قصيده مهداه الى شيوخ شمر الجربان
يامرحبا نقـول شبـن وشيبـان
ترحيبة العطشان بصافي شرابـه
اقولها مع زود شكر(ن)وعرفـان
بشيوخنا الجربـان ياحـي لابـه
انتم هل الواجب هل الحق بحسان
وانتم شرفنا من ادوار الصحابـه
نفخر بهالطاري لياقيـل جربـان
فرسان شمر في نهـار الحرابـه
الي يحضر منهم يسمى كحيـلان
وسيوفهم تصطى ولحد(ن)صطابه
من دور فارس بالجزيره لهم شان
وشيوخنـا كـل القبايـل تهابـه
والكل منهم فيه حكمه وسلطـان
ولا منهم الي عن الملا سد بابـه
ولا يذبحون الا جزيلات وسمـان
وصحونهم للضيف كل(ن)حكابه
اهل الكرم اهل العطا بكل الازمان
كم قال خوذه ولا يحسب حسابـه
انتم هل الطولات وللعدل ميـزان
ومنكم تعلمنـا الكـرم والمهابـه
ومنكم تعلمنا الشجاعه بالاكـوان
عدونـا لهـو قـوي مانهـابـه
وكل القبايل به حمايل وفرسـان
ماسبهـم اخـاف ربـي واهابـه
وتقبلو عذري اذا كنـت غلطـان
ماني معصوم عن الخطا بالاجابه وسلامتكم
اخوكم /نايف الصبحي
رد مع اقتباس
المفضلات