[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الـعـيـن تـنـظــر للـرجـوم الـطـويـلـه=والـقـلــب مـاكـل الـمــنــاوي يـنــالـه
طالت عـمـار رجـال عاشت عليله=ومـات الـذي حـيـلـه يـشـادي جـبـاله
واللي تعجل في خـطـات الحـليله=يلـقـى الـمـهـونه والـردى في عـيـاله
يجي ولـدهـا مايطـيـق الـثـقـيــله=وهـذا جـزاء اللي مانـشـد عن خـوالـه
ومن ضاع يلقى بالـمـشاور دلـيـله=يلقى بـشـور اهـل الـمـعـرفـه عـداله
والـبـنـت لو كانت رمـوشـه ظلـيـله=ركـضــك وراهـا هـي عـلامـة هـبـاله
ماراح تـشـرب مـن نـقاوة صمـيـله=دامـك يـمـيـن وهـي تراعـي شـماله
واصبر على الغالي الـيـا بان مـيـله=الـنـفـس صـعـبـن بالخـلايـق كـمـاله
ولو يـطـلـبـك حـاكـم يـريـدك خليله=اهـرب ولاتسـكـن عـلـى سفح جاله
وقت الزعل تطلع سيـوفـه سلـيـلـه=ولاتامـنــه لـو هـو جـمـيـلـن خـصـاله
وحاول تقارب من شـيـوخ الـقـبـيـله=وقـت الجـفـى تامـن دروب الـغـيـاله
ومن قال قولن صعب تبديل قـيـلـه=احـلـى مـن الـروغـة اليا جـاء مجـاله
ومـن بـاق لاتـرجـي وناسـة مــقيــله=يرجـع يـبـوقـك لو بـبـطـنـه جـمـالـه
ومـن يـجحد المـعـروف حذرا تـجـي له=لـو دخــت لاتـقـرب طـوارف دلالـه
ومن عـاف قـربـك وابـتـعد في رحـيـله=مـن غـيـر مـاتـوذيـه خـلـه بـحـالـه
وجـمـاعـتـك لاذقـت مـنـهـم مـلـيـله=ارحـل وتـلـقـى بـالـوسـاعـه بـدالـه
وش لك بـمـقـعـادن ونـفـسك ذلـيـله=مـادمـت رجـلـن مـن نـوادر رجـالـه
ومـقـعـاد عـزه لـو فـلـوسك قـلـيـــله=ولا الـمـذلــه فـي ونـاســة ظــلالـه
ثـوب الـمـعـزه والـشـقـوق بـشـليله=ولاكشخـتـك وسـط الـردى والـرذالـه
ورفـــيـــــق جـــدك لاتـــدور بــديـلـــه=اصـبـر عـلـيـه ولـو ظـهـر لك خـمـاله
وعـــدو جـدك لـو فـعــــولـه جـمــيـلــه=لابـد يـومــن يـجـدعــنــك حـبــالـه
ولاتـرتـجـي رجـلــن كـفـوفـه بـخـيـــله=لو تـمـتـلـي كـل الـبـنـوك بـحـلالـه
واصـبـر عـلـى دنـيـاك لامـال شـيـله=والطيـب فـي رجـلـن يـطيـق احتماله
والحـمـدلـلـه عــد مـاســال ســيــلــه=وعــداد بـرقــن فـي مـثـاني خـيـاله[/poem]
رد مع اقتباس
المشاركة الأصلية كتبت بواسطة أبونايف الوبيري
المفضلات