إلتقاء القلوب .. لقاء مع عبدالله مسير بن طواله ( عضو مضايف شمر )

[عبداللة]

أخي عبدالله ..

الحمد لله على سلامة عودتك لارض الوطن

والحمد لله .. على انتهاء هذا الإبتلاء .

وشكرا لشخصك الكريم بإتاحه الفرصه لأخوانك وأخواتك هنا بالالتقاء بك من خلال هذه الصفحه


لا توجد لدي أسئله محدده

بل لدي رجاء بأنّ تطلق صفه للأرض الجديده غير أرض الحريه !!

فما عسى صفتها لديك ؟ مستمدا الصفه من الموصوف

//

شكري وأمتناني لقيام اخي العضو بإدارة المضايف : المشرف : عبدالله المهيني نيابة عن إدارة المضايف في إدارة هذا الحوار

ياهلا باخوي الغالي ابو سلطان.. الغالي من ذكره وعلمه الغانم والأذن تعشق قبل العين أحينا.. والله إننا منونين لك بهالمنتدى الأكثر من رائع وأكثر من راقي .. واللي يدل على رقيك أنت ورقي جميع القائمين عليه.. وأشكركم على جميع المواضيع اللي كتبت عن شخصي المتواضع.

أما بالنسبة لطلبك لإطلاق صفة لهالأرض فأعتقد أنها أرض المبادئ والقيم وارض الشهامة والكرم .. مع إعتقادي الجازم بأن هالأرض لا تكفيها كلمات ولا تفيها صفات, فهي أسمى بكثير من كل وصف.


هذا وتقبل فائق غحترامي وتقديري,,,


أخوك / عبدالله بن مسير

[عبداللة]

ماعندي سؤال لك ولكني أسأل الله أن يبارك فيك ويحفظك لعين ترجيك وترجي الخير منك وفيك .... وأنا ما يربطني معك حسب ولا نسب ولكني والله أفتخر فيك وفي صبرك على البلاء في بلاد من لا تأخذهم فينا رحمه ولا عدل ... لله درك من رجل ... لله درك ...

اخوي وفي.. ياهلا والله وغلى .. الله يجزاك خير على كل كلمة كتبتها ويبارك فيك.. والله إن كلماتك هذي إنها وسام شرف على صدري.. وما تدل إلاّ على طيب أصلك ومعدنك..وإذا ما كان بيننا رابط حسب أو نسب, إن شاء الله رابطنا رابط المعزة والمحبة في الله.. ولا يضيق صدرك من الإمريكان, صحيح إنهم ضايقوني, لكن نركز على الشي الطيب منهم , علموني وثقفوني وخرجوني وحنا خير من يرد الإحسان.

تقبل خالص إحترامي وتقديري يالوفي,,,


أخوك / عبدالله بن مسير

[عبداللة]

اولاً: الحمدالله على السلامه اخ عبدالله مسير بن طواله
والف مبروووووك رجوعك للوطن سالماً غانماً وكذلك لمضايف شــــمر وتراك بقلوبنا على طووووووول.

ثانياً: اشكر اخوي عبدالله المهيني على جهوده الجباره في متابعة هذا الموضوع والقضيه بشكل متواصل
والشكر موصول للاخ نافع الطواله والله لايهينكم ..

ثالثاً: ارجع لاخوي عبدالله واقول مبررررررررروك شهادة البكالوريوس بنظم معلومات الحاسب الآلي
وكذلك الماجستير بتخصص الإدارة الهندسية والى الامام بأذن الله .

رابعاً: الاسئلة
س1/ ما هو الشعور الذي احسست به عندما قالوا لك انك من افراد القاعده او انتمائك لهم في اول مره ؟

س2/ هل تنصح بالابتعاث الخارجي حالياً بامريكا اوغيرها بعد ان قضية تجربه مؤلمه جداً ؟ ( اود افادتي لان هالفكره تراودني من زمان ودي اروح بعثه )

س3/ يوم كنت بامريكا بلدك السعوديه وش كان بالنسبه لك ؟

[move=right]ودمتم بخير[/move]

ياهلا والله وغلى باخوي الرعيل وعسى الله يبارك فيك ويطول عمرك وترى القلوب شواهد يالغالي.

