راعى الوقيد سؤال الله لايهينك

[سعد الشمرى]

السلام عليكم ورحمه الله وبركاته




قبل مده سالنى ولد عمى عن المقاريد وقولته وش سبب سؤالك قال واجهتى شخص بهاك السوق وهو ماسكن برقبه هالرجال وقاعدن يقول حنا المقاريد يا تعيس الحظ وهو يقوم يسطره هاك السطره وهم يتفازعون عليه هالسورين وقام بنخى مقاريد والله وانا اجى افرح ابشربهم وهى تصير عليهم كسيرة وينطق ولد عمى وهالرجال وبعد العركه طبعن راحو للمركز وطلعو بعد كفاله بحيث ان هالرجال سعودى ولد عمى من اهل الجزيره المهم نشده ولد عمى انت شمرى قال ايبالله قال وانا ولد عمك من اهل الجزيره قال ماعلمتن قال يجب ربك مطر وتوادعو ويقول من لهجته بين انه اسلمى


عاد سؤالى اذا هو من الاسلم من اى الاسالمه هو وش سبب تسميتهم بالمقاريد ولاهنت


وشكرا

[ooo_75]

اي وانا دايم اسمع يقولن ( هالرجال تجمعتبوه قرد الاسلم كله )


كما ان البريك من الخرصه بهم قرد واجد ومعروفين بهالشي



صحيح ان هالسؤال ماهو لي

بس اللقافه والقرد

[ر11عي اللقيه]

والله يالرطاب انا دايما اسمع ان الاسلم مقرد ويقولون

(( احذر تسلم من قرد الاسلم )) و ((احذر تسلم من شر الاسلم )) بس السبب مااعرف والله

واما انا كلي قراده وذبحتنا القراده

وهذي قصيدة للشاعر الدكتور شايم الهمزاني (الجذيلي ) الاسلمي الشمري عنوانه (( قرادة الاسلم ))

على هلـي لفيت في (منتداهم)
.......... يا فرحتـي ؛ والله بهم وألف هلْوَه
يا (فيم أبوي وبعد حيي) غلاهم
.......... وش هي تبوح الروح لو هم سألوَه؟!
مثل صباح الخير يسعد مساهـم
.......... هم سلوتي عن ناسْ كبدي دبَلْـوَه
(قَـرَادة الأسلم ) زيادة حــــــلاهم
.......... أفعالهم دايم على النفس حلــوه
بالغيث عسى السيل يسقي قـراهم
.......... يأتـي عليها تلوةٍ عقــــب تلْــوه
(أهل اللحيسة) عيبهم في سخاهم
.......... كبر الصحون وكثر بالزاد مَلْــوه
على المدى (عهد الحمية) لواهـم
.......... حميةٍ ؛ من طبعهـم ما إنتحلـْوَه
دايم وراء النخـوات تسمع حداهم
.......... كل يشوف بساحـة الموت شلوَه
بأيامهم (غلبـا) تمـــاري عيـاهـم
.......... مع دلوهم ما أحدٍ يدلِّـي بـدلــــــوَه
(أسلم) و(زوبع) و(الطنايا) معاهم
.......... رأيـة (سناعيس) المنايـا حمَـلْوَه
(أجا وسلمى) مثل صامد قساهم
.......... وأيمانهم ؛ فيها.. سيوفٍ صقَلْوَه
لين ؛ ارتوت كل الصحاري دماهم
.......... و كل ؛ المناهـل والمجاهل دهَلْوَه
فزعاتهم ما يعرفونــه سواهـــم
.......... بـ(الشمرية) كلهم (طير شلـوه)
لـ(الرافدين) امتد وارف حماهـم
.......... هقواتهم ؛ ما بينهم ما خــذَلْــوَه
بـ(الشمرية) حيل يمدي مداهــم
.......... كل المداخل بالمراجــــل دخَلْــوَه
عيناه : (فزعة شمري) من نخاهــم
.......... ذواتهــم ؛ على المكارم جبَلْوَه
وعلى عباد الله قليلٍ خَطـاهــم
.......... بالعكــس فيهم للشقيين سلوَه
الطـيب : فيهم ميزةٍ من سماهـم
.......... تشهد لهم ماضي فعــولٍ فعَلْوَه
يفوق : مفهـوم المكارم عطاهـم
.......... لوهم ؛ يعرفــون البخالة بخَلْوَه
يسقون ملهوف الضمـا من ضماهم
.......... و أرواحهم : يا ما رخيصة بذَلْوَه
ما ينذكر ؛ بين القبايـل رداهــم
......... مكانهـم ؛ في هامة الرأس عِـلوه

وايضا تذكرت قصيده لشاعر وهبي من الاسلم قال قصيده قبل 200 سنه

عندما نزل وهو ولده على رهط ( جماعه ) من شمر وكان ولده قصير

قصير قامه فكان الاولاد يلحقونه ويقولوله ((أسلمي و مقصملي)) وهرع

باكيا الى والده فقال ابوه

عبيد لا تزعل و لو قالوا الغوش
======== الأسلمي ما به علينا معيره
الأسلمي ما دبّر العيش منخوش
======== يحطّ للخطّار خير البريره
الأسلمي هشهوش يا كمّل الهوش
======= حامين من سقفٍ لخشم الرعيله





