[align=center]السلام عليكم ورحمة الله وبركاته
هذه أسماء الزوجات في جوالات بعض الناس !!!!!
واحد مسميها ( يالله عسى خير)
واحد مسميها (محقق كونان)
واحد مسميها (تعال للبيت) !!
وواحد مسميها (النشبة)
والآخر مسميها (السعلوه)
وواحد مسميها (صاحبة السمو)
وواحد مسميها (هات)
وواحد مسميها (الشرطة) وحاط نغمة دوريات
وواحد مسميها (حسب الله) بتاع ريا وسكينه
وواحد ثاني حالته حاله أيام الخطوبة (My Love) اول ايام الزواج (الغالية) لما جاء اول طفل (ام فلان) الحين (الورطه)
وواحد مسميها (المقاضي)
وواحد مسميها ( ودني لبيت اهلي )
وواحد مسميها (هيش)مدري وش يعني هيش؟؟؟؟
واحد مسميها (البليه)
واحد مسميها (الغلطه)
وغيره مسميها (بسم الله)
واحد مسميها (المعزبة) ثم غيرها ((للمعذبة))
وواحد مسميها (وزارة الدلاخه)
واحد مسميها " دلوعتي "
واحد مسميها ( قمر 14 )
واحد مسميها ( قلبي )
واحد مسميها "أم المعارك" ... ونغمتها ... نغمة قناة الجزيرة حقت خبر عاجل !!!
واحد مسميها (راعي البقالة) علشان محد يجيب خبرها لو انسرق أو تلقف احد يفتش بالجوال
واحد مسميها أيام الخطوبة (My Heart) <----(جواله ما كان يكتب عربي)
اول ايام الزواج (الغالية فلانة)
لما جاء اول طفل (ام فلان)
بعد خمس سنوات (ام العيال)
الحين (لا ترد احسن لك)
واحد آخر كان حاط اسم زوجته ( ابوناصر) فكان معه خويه بالسيارة ونزل للبقالة وترك الجوال في السيارة واتصلت زوجته ولما شاف خويه الاسم ابوناصر حس انه يمون وقال خل ارد واقول ان الرجال بالبقالة والا يمكن يجي وأنا أكلم وأكفيه مصاريف إعادة الاتصال فلما رد وجد الصوت نسائي !! فقالت اين فلان فقال نازل من السيارة وبيدق عليكم ، ولما عاد صاحبه من البقالة أخبره صديقه بالذي حصل فقام بعدها بتغيير الاسم إلى ( أم فلان ) .......خخخخخخ
===
واحد مسميها ( جمس الهيئة) شكله له سوابق
وثاني مسميها ( ام الطرورو) مدري وش معناها ولا هو معلمنا ليه
وثالث مسميها ( قم صل )
واحد مسميها (أم 44) وبعض الاحيان يسميها (روح الروح ) <<<على حسب الجو
واحد مسميها " تعال للبيت" , شكل المدام واطيه في بطنه
أعرف واحد عنده ست أخوات مسميهم كذا اختي s = اختي m = اختي h = اختي n = اختي g
واحد مسمي أبوه: (يالله حسن الخاتمة)
وأمه: (العجوز)
وزوجته: (النشبة السنعة)
وعنده ثلاث عيال متقاطين على جوال مسميهم: (المهابيل الثلاثة) <<< لوووول أعجبتني
اهل العقول في راحه
والله الحريم مساكين رضو بالهم والهم مارضى بهم
يلاااا كل واحد يعترف شنو مسجل أمه أو أخته أو زوجته بجواله .؟!! وبكل صراحة[/align]
رد مع اقتباس
المفضلات