عزيزي للإضاح فقط ترى هم ما إتهموني أني أنتمي للقاعدة ولكن إتهموني إني أملك معلومات تساعد المحققين على التثبت من إنتماء ناس للقاعدة, ولم توجه لي هالتهمه إلاّ بعد شهر ونص من الإعتقال, ولكن بعض جرايدنا هداها الله يبالغون كثير.. لكن اللي كان يدور براسي إنهم بس يبون يضغطون علي عشان يشوفون إذا كان لي علاقة بالإرهاب والإرهبيين والاّ لا ..خصوصاً إني كنت أبدرس طيران . وهذا اللي حصل فعلاً.

أما السعودية وش كانت تعني لي هذا سؤال يبغى مجلدات للإجابة علبه..
أما بخصوص الدراسة هناك فأنا أنصح وبشدة


تقبل حبي وتقديري

[عبداللة]

الحمدلله على سلامة الشيخ ابن طواله ومبروك التخرج والشهادات




رجع للوطن رافع راسه وراس ربعه وقبيلته




سؤالي لابو عابد


ذكرت بمقابلتك في الاخباريه ان هناك اشخاص اخذوا منك موقف سلبي "سامحهم الله"




وهناك اشخاص اخذو منك موقف ايجابي وقفوا معك موقف رجال


فهل تتحفنا باسمائهم ؟؟؟



السؤال الثاني : هل تعرضت لضرب أو تعذيب في السجن ؟؟



السؤال الثالث : ماهو شعورك وانت تصل لارض الوطن وتحط قدامك بمطار الملك خالد ؟؟


السؤال الرابع : ماهو شعور ام عبدالله حينما دخلت عليها ؟؟





ويعطيك مليون عافيه والله يوفقك على الدوم

[align=center]
هلا وغلا باخوي سنعوسي زاحف.. الله يسلمك يالغالي ويبارك فيك والربع والقبيلة مرفوعةٍ روسهم قبلي ولكن هذا من لطفك وطيب ذاتك.

بالنسبة للأشخاص الذين وقفوا معي موقف رجال فهم كثير ولله الحمد شباب من السعودية والإمارات والبحرين كنا نشكل مجموعة وكنّا أكثر من اخوان .. بجلساتنا وطلعاتنا ورحلاتنا كنا دايم مع بعض.. ولما مريت بهالمحنة هذي فعلاً وقفوا معي موقف الرجال الأبطال.. أثناء الإعتقال كانوا يزوروني وكانوا يشدون من أزري .. وكانوا يبتسمون لي والحزن مالي صدورهم.. ولما طلعت إحتفلوا بخروجي ودموع الفرح تغرق عيونهم..ما أبي أذكر أسماء لأن القائمة طويلة
واخاف أنسى أحد منهم واقع بالإحراج وتأنيب الضمير.. ولكن أذكر منهم من يهمني ويهمك إنك تعرفهم لأنهم أبناء عم لنا من غير قصور بالباقين :
1- تركي بن فهد البدر الشريم
2- سعود بن علي الشريم

أما بالنسبة لسؤالك الثاني فأقول: لا ولله الحمد لم أتعرض لأي تعذيب ,إنما فقط تحقيق أشبه لمقابلة صحفية مطولة. أما شعوري عند نزولي لأرض المطار كان جداً رهيب .. كنت أحس إني أمشي فوق.. يعني بإتجاه رأسي ما هو أفقي.. كنت أحس إني داخل بيتنا.. يعني كن المطار مطاري .. كل الناس ربعي .. وكنت أدري إن المطار مليان بالمستقبلين وكان قلبي " يفرفح" يبيهم.. أقول والله ما ادري كيف أوصف شعوري ..بس كان شعور مجنوووون. أما مشاعر الوالدة غكانت مشاعر أعظم وأكبر فرح ..هذا كل اللي أقدر أقوله عنها.


