خلونا نتهور !!!! معزومين عندي

[مهاجرة باحساس]

8

هاه نمتي

..................

شلون معزبه وتنام ماتصير >>> انا صاحيه لكم

اخاف ينسرق من قشنا شي

[ريال الفسحه]

8


طيب روحي تفرشي ونامي وسكري الدوانيه باتسر العشاء

[الكنبيوتر]

يالله صباح خير


وين الناس


أجيكم العصر يانايمين

[أكرم الحلوه]

مرحبا والله اشلون أخبار القش

[ابو عارف]

عزالله إنك بنت حلال يامهاجره بإحساس ماقصرتي ، لكن أنا خايف من بناتس مايوافقن والمثل يقول من شاور ماعطى.

والله إنتس أحرجتينن في كلامتس أهبي يمال الذهاب شف يابعد حيي حتسي هالمرة جزالته تقول لوهي ذبيحة ما عشتك. ، أنشهد إنه بنت عرب طيبين ... يالربع هي من أي قبيلة تكون تقل لهجته ماهي شمرية.

طيب يا ابو عارف هالحين توهقت معه ويمكن بناته قشر وتقبل حديهن بك أو ملكات جمال ويرفضنك تعال عاد دبره هه عز الله إن ماجاين نوم حتى أعرف رأسي من رأس تنورة.

بسم الله الرحمن الرحيم

ولد ياولد إيه إنت ياراع المغاتير قم نبي نصلي العشاء ونروح يم هالربع اللي توهم واصلين نتعرف عليهم يالله قم.

هه هذي والله البلشة أنا ويش جانن قومته أخاف هالحين يقول صل بنا وانا ماحفظ شيء وبعدين متلخبطة علومي أفكر بعرض بنت هالحلال علي ومايؤل إليه.

يالله أقم ياراع المغاتير وصل بنا الله يحفظك ... لاوالله ما أصلي إلا معك يابو عارف لا يابن الحلال تعوذ من الشيطان وصل بنا ... أبد والله مايكتبه الله بس توكل على الله وصل بنا. إنا لله وإنا إليه راجعون ... هذا اللي أنا كنت خايف منه حصل .

بسم الله الرحمن الرحيم
الله أكبر الله أكبر الإقامه ....... الله أكبر ( تكبيرة الإحرام )

بسم الله الرحمن الرحيم ( سراً ) قل هو الله أحد الله ألصمد .... راعي المغاتير سبحان الله .... أعوذ بالله من الشيطان الرجيم هذا ويش جاه .... قل هو الله أحد .... مرة ثانية .... سبحان الله.

هذا ويش بلاه علي مع إنني طافظ السورة .... خلن أغير السورة .... إنا أعطيناك الكوثر ... سبحان الله.

خويي هذا ماهو صاحي لازم أسلم وأتفاهم معه. ... السلام عليكم ورحمة الله السلام عليكم ورحمة الله.

إلا ويش بلاك قبل أفتح أفمي بالسورة هجمت على بسبحان الله هو فيك بلا يوم إنك تترددن سبحان الله سبحان الله.

قال راع المغاتير يخوي أنت ماقريت الفاتحة ... سيدك نقوت ب قل هو الله أحد.

أفا صح صح والله إنك صاق. لاحول ولاقوة إلا بالله. المهم صلينا وخلصنا الله يقبل.

سلام عليكم ياجماعه عرفونا على أنفسكم يالأخوان... محاكيكم أبو عارف ... هلا أبو عارف معك فلان ، وفلان ، وفلان ، و فلان ، الخ.

وشلونكم يالربع عساكم طيبين ، الحمد لله الله يعافيكم والله إن هالأجويدية ماقصرت يوم جمعتنا بهالصيهد الزين للعشاء والتعارف.

( كلام بيني وبين نفسي ) أثري الربع نصفهم شيبان الله يدفع البلاء كأنك في ساحة الضمان الإجتماعي الله يدفع البلاء.

