السلام عليكم ورحمه الله وبركاته
هذا عبيد الرشيد جهز جيشه لحرب ابن صباح واسمع يهاك الولد بان عبيد يبى يغزى فقال الولد لبوه يا يبه بالله ماتودينن يم ابن رشيد ابى اطلبه طلبه
قال ابو الولد يا ولدى اخاف عليك تقول كلمه ولاهى غلط ويذبحك قال الولد ان ذبحن ولا انا من رعيانه بس ودن يمه
والله وهم يجون يم الامير قال عبيد وش عندك قال والله يا عمى ولدى عنده كلمه وده يقوله لك قال قرب يا ولد وش عندك قال
تمثل الولد امام ابن رشيد وقال
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="double,4,chocolate" type=0 line=0 align=center use=ex num="0,black"]
حر شهر من قصر حايل مدلى = يارب وفق بالمداين دقوقه
يشلع وياخذ بالخضيرا ويعلى = كل القبايل شبهرت فى سبوقه
كز السريا والركايب تصلى = وقال اطلعوا ياغوش سوقه
وركبو مثل النعام المظلى = وعيد خلى مالقا من يذوقه
بس العذارى وعندهن منوتلى = يذبح ضحاياهن ويشرب مروقه
مير اخلاف ذا ياركب البكره اللى = ماهى لحوح وعقب رجلك شبوقه
تلفى لابن صباح وقت المصلى = امكيفن بين البنادر وسوقه
قال افتهم حنا لدارك ندلى = وماء البحر لو مالحن حنا نذوقه
اخاف من بلا طير شلوى يشلى =مخالبه ما يتخيطن افتوقه
من مقدمن عادات عمى يخلى = يحوب عشاق البنى عن عشوقه [/poem]
وارفع راسك يا عبيد وقال ابشر يا الولد كل بيضا ظهر هى لك وانا اخو نوره
وسلامتكم اخوكم الرطاب
رد مع اقتباس
المفضلات