ألغاز فلاوية

**أبوطروق** · 19-07-2007 11:01

منصور الغريب (جايتن عدوى من عجايب) وش بلاك على أزرق الدم تره خوووووش آدمي.
:::::::::::::::::::::::::::::::::::::::::::::::::::::::
شليويح
ياهلا والله بهالطلة اشتقنا لنطلاتك والله

حل لغزك أبوعيون الظاهر والله العالم إنه الفرن
شكرا ليك يا شلوحي

**أبوطروق** · 19-07-2007 11:09

آنسة بالمختصر
انتي فعلا جبتي العيد لكن العيد عندي يوم أشوف أسمتس هنا.
شكرا خصورة على الرمعة الطيبة بالحيل والحل مثل ماقالت عجايب هانم

**الدم الأزرق** · 19-07-2007 12:24

المشاركة الأصلية كتبت بواسطة منصور الغايب

والله ياجماعة يوم قريت كل مشاركاتكم

تذكرت قول الشاعر الفيلسوف

الله يقطع البطالة (ومدري شنو تكملت البيت)

الحين انتم شباب يازينكم يضحك عليكم هالشايب الدم الازرق

اكيد يعرف يحل الالغاز هذا مرت عليه سنين بهالدنيا وعنده خبرة وتجارب

يمكن مر عليه اكثر من مليون لغز بحياته

شايب هرم

مرات ودي اقوله الله يعطيك العافية

بس وين راح يودي العافية

راح يتوهق فيها

شاااااااو

ابو طروق الحين وشلون تسمح لمنصوروه انه يتكلم عني وبمجلسك بعد!!!

وش ذنبي اذا كنت شاب وسيم وشجاع

إلا على طاري الشجاعه

مره كنت ماشي بالشارع وفجأه أشوف واحد يتكفخ من خمسه اللهم ياكافي

طول وعرض وانا اسمع الصوت وهو يقول يالدم الأزرق تكفى ساعدني

تدري مين طلع ...منصوروه

وأنا اروح وبنظره بس خافو مني الشباب

ومن بعدها يابو طروق صار مايدانيني ويروج الأشاعات عني!!!

وخلاص يابو طروق ماراح ا جي مجلسك لأنك راضي ان منصوروه يتكلم فيني

وتضحك بعد

ومع السلامه ودورو على واحد يحل الغازكم مثلي

**عجايب بنت الشايب** · 19-07-2007 12:32

هوشه هوشه بين النمله والصرصور >> ياقدمتس ياخاله

كم صار ؟ >> غاويه تكفيخ

**أبوطروق** · 19-07-2007 12:35

حقك على راسي من فوق يابوالأزرق
ومنصوروه حسابه عندي بس خله يجي وانا أوريه الشغل. (عندي له مقوار)

بعدين لا تلومه عقب ما كفخوه الخمسة طقت فيوزاته
سامحنا وترا إذا ماجيت أبي أعتزل الفلة لأنه ماله طعم من دونك

تحياتي يا الزرقاني

**أبوطروق** · 19-07-2007 12:44

عجايب
يا حبتس للشر هذا وانتي راعية المضيف
المفروض إذا صارت مشكلة بين عيالتس تهدين الوضع مو تشعلينة

*إلا قوليلي منهو النملة ومنهو الصرصور؟
هههههههههههههههاااي

**الدم الأزرق** · 19-07-2007 14:44

ابو طروق

ابي منك قصيده مدح عشان ارضى... وأقهر منصوروه بعد

وبالنسبه لعجب العجاب ماعليك منها ياحبها للشر

**أبوطروق** · 19-07-2007 16:24

الدم الأزرق تفعل الطيب يمناه~
أبو الوسامة والشجاعة والأفعال~
كل الكرم والجود والعقل والجاه~
تجمعن في واحدن ماله امثال~

وش رايك يا زرقان
وترا هذي بداية على الطاير واكمله بعدين.

يالله عاد أثبتلي إنك رضيت وعطنا لغز
(بس نبيه فلاوي)

باي