[align=center]قبل كم سنه
الا قبا عقود من الزمان
يوم كانوا الناس بخير
وربي لك الحمد للحين وحنا بالف نعمه وخير
كانوا الناس يعيشون بالباديه ( يعني بدو )
وكل قبيله او عشيره تعيش مع بعضه
وفيها من القصص الشي الكثير
وبعضه زين وبعضه شين ويجيب الهم
ومثل ماتعرفون ان السعيد من اتعض بغيره والتعيس من اتعض بنفسه
عا بقولكم هالقصه لعل وعسى نتعض منه
كان فيه واحدن يقالوه شليويح ولا عندوه بالبيت الا اموه العجيز ( مهاجره )
وعندهم جارتن لهم رملا اسمه عجايب
وهالمسكينه عنده ثلاث عيال
الكبير اسموه ريال فسحه
وهالوليد مدلع ومعطيتوه اموه راحتوه وخلتوه يكمل درستوه الابتدائيه والمتوسط بالديره
ورجع وهو بس يفكر بالديره وباللي به ( ملعون الرقبه عاشدز بالديره )
والصغير اسموه الشبث
وهذا مسيكين وابن حلا
وبوه سويدا ( صرعه ) وكل يومن مغربلن اموه هالمسكينه
وبينهم المطنوخ
وهذا كل ماينام يرتسبوه الهدبدب ( يمشي وهو نيم )
المهم كانت عيشة هالعجيز وعياله على الله ثم جارهم شليويح
هو اللي يساعدهم وقوم بشغالهم
وبيوم من الايام قالت ام شليويح ( مهاجره )
ياوليدي حنا ليه مانرحل يم عربنا ونرتاح
قال يا يمه وجارتنا هالمسيكينه شلون نخليه
قالت اموه
ياوليدي هذي عنده عياله والله مهو مخليه بعد
قال شليويح
والنعم بالله يا يمه بس عياله هاليتمان عزي للي يرجيهم
واحدن بس هايت ولا يراعي لاموه
والثاني مسيكين كل يومن منصرع بلوه متسان
والثالث ليامنوه نام رتسبوه هالهدبدب
وياخوفي باتسر نلقاوه مسلقطن بالدزليب
ومثل ماتعرفين يا يمه ان الجار لوه حقن على جاروه
والرسول وصى بسابع جار
وحنا ماعندنا الا هالجار
وتبين الصراحه يمه
قالت ايوالله ياوليدي
قال انا عندي انتي وجارتنا وعياله تقل خيااااااش
قالت وشو ؟؟؟ خيااااش يالهيس
قال يايمه
اقصد انكم مليانين بالاجر
وانا مستفيد وانا اخذ من اجركم
وخذتهم السوالف
وفجأه ( لله يستر من فجأه )
وهو يصيح الصيااااح ( ماصاح صياح الا من بلا )
وهو يقمز شليويح
ولياوالله هذي جارتهم تركض يموهم وتصيح ( تكفى ياشليويح ياراع المعزاااا )
قال لعيونتس ياجارتنا ياراعية الطليان
وش السااالفه
قالت وليدي الشبث يصلح لي قهوه وهي تصكوه السويدا وهو يطيح على النااار
وهو يطير شليويح يم الوغد
ويوم جاوه ليمار غادين وجهوه تقل نص حبه على الفحم
ومحترقن كل جسموه ولا باقين الا مواطيه
ويطلعوه ويطفونوه
قال وين وغدتس المطنوخ
قالت والله مدري وينوه
كان الصبح نيم وجيت مالقيتوه
قال لا يكون رتسبوه الهدبدب
وهو يقمز يدوروه
ولا يالقاوه الا على الحدود يمشي وهو نيم
ويردوه معوه عقب ما اقعدوه من النوم
ويوم وصلوه اموه قالت يا شليويح ابيك تدور ريال غدينا نودي هالليد يم الديره
قام اخو شلحا يدور
ويوم راعا ليمار هكا الادمي جالسن عليلوه طعس مدزفي
وهو يقربلوه
لياوالله هذا ريال
وليمار ابو الشباب خاشن جو رومنسي
ويقصد
يقول ريال الفسحه : عجبي على حرفين قد سلبا وقاري....
وهو يقاطعوه شليويح
اقول ورا ماتقوم يا نزار قباني تشوف امك
قال ريال
ولييييه انت وش تبي من حياتي ورا ماتفاردز
قال شليويح
انا من شفت شنبك هاللي تقل ام اربع واربعين معترضه وانا غاسلن يدي منك
ياشين ليه ماتقوم تشوف امك هاللي متغربلتن بخيك الشبث .
المسيكين كلتوه النار وانت جالسن هنا تقصد يهالهيس الاربد
وهو يطير عيونوه ريال فسحه
قال اخوي الشبث كلتوه النار
قال شليويح ايه
والمسيكين غادين تقل عجينتن خامره
والله هم يفزعون يسعفون الليد وتجيه سلاماااااااااااااات
وجيتك منهم مدري عنهم
وتقلدوا تحيتي[/align]
رد مع اقتباس
المشاركة الأصلية كتبت بواسطة الشبث
المفضلات