخ وعجايب وريال فسحة لاني مادانيهم بصراحة
أولاً بغيت استفسر عن معنى ( غبقة ) هالي محطوطن له بانر فوق بالواسطة
وياترى وش علاقته بالمغبوقة الي انا اخبر ؟
وعلى طاري المغبوقة هذا طول الله اعماركم بإستثناء المطنوخ وعجايب وريال فسحة بمرتن من المراريت وافقنا لعنزي من اهل الشملي على عزيمة محفوفة لنا وبصراحة بئا هو اكتر من مرة الي يعزمنا وحنا نعيي عنوه وتخبرون الشملي بقلعة وادرين ولاطرى علينا اننا نمسد خطه ولو يقال لنا ان به كرنفال لسمير الحربي ماهو عاد لعزيمة المهم انه لزم علينا المرة الاولى والثانية والعشرين وحنا نعيي لما قال ابخلي المعزبه تظبط مغبوقة وخلونا نجتمع عليه ! هنا تلافتنا لبعضنا نبي واحدن منا يقول وشي هالسالفة ولمار مامن احد يعرفه ثم قال المغبوقة هاذي عبارة عن رز ابيض ويصير معه لحم وبوسطة طاسة سمن والي يدلزم لقمته يغطه بالسمن وياكله <--- اخرام ؟ .. المهم انه جازت لنا السالفة يوم صاربه اتسل وتخبرون الحوايل ينطبق عليهم قول شلاش (سبقت ترجمته ) ان نسائها كمخ وارضها صبخ ورجالها مع من طبخ وحنا من رجاله ولاننقص عنهم بشين ولانزيد المهم انه اول ماقال طبخة قال كل واحد منا تم تم تم ومشينا لديرته باليوم الموعود ويوم وصلنا ولا الرجال على قوله انه محفوفتن علينا ولا غير ابوه بوه بالمجلس , بعد القهوة واللازي منّو قام قال تفضلو لعشاكم وسبقنا وطبيعي اننا نسبّق ابوه ولا يوم عيا الشايب وقطرت دمعته ! قال اكبرنا وش بلاك ياعم؟ قال ولدي الله يهديه مايقلطن مع الرجال وهاذي عادتن لوه من مبطي !حلفنا بالله كلنا ال يقوم وعيا ويوم نكس ولده ومعه صحين لبوه تأكدنا ان سالفة الشايب صحيحة وأجلّنا كره خوينا شوين لما ناكل مغبوقته وعقبه الوجه من الوجه ابيضالمهم ان كبيرنا حلف بالله ان اللقمة ماتطب افمه الا وابو المعزب على يمناوه والمعزب يحاول يصرف السالفة ويتعذر لنفسوه يقول ابوي متعود ومن هالكلام والا التفت احد منا على الشايب يأشر بيدوه مثل قولة لاتوافقون له على رغبته وزودنا التلزيم لما قال بكيفكم وقم يايبه وقام معنا ويوم سمّينا على الطبخة ولا يوم قام الشايب يدلزم لقمتوه ويدلزمه يدلزمه لما مسكه بيديه الثنتين من كبره وحنا نلخسه لخس وتقل ناقدين ومستغربين بنفس الوقت وغطه يالشايب بالطاسه ولطّه بكل قوته بوجه كبيرنا ولا يوم تخالط الرز والسمن على وجهه والشايب يكركر وقام وطلع من المقلط
!
واثري الشايب طلع متمسكن عندنا وهو خبل.ن يقرّن الخنافس مثل المطنوخ وعجايب وريال فسحة كذا!
عاد مالكم بطوله والي حل هالسالفة الي وكاد انه تجوز لابوعارف وابوطروق
الشيئ الثالث وهو الاهم .. الجعر الي منقطعين من المشاركات بهالمضيف من لهم فترة ويتابعونه كقراء ابي اشوفهم واحد واحد هنا
رد مع اقتباس
المفضلات