سنعوسي زاحف جعلك إن شاء الله تزحف بالجنة إنت وكل مسلم .. ومشكور يالغالي على هالأسئلة الروعة.

أخوك / عبدالله بن مسير[/align]

[نافع بن طواله]

اسجل متابعتي للإجابات ولا تبطي يا عبدالله

وخصوصا سؤال عبدالله المهيني بخصوص الشعر


السؤال اللي فوق نبيه كامل

وجدتي تستاهل

ليا صباح الخير يا صبــــــــــح أمي ........ الله لا يسعد صباحي بدونـــــه
يا رمشه اللي في خيالي يومي ........ من وين مالدت تشوفن عيونـه

صح لسانك

[عبداللة]

في هذه الصوره يظهر وفاء الأصدقاء

حيث نرى المهندس عامر بن حزام بن خرصان العجمي يقبل رأسك بكل حب ووفاء كما يظهر لنا أخيه عبدالله بن حزام


فالسؤال هنا


مادور اتصالات الأصدقاء في الوطن ؟؟ وما مداها ونتيجتها في ظل ظروفك ؟؟



السؤال الآخر


ذكرت في المقابلة التلفزيونيه ان هناك شخص من جنسية عربية حاول الإيقاع بك

فيا ترى ماكان هدفه أو ما مردوده من إيقاعك ؟؟

يا هلا والله بابو طواله مشتاقيين لكم يالغاليين .. الله يردكم بالسلامة.

بالنسبة لسؤالك الأول أقول: الحمد لله اللي حباني باصدقاء أوفياء واصلين .. ما انقطعت إتصالاتهم ولا رسايلهم الالكترونية اللي كانت دافع معنوي كبييير لي, خصوصاً لما اسمع كلمات التشجيع منهم ( واحد منهم دق علي يقول: خذ راحتك بامريكا..أهم شئ تجيب الشهادة.. ترى السعودية ماهي طايرة ) جداً رايق هالولد ههههه الله يحفظه لي.



أما بالنسبة للشخص العربي وش فايدته من الإيقاع يي أقول : محاولة الإيقاع بي هي نتيجة صفقة بينه هو ومحاميه و ال F B I .. مضمونها إنه إذا هالخسيس أوقع بي راح يسقط عنه بعض تهمه أو معظمها بحيث تكون الفترة اللي قضاها بالسجن كافية له كعقوبة ويخرج من السجن.. هذا ما ذكره لي الباكستاني اللي عرض عليه هذا العربي أن يدخل معاه بهالصفقة كشاهد وله نفس العرض.

[عبداللة]

إلى سعادة مقام الشيخ العزيز الإستاذ/ عبد الله بن مسير الطواله حفظه الله تعالى آمين.

السلام عليكم ورحمة الله وبركاته وبعد

أولاً :

حمداً لله على سلامتك وعلى عودتك إلى أرض الوطن سالماً غانماً بفضل الله جل وعلى ثم مساعدة و متابعة المسؤلين من حكومة مولاي خادم الحرمين الشريفين الملك عبد الله بن عبد العزيز آل سعود ، أيده الله ورعاه.

ثانياً :

أبعث لسعادة شخصكم الكريم في أجمل التهاني وأحر الأماني بمناسبة حصولك على الشهادات العلمية العليا بالرغم من الظروف الصعبة والمضايقات التي تعرضت لها من قبل السلطات الأمريكية الظالمه.

ثالثاً :

أفيد سعادتكم بأنني قد تابعت فصول المقابلة التي أجريتها على قناة الإخبارية والتي قد شرحت فيها ظروف إعتقالك وأجبت على جميع التسائلات حول هذا الموضوع في كفاءة ووضوع.

تفضل بقبول فائق تحياتي وتمنياتي لسعادتكم بالتوفيق والسعاده.

