بعدما حكم الامير عبد الله بن رشيد جبل شمر..
وفي سنة 1254هـ اتفق اهل القصيم على خطة لاغتياله..
وهي بارسال رجل يقال له (ابو هادي) على هيئة رجل يضحك الناس..
ويقتل عبد الله فيما بعد..
كان الامير عبدالله بن رشيد جالساً بمجلسة وعنده رجاله..
وهو جالس ..ادخل رجاله ابوهادي على الامير..
وقام يضحكهم ويرقص لهم..
ودخل رجل من جال عبدالله على المجلس..
ولم تعجبة حركات ابو هادي واوجس منه الشر..
فقال مخاطبا عبدالله بن رشيد:ياطويل العمر..
الحمرا كبيرة!
وهو يقصد ان الرئة اكبر من القلب..
فقال عبدالله بن رشيد:وش تقصد؟؟
قال الرجل:هالرجال اللي يرقص..لويقتلك منهو به نتقاضى؟؟
والله لو نقتل اهل القصيم كلهم مانتقاضالك ياطويل العمر..
فانتبه عبدالله بن رشيد...وفكه الله من مؤامرة اهل القصيم..
يقول عبد الله بن رشيد ......
[poet font="Simplified Arabic14,crimson,normal,normal" bkcolor="burlywood" bkimage="http://altanaya.com/vb//backgrounds/31.gif" border="double,4,gray" type=2 line=200% align=center use=sp char="" num="0,black"]
.
لي ديرة مابه حدا البرد والجوع=لولاي عفيته بضرب الهنادي
حميتها عن كل دوار مطموع=حي نصبحهم وحي نهادي
القلب مصموع وبالكف قاطوع=ماهي حكايا رقصتك يابو هادي
ولحدن يطيع الا له السير ممروع=ولا بضرب مصقلات الهنادي
فعال اول خير نجزاه بنفوع=من مالنا نكثر عليه العدادي
والشر فعاله نازيه بجموع=وزيرً ياجا الفجر حسه ينادي
اخوي عبيد لاهبا كل مسبوع=اسهر ليا نامت عيون السرادي
احول الدنيا بداخل ومطلوع=بالمال ولا بمرهفات الحدادي
كم خير عاني لنا شاكي الجوع=حاديه من لوعات الايام حادي
لو مانعرفه راح منا بمطموع=من راس مال نجمعه للنفادي
.
[/poet]
وتقبلو تحياتي....
رد مع اقتباس
المفضلات