[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شفت الزمان اللي جمعنا على خير = ياحمود ماشفته بيوم افترقنا
فجأه .. كذا من غير حجّه وتبرير = أنهى العلاقه كننا ماعشقنا
ياما عطيته وانت تدري .. عطا غير = إلــــــين ماجفّ الوريد بورقنا
ضمّيته بصدري وفا \ والغلا طير = واشعلتْ بضلوعي دفا \ واحترقنا
ياما مشيت الدرب لجله مشاوير = ماصدْ عن دربه ولايوم عقنا
جيته غلاة انسان واحساس له \ مير = كلي وانا فــــ بحور كذبه غرقنا
كنّي غريقٍ طاح .. في جبّة البير = وصار العطش بالحلق موت وشرقنا
والا كسيرٍ ماعرف يوم تكسير = يبلع كسور وداخله صاح .. ضقنا
ياحمود مُرْ الوقت مافيه تقصير = مرٍ ولاغيره يبلل رمقنا
وياخوك كان بصدته ينفخ الكير = المسك حنا وفي سماهم برقنا
وكانه تفاخر \ قِلّهْ إنّي من مطير = وقبله شروق المجد حنا شرقنا
مابي تْطول وباقيٍ بيت وقصير = ماهو عشانه !! في زمانٍ سرقنا
ليت الزمان اللي جمعنا على خير = كمّل جميله ساعة اللي افترقنا[/poem]
رد مع اقتباس
المشاركة الأصلية كتبت بواسطة ريال الفسحه
المفضلات