عزيزي الغالي أبو عارف.. والله كلامك الطيب هذا أحرجني كثير وما لقيت رد مناسب لكلامك الطيب الحار ولكن والله إن ماعليك زود وإنك مني واطيب لأنه ما يشوش ويفرحب بالعلم الطيب إلاّ الطيب اللي مثلك وشرواك.. وانا ما سويت شئ .. لو أي واحد منكم بمكاني كان سوى مثلي واكثر والضغط يطلع طاقاتنا الكامنة لأننا سلايل ناسٍ ثقافتهم ثقافة كرم وعطاء رغم الجوع.. ثقافة رحم وإثار رغم الفاقة و الفقر .. ثقافة شجاعة وإقدام خوفاً من كلمة ذل أو خاف.. ثقافة صدق ونقاء ونبل وصفاء ..وما ننحن أبناءهم إلاّ إمتداد لهم أو عسانا كذلك إن لم نكن كذالك.

عزيزي أبو عارف أسعدني مشاهدتك للقاء ومن لطفك وذوقك إذاهي نالت على إستحسانك ولعلمك تراني إختصرت فيها حاجات كثير نظراً لضيق وقت البرنامج.

بارك الله فيك يالغالي وحماك من كل مكروه وجزاك الله خير عني خير الجزاء.

هذا وتقبل كل الإحترام والتقدير لشخصك الكريم.

أخوك / عبدالله بن مسير

[عبداللة]

الحمد لله على السلامه يـ عبدالله
و طالع من الشر ان شاء الله

الف شكر لـ ابو صالح على إلحوار
لي عوده بإذن الله

ماننحرم

يا هلا والله باخوي سالم.. الله يسلمك وماتشوف شر ومشكور على مشاعرك الطيبة.


أخوك / عبدالله بن مسير

[عبداللة]

الف الحمد لله على السلامة

ومبروك الشهادة وعسى الله يكتب لك التوفيق بحياتك العامة والعملية

ونهنيك يبو طواله بسلامة الخال ووصوله وعسى أفراحكم متصله

يا هلا والله بصلفيق ابو قناة..الله يبارك فيك يالطيب ويوفقك لكل ما يحبه ويرضاه .. ومشكور والله على مرورك الكريم ودعواتك الطيبة.


أخوك / عبدالله بن مسير

[عبداللة]

عبد الله المهيني

مثل ما قلت طال عمرك كلنا أهل

وعلى ماقالوا كلنا عيال قريّة وكلٍ يعرف أخيّه

لا هنت على هذا الموضوع

وبالنسبة لعبدالله الطواله

بس حبيت أقول نورت ديرتك وشرفت بلادك ياطويل العمر

وحبيت أقول ياخوي ياعبدالله سبع سنين صبر مروا عليك

وش الإيجابيات اللي صارت في شخصيتك عقب الصبر هالفترة هذه كلها ؟؟

وأعتقد ياطويل العمر إنك بلحظة وصولك نسيت السبع سنين هذه كلها

عسى الفرحة ياخوك تكون دايم فالك

ألف الحمد لله على السلامة وتستاهلون سلامته يا آل طواله

أخوي عبدالله المهيني

عسى الله يبارك فيك على هالموضوع

دمتوا ولا هنتوا جميع

أختكم
نــ بنت الفهد ــوف

ياهلا والله بإختنا نوف الفهد.. الديرة منوره بوجودكم ومشرفة باهلها يالغالية..وسنين الغربة بحلوها وبمرها راحت والتعب على ما يقولون منسي .. أما الإيجابيات اللي حصلت في شخصيتي فهي كثيرة, و إذا منتي مصدقتني إسألي أمي هههه " ال... بعين أمه غزال " .. والله أنا ما أشوف أي تغيرات كبيرة بشخصيتي .. يمكن الاخوان نافع وعبدالله المهيني يملكون الإجابة على هالسؤال<<=== الله الله بالحتسي الزين لا أوصيكم.

أختي الغالية نوف الفهد .. الله يسلمك من كل شر ويجعل السعد فالك ومشكورة يالغالية على مشاعرك الطيبة يا طيبة.


أخوك / عبدالله بن مسير