يشرفني أن اصافحكم بهذه القصيده المتواضعه كعربون تواصل وهي اهداء لقبيلة شمر العريقه منبع الطيب والكرم آمل أن تنال شرف اعجابكم_ودمتم بعز.
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه نامت اعيووون المحابيس=وانا مع الشباك عيني تخايل
امد شوفي للنجوووم المراويس=واشوفها تعكس سنا نور حايل
واسري على ضيه بصحرا الهواجيس=وادق للخطاااار نجر المثايل
اقررب ادلال الشعر والمحاميس=وبالحروف اشب نار الجزايل
أحمس ووازنها وزن مرهي الكيس=واصبها صبة عياااال الحمايل
فنجالها يحرم على اللاش والهيس=ماهو ايمد الا لذرب الفعايل
سلام ياشمر عيال السناعيس=يااهل الوفاء والطيب واهل الجمايل
ياكاسبين المجد كسب النواميس=ياأهل السيوف المرهفات الصقايل
يااهل الكرم لافاق حد المقاييس=ومال الزمن وعقال الامجاد مايل
واهل الشجاعه يوم ضرب المتاريس=فرز الوغاء ماغير شمر بدايل
ومن مثل شمر لاانثنوا للمقابيس=ومن غير شمر عدلت كل مايل
عدوهم وقت اللقا يلعن ابليس=ويرضى بما يرضون والشك زايل
لو قستهم بالمجد وشلون باقيس=مجد" تسولف به تواريخ وايل؟
مجد" رسى بالارض مرسى التضاريس=وخذ من جبل سنجار عز الاوايل
ولو حرفوا التاريخ بعض المفاليس=ما حررفت ليام بعض الدلايل
واكبر دليل ايجب قول الاباليس=من غير شمر طاولت كل طايل؟
تشهد متاحف دار لندن وباريس=فيها صورهم يوم سووا الهوايل
قلته وانا من ياااام ركابة العيس=مسطرين المجد فوق الأصايل
هذا وقصدي يالطنايا السناعيس=ماهو سوى عشقي لروس القبايل[/poem]
*وبران ال كليب
رد مع اقتباس
المفضلات