[align=center]مرتن من المرات
وفي صيفن ماااااا
امر سيادة ريسنا وقايدنا الطيب والحبيب ابو سلطان برحله الى مصر
لاعضاء مميزين من المضايف على طايره خاصه متكل به هو
وكان اعضاء هالرحله هم
الكابت ريال فسحه
ومساعد الكابتن الكمبيوتر
والمضيف المطنوخ
والمضيفه عجايب
امالركاب فكانو
بأول المقاعد
سلمان النبهان ( شايب )
وسرحان ( شويب )
والمقد اللي بالنص بهن
خويتنا الفرنسيه اوسكار او مادري وش اسمه
وايمان قويدر
وبالمختصر
واجوديه
طبعا كلهن عجز منتهيات وكل وحتن معه صرره
وعلاجاته الشعبيه
وبالمقد الاخيره
فيه منصور الغايب
والشبث
واخونا اخشم ماطيع
وابو طروق
هذا كان تعريف بالركاب الافاضل
الوكاد
كلن جلس بمكانوه وتجهزوا
وهو يدقه ابو فسحه سلف وهي تعيي الطايره لا تشتغل
وهو يجي المضيف المطنوخ قال
اخواني الركاب يسلم علي الكابتن ويقول حولو دفو الطايره نبي ننتعه
والله وهم يقمزون الزقرت اللي بالاخير
والشيبان والبنيوات رتسبين ويشجعونهم مع الدرايش
مالكم بالطويله طارت الطايره بركابه
وهي تجي المضيف عجايب ( متغشيه )
قالت بالخير يا خيويني وخيواتي
ابيكم تسمعون هالتنبيهات زين
1/ فيه قدامكم اجهزه حقت التنفس
اذا صار ماصار لا تحطونه تروهن يكتمنكم من البطا خربانات
2/ اللي معوه شماغ يتلطم بوه
والحريم ببراقعهن
3/ يا خرعتكم المطانيج الهوائيه تبطحوا
4/ تلايصوا ولا تزعجوننا وخافوا ربكم ترونا بي السما والقاع
ويوم خلصت انصايح
وراحت المضيفه
وهم يقون كلن يحتسي مع خويوه
ولكم منها هذه المتطفات
سلمان النبهان يسولف عى خويوه سرحان ويقول
سرحان ماتشوف اننا احترينا
قال سرحان
ايوالله يابو سند
كله من هالمضيفين مشغلين المكيف الصحراوي بدون ماء
قال سلمان ماتبينا نفرش لنا فريش على هالجناح نتبرد
قال سرحان الا ماتبينا نشب لعيال على الذنب
انت تبينا نهفي
تحسب القاع حولك
ويستمرون على نقرتهم
العجز كلن تتفقد صرره وتشوف بزاره ومرته وعنزروته ( ذالاتن يتغير عليهن الجو )
الشباب اللي بالاخير كلهم نيمين
الا منصور
منبطح حدر الكرسي ويكلم بالجوال( مادري انوه خطر )
وعقب نص ساعه وهو يدخل عليهم المطنوخ
قال مسافرين الجوف مرو بلاد الزين
انتم يا مسافرين الفلس
فقرتونا الله يفرقكم ( قاطن مع ابو سلطان )
تولموا عقب برهه الغداء
وبهالاثناء
اخواننا الكباتن جالسين يلعبون شرنج
ولا همهم سلامة المواطنين
وهو يجي المطنوخ نوبتن اخرى
قال يالله تفضلو على عشاكم والله محد يجلس
وهي تقوم الفرنسيه بنت اسكار
قال اقول انتي يالحميرا انثبري انتي القلطه الثانيه بس الرجال
المهم تغدا الجميع وطارت الرحله بأمان الله
ويووووووم توطة بالبحر الاحمر
وهي تقوم ترتع الطايره
وهم يتبطحون كلهم ( مجودين التعليمات )
وهي تقوم تدخن الطايره ( اعطب به ابو جوال )
وهو يحاتسيهم الكابتن ابو فسحه بالمقرفون
قال اخواني ماعليكم خوف
ابشركم سيطرت على الطايره وابخليه تطيح بالبحر
وهم يقومون يصايحون واولهم المضيف والمضيفه ( هذا بدال مايهدونهم )
والشبث من وراهم يصيح ويقول ياملعون الرقبه ماعرف اسبح
والعجيز اجوديه له صياح
واويلي واغميضة صرري
واغشي واقردي اللي مهو بالنااااس
( مخططتن تتجر بمصر)
الوكاد وهم يطيحون بالبحر
وهي تنعفس امورهم
ويالله عقب ثلاث ساعات يجيهم الدفاع المدني ويطلعهم من البحر
ويوم وصلوا الشاطي وهم يفقدون الشبث
وينكسون يدورونوه
ويلقونوه جالسن بقاع البحر وماسكن خشموه
وعندوه سمك قرش يقول بسم الله على النعمه
واسف للاطاله
وتقلدوا تحيتي[/align]
المفضلات