تحياتي

[راعي الوقيد]

[align=center]حي الله الرطاب

اقول مابه اقرد مني اليوم بس خله على الله

والله الصراحة يالغالي ماعندي جواب شافي لسؤالك بس احيلك

للعزيز المخاوي فهو شيخ المقرّد بالمضايف

ما قصر الاخوة عواد الخريصي وراع اللقية بالجواب والتوضيح

لك التحية [/align]

[راعي الوقيد]

[align=center]

ويقول من لهجته بين انه اسلمى

طيب ابسألك هل للاسلم لهجة خاصة نعرفهم به[/align]

[خالد الشمري]

سبب السالفه والله اعلم :

بريك الاسعدي راعي بقعاء مر عليه منيع بن مصيبيح من الطواله ومعه (جماعه) يريدون الغزو لجهة الشمال ديار الشرارات والحويطات وطلبو من بريك زهاب الحرب وهو السلاح المستعمل في ذلك الوقت على ان يكون له من كل خمس بعارين يكسبونه بعير واحد قال بريك لمنيع انا مااعرفك لذلك من يكفلك قال منيع

يكفلن عدوان بن طواله قال بريك رضيت 00 هذا وعدوان مايدري بكل اللي جرى 00

وعندما عاد منيع من الغزوه كاسبا لم يأتي بريك ويعطيه حقه وقد قيل لي ان منيع كان مصابا

صواب بليغ تأخر شفاه كثيرا وعندما شفي كان الكسب كله قد راح وانتظر منيع لعله يغزو غزوه

اخرى ويسدد بريك لكن المده طالت000 والرجال كانوا حريصين على حقهم اذا حسوا ان فيه

ضحك او تلاعب اما اذا جيت الرجل بوجهه لو تطلب ماتريد تاخذه بسهوله 000

عند ذلك ارسل بريك قصيده للكفيل عدوان بن طواله ينخاه على حقه 00 يقول بريك :

عينـت ربعـن للمصيبـيـح غـربـوا
يتـلـون يـاعـذب البـنـان منـيـع
قل دينت دين وراعـي الديـن ماوفـى
نـهـج بمـالـي يشـتـري ويبـيـع
دينتهم قيضـن قفـى القيـض شتـوه
وقيضـن قفـاه قيضـن قفـاه ربيـع
مار كفلي حمى الونيات في حومة الوغى
مقـدم ركابـن مـن هــواه تطـيـع
واصبر ليامـا ينقـض الجـزو مالهـم
ويجمعهـم الـجـو الـقـراح بـريـع
وصح لي بـراس الدهمشيـات صيحـه
ياتيـك منـهـم شـايـب ورضـيـع
طواليتـن ينـخـى بـريـك رجـالـه
هل البيـت الاقصـى والمقـام رفيـع
يصيح بعالي الصوت لك يابـن مطلـب
رجـل وتاخـذ منـك الرجـال صنيـع
وان كان هـذا مقـدم الطيـب عندكـم
فأنـا للحقـوق المقـدمـات مطـيـع


وعندما سمع عدوان القصيده سأل منيع فأخبره بالخبر فغضب عدوان وأخذ كل حلال المصيبيح

وأرسله لبريك وقال سلمو لي عليه وقولو له يقول عدوان اعذرن مادريت بالسالفه الا الحين

وعندها اخذ بريك قعود واحد وقال هذا اثبات حقي بس وزهب البقيه من تمر بقعاء وأعادها

عليهم 0000عاد من هنا قال عدوان لربعه انتم مقرد ...



والنعم بالاسلم هلا اللحيسه

[سعد الشمرى]

اخوى عواد الخريصى مشكور على المرور وكلامك حلو وبالعكس ماهى الى سوالف طيبه وانت منهم طيب

راعى اللقيه مشكور على المرور والمشاركه الطيبه يا عشيرى

راعى الوقيد سيف المضيف مابك الى كل خير وعلومك طيبه ومشكور على المرور

خالد الشمرى عجبتن سالفتك وقصتك ومشكور على المرور

اليوم كلمت سعد ابن بشر وهو غنى عن التعريف وقال ان كلمه المقرد لقب او للمناصير او الغريرات ولا لى علم الى بهالشين
وعن راى المتواضع انا مع ابن بشر لان القب لم يطلق على عشيره كامله وليس هنالك دليل واضح او قصه الى قصه خالد الشمرى ويجوز بان تكون سبب من الاسباب

وننتظر رد اخونا ابن غسلان

وشكرا

[عبدالله الجعيثن]

[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عبيد لا تزعل و لو قالوا الغوش =الأسلمي ما به علينا معيره
الأسلمي ما دبّر العيش منخوش= يحطّ للخطّار خير البريره
الأسلمي هشهوش يا كمّل الهوش=حامين من سقفٍ لخشم الرعيله[/poem]



ونعم باهل اللحيسه

[ابو ضاري]

الرطاب الله يبيض وجهك على السالفه

واذكر بعد على مدخل الشنان (((احذر تسلم من شر الاسلم ))

لو الوفى ما ينعرف قدر الاصحاب

وانا اشهد انك طول الايام وافي

من يصحبك ياذوق في الدرب ماخاب

يقول فيك الشعر باجمل قوافي


شكرا اخي الرطاب