شف عاد الحريم بعضهن على مركاز.

أثري هالمعرفات وراها البلاوي كل يسنن نفسه على كيفه ... قال من أمرك ... قال إلا من نهاك.

هذي مهاجرة تشر لي أكيد عندها أخبار طيبة إن شاء الله حول الموضوع.

هي مافهمت علي زين وإلا مطلبي منها كان فقط تشجيع المعجبات بي وهن كثر بعدم التردد على رأي المثل لاحياء بالدين ، ولكنها فكرتني أخطب منها هي ، بس والله المرة طيبة وبنت رجال بيني وبين شر غيبتها الله ماقصرت.

على أي حال أبي أروح لها وأشوف ويش عندها.

[منصور الغايب]

المهاجرة

طاح سهون ياأبن الحلال ,, تعال بس


وين نرسل يوم قلت للشباب واحد منكم يقوم يجيب منصور زعلان


قالوا خليه يولي >>> صورة مهاجره حاطه ايدينها على وجهها من هول ماسمعت


عاد يالغايب تراك معزوم ,, تعال وخرب القعده عليهم

مادام سهوا معذورة


وبالله ما تعلميني منهو اللي قال خله يولي


ما اظنه الا البياعة عجايب


اذا ما خبرت البلدية ماني منصور


عموما انا جاي واب اجيب معاي سيكل

واغبر عليكم خخخخخخخخخخخخ

واللي فيه خير يلحقني



سلام مربع

[بالمختصر..]

.
.



يالله وين رايحين << لابسه عباته ماصدقت خبر

مساء الخير >>> ايه وبعدين

وجعين هذا رد هذا حتسي وين الذرابه


ياحلولات لو تنشري الذرابه






مطلوب منكم >> النساء ,لازم احضار المحرم .... الرجال لازم ولا بد منه احضار محرم<< المتزوج يجيب


انا بجيب اخوي الصغير ينفع





وبعد مو تجون ايدينكم فاضيه عاد كل واحد وذوقه


يعني نجيب جوالاتنا وشنطنا





انا حاجزه صيهد يهبل ويمينه ويساره هالفياض الخضر


قولي فارشتن لنا فرش اخضر اي فياض الله يرحم والديتس





ذبحتهن انا وصلختهن انا وقطعتهن بالمختصر ..

لا مو انا قطعتهن .. هاذي شبيهتي .. كل عقلتس انتي ؟؟

انا دجاجه ويالله اقطعه .. واجرح يدي بعد





وانتي هيه يالملقوفه بالمختصر يعني قطعتي الذبيحه خلاص مالتس دخل بشي تركتيني لحالي

ابي ارتــااح شوين .. يادافع البلا معتمدات علي بكل شي






شوفي عجايب مرتكيه مشاء الله عليه وتقهوا وسوالف عيني عليها بارده متعوده على العزايم مومثلتس

من جيتي وانتي ماخليتي براد مافتحتيه ولاقدر ماتسلقطتي به عوذه

ابي اتطمن على الأكل << تسني قرما






الاصيل .. عليك الكينود (( الجهاز )) نبي نراسل اهل الصياهد اللي بجنبنا

ههههههههههه .. اذا ماعندوه اجيب لكم جهاز ابوي مايستخدموه






شوفوا انا جايبه خبز صاج على كيفكم

وليه ماتقولين اني خبزتوه الصبح

مهــاجره .. عــزيمتس حلووووه تسنه عرس

بس ليه مافيه طقاقات !! يؤ اخاف نضيعهن بهالبر ماينشافن



.
.

[راعي المغاتير]

[align=center]بسم الله الرحمن الرحيم





ابو عارف


هههههههههههه
هههههههههههه
هههههههههههه



وش هالصلاه مابغت تقضي امنا بالله





ذكرتن بصلاة شيبانن الله يعفى عنا وعنهم


((قل هو الله احد لم يمت احد ولم يبقى احد))



همن تعال دبره معