ظاهره ..هل هي سيئة ام لا ..؟!!؟ ابد رايك بيننا

[ريال الفسحه]

بسم الله الرحمن الرحيم


\\



وكالعاده الاسبوعية الممله والغير محببه لقلوب للرجل السعودي وهي تقضية اغراض
البيت من السوق ( خضرة . مستلزمات . و . و .و )

بالسعودي مقاضي وبالكويتي ماتشلهوبالشامي غراض البيت<---تعلموا يالبدو



ستسألون مالجديد أقول لكم


أنا اقوم بشراء الاغراض من مكان متوفر به كل شبئ من المستلزمات وغالب المحل رجال
الغريب هو وجود النساء بهذا المحل يعني المحل اغلبيته رجال يعني لو انهن راحن ( لبنده والا
المخازن والا المحلات اللي مخصصه لهن مو احسن )

يعني بالله تخيلوا عشرة رجاجيل وبينهم حرمة جايبه السواق ويدف العربيه
والا الهندي شايل الوغدان ويلاعبهم وهي تشيل من هالعفش وتدفك وتساقطك
بهالزحمه لدرجت انك تستحي


\\



المشكله والمصيبه اني قبل شوي يالربع لاقين رجال يدف العربيه والحرمه تقول للهندي
بكم يارفيق وبطول حسه
وهو يلعب الوغد ويدف العربيه تقل هندي الا لعن الله مجنى العدو يالخيخه




لاحد يقول يمكن مايعرف يتقضى تراه سهله والخضرة مهي تنقيه لا
مغلفه وجاهزة فقط شل وروح لاهلك




وشرايكم بهالظاهره يالربع وهل هي من اسباب توسع طبقة الاوزون


قصدي هل هي صحية ام لا ؟؟؟







الغريب بالموضوع هو















































































































































اني دورت زيت عافيه ومالقيت سالت الهندي قال مافيه ايجي





سلمان الشمري

[منصور الغايب]

بالنسبة للظاهرة اللي ذكرته يا بروفسور ريال


فعلا غريبة وغريبة جدا بعد


والاغرب ان النساء بدان يقتحمن حتى محلات بيع الملابس الرجالية فالزوج نايم بالبيت ويوصي الزوجة تشتريله غترة وشماغ وملابس داخلية وغيرها ...


وهذا واقع ومشاهد بالعين






وبالنسبة لزيت عافية (الله يعافيك) ان شاء الله انك تلقاه واذا مالقيته

















عليك بزيت سوبر شل (مافيه مشكلة)

[ريال الفسحه]

8

تبي تذبح اخوي الصغير ياظالم<---كلش ياللي تبي تحيا

والاغرب ان النساء بدان يقتحمن حتى محلات بيع الملابس الرجالية فالزوج نايم بالبيت ويوصي الزوجة تشتريله غترة وشماغ وملابس داخلية وغيرها ...


وهذا واقع ومشاهد بالعين

اويحيييييييييي صدز



اجل


لاتشكيلي ابكيلك


اتلم المتعوس على خايب الرجاء






\


والله يامنصور الغايب شي عجيب وشي يقهر




لاحول ولاقوز الا بالله

[ابو ضاري]

الدختور ريالووووووووه عجيبه جدا الظاهره

السبب الريئسي هو الزوج والا الحرمه تنطق بالبيت وهو يجيب الاغراض ((( بعض الحريم صاروا رجال )))

يتكلمون مع الكاشير وهو واقف بجنبه لا يحل ولا يربط ( رفله ) الموضوع جداخطيرررررررررررررررررررررررررررررررررر

الانتباء ==============================================

[الدم الأزرق]

انا أوويد هذه الظاهره وبقوه وأشجع عليها وش فيها عـــــادي


وأتمنى بعد لو تنتشر هذه الظاهره أكثر وأكثر


عزيزي ريـــال تبي الجد...


فعلا توجد اماكن مو من الأئق وجود المرأه فيها...ومثل ماهم محجرين علينا حنا يالشباب


من دخول بعض الأماكن لأنها للعوائل لمفروض يطبق هذا الشي على الجميع... ...<<<واحد حاقد


وبكل صراحه في هاذي الأماكن المرأه تعرض نفسها للأحراج...


لاأنه مو كل الرجال يعتبرونها مثل الأخت... والمشكله انها مو مجبره على هالشي


وأيضا البديل موجود!!!


هل هي قلة وعي...او ان صار كل شي عــــادي

الغالي سلمــــان...

أشكرك على الموضوع والذي يدل نبل أخلاقك ومدى غيرتك على نســـاء بلدك


همســـــه...سر بيني وبينك


إلا ماقلتلي هاذا المكان عندنا بالرياض


أخوك واللي يعزك الدم الأزرق

[عجايب بنت الشايب]

بما انك عرضت على الكل مشاركتك وانا ارى في نفسي اني من الكل ..

لذا سأجيب عليك ..



-----------

أولاً :: سأبداء بصاحب الموضوع قبل الموضوع


مما لا يعجبني فيك ياريال .. انك تكتب المواضيع بعين مجتمعك ومن حولك

لا تتوسع بالنظره لمن هم حواليك ومن يعيشون بعيداً عنك ......

تقول لي ( أيش الهرجه ؟ )


اذا كانت منطقتك فيها بنده والمخازن والعثيم مول

( تحيه للعثيم بمناسبة مواصلته للمقاطعه الدنماركيه )


فهناك من المناطق بل المنااااااااااااااااااااااطق

التي لايوجد بها سوء دكاكاين ..!! أو حتت سوبرماركت اكل عليها الزمن




اما من حيث موضوعك


فأقول لك ياريال

ان المرأة تتمنى ان يجيها زوجها او اخوها يقول لها كل اسبوعين او كل شهر

وش تبون وش ناقصكم باورح أجيب لكم اللي تبون


ماهو دق دق دق وحنه ورنه لحد ماالواحد يطفش

أو يقول لهم البيت مليان


المرأة ماهي عايفه الراحه .. والجلسه مدلـله


بس راعي البيت مايجيب الاغراض بوقتها ولو ماجابها قال وين ووين ؟؟


لذا مايحك جلدك الا ظفرك


ولا احد مسنع الامور ومقاضي البيت الا صاحبته





ولكن نقـــــــــــــول


لمن أبتليت بشراء مقاضي البيت

ان تحرص على

-1-
خشية الله في لباسها

-2-

لا تذهب لوحدها بل مع مجموعه او أبنها

-3-

لا ترفع صوتها بين الرجال ولا تزاحمهم

-4-

لا تجادل البائع في السعر الا ......عند الضروره


-5-


ان تحرص على تحديد يوم في الشهر لشراء جميع أغراض البيت بدلأ من تكرار الذهاب للسوق





أخيراً

الصاحي صاحي والمجنون مجنون لو هو بالمحل الفلاني ولاا لعلاني ....



لاهنت ياسلمان ولاتهت .........’’



طحياتي ..........’’

[شام]

[align=center]اهلاً بك اخي ريال و بموضوعك


وبصراحة حاجيات المنزل و مستلزماته

تبقى المرأة افضل للتسوق


و انتقاء مايلزمها من حاجيات


ولكن العملية بحاجة لتنظيم

اي يعني لا ان يحدث هذا التزاحم و الذي هو ظاهرة في غالبية المحلات و السوبر ماركات في

دولنا العربية


وكما يمكن للزوج ان يساعد الزوجة في التسوق لا أن يترك عليها الجمل بما حمل كما يقال

إذن العملية تحتاج لقليل من التنظيم

و الادراك لطبيعة تسوق المرأة


ووجوب احترام اماكن تواجدها

و كذلك عليها أن تحترم نفسها فلا تكون منافسة للبائع

ولا ذات تبرج و ملابس لافتة ... الخ

ويعطيك العافية

فكرة ومضمون جميل أن نتحاور عليهما [/align]

[الفيتو]

<===== يخاف يشارك

بس الخيخيه ياريال كثيره

[منصور الغايب]

مشاركة تستحق الشكر والتقدير لعجايب



والله انها اثرت الموضوع



ريال لاتزعل وتقول صاير تقتنع بافكار عجوز الفتنة



الحق حق



كلام عجايب كان كذا


لريال اللي فتح باب النقاش


لكل من شارك

لعجايب اللي شخصت المشكلة واعطت الحلول



دمتم بود

[الشاهري العبيدي]

ظاهره نتجت عن رجال رخوم....واعذروتي بهاللفظظ


وين غيرتهم وين الرجوله




لكن


نعذر بعض الناس الذين ليس لهم من يعولهم وليس لهم الا الله ثم اهل الخير الذين ييسرهم الله عز وجل



شئ طيب منك اخى الغالي التطرق لمواضيع تمس الحياه اليوميه وامور المجتمع



شكرا لك