[poem=font="Simplified Arabic,5,black,bold,italic" bkcolor="transparent" bkimage="backgrounds/27.gif" border="ridge,6,teal" type=2 line=0 align=center use=sp num="0,black"]
اشتاق لك ولشوفتك يابعد حي = شوق النشاما للدلال المباهير
أو شوق عطشان على قطرة المي = شاف الضما من قو لفح المعاصير
أوشوق من خلي على الدار والحي = اصبح ولاحوله سوى حايم الطير
أوشوق اهل جدة على بارد الفي = من زود حرّه تقتفيه القواطير
اشتاق لك ياللي لك بخاطري شي = حيثك كريم وعشرتك كلها خير
انت الذي في دنيتي صرت لي ضي = وان غبت عن عيني حياتي تحاسير
مالوم من يطوي هموم الزمن طي = ولالوم من جاء له مع الوقت تقصير
ولالوم من يبعد عن الدار والخي = ولالوم من يثر به الهجرتأثير
البطن يسطي به ترى طبخة الني = والجرح يوجع لمسته دون تخدير
قلبي كبير وتجرحه كلمة الغي = ومشاعري ماشالت الحقد للغير
ياللي تقولون الزمن يلتوي لي = مابه بلا بس السبب طبعنا غير
الليل هو الليل والريح والضي = حتى القمرمن خلقته فيه تطوير
وجبالنا وسهولنا كلها هي = ياناس قولو لي اذا قلت تزوير
تبي الصراحة بالزمن ماحصل شي = اللي حصل بقلوبنا صارتغيير
كلٍ كوى قلبه على صاحبه كي = ملمس ليان وخافيه يشبه النير
رجواي للي دايمٍ واحدٍ حي = يجمع قلوب عقب ماهي شخاتير
اللي حفظ يوسف وسط غبة المي = وردّه عقب شوف العنا والمعاسير
للدين عطشى ودنا نرتوي ري = والخير يطوى بيننا طوية البير[/poem]
رد مع اقتباس
المشاركة الأصلية كتبت بواسطة أم نــــــــــواف
المفضلات