مساء الخير
[poem=font="Simplified Arabic,5,sandybrown,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الغايب الي فـي غيابـه علـيّ طـال=ماعـاد تفرق...لويـطـول غيـابـه
هاذي سنه مامر طيفـه علـى البـال=ولاهاجس الذكرى بيـومٍ سـرى بـه
انا كذا !!حالـي اذا حـلّ بـي حـال=مااطرد ورى المقفي اذا صـك بابـه
راسي بوقتٍ مال من هـول الاهـوال=ذيـبٍ بوقـتٍ ماانحشـم بـه ذيابـه
وافي بوقـتٍ خـان وافيـن الافعـال=واضـح بوقـت المعمعـه والغرابـه
شاعـر وحرفـي مايغنـي علـى أل=من شان يكسب فـي زمـان الغلابـه
حكيم يعنـي افـرق الـذال عـن دال=والبـس علـى قـدّي بحكـم اللبابـه
وماجيت انا امدح في قصيدي ولااختال=الشّعـر مانـزّل..ولااحـدٍ رقـابـه
بس انـك تحدّن..وانـا طيـب الفـال=وما قدّ كتبت الشعر لاجـل الذرابـه
اقول..والا وش لي بـزود الاقـوال=افهـم كلامـي يـوم جتـك الكتابـه
القـوّس لامنـه سنـد ظهـر خيّـال=غيـر الـذي متعلـقٍ فـي ربـابـه
فيه اختلاف!!شلون؟؟يعنـي بالامثـال=عمر الاصابـع فـي يـدّك ماتشابـه
حتى الغياب بعينـي انـواع واشكـال=احـدٍ يغيـب وخافقـي مـادرى بـه
واحدٍ غيابـه يشقـي القلـب والبـال=واحدٍ بدون غيـاب قلبـي شقـا بـه
وانـا معـه مابيـن نـازل ورحـال=أخيـل مزنـه ليـن شفتـه سحابـه
عدت سماي!!وامطرت بأخـر الجـال=وكنت السحاب الـي مسيّـل ترابـه
والحين عادي لو غيابـه علـيّ طـال=ماعـاد تفرق...لويـطـول غيـابـه[/poem]
رد مع اقتباس
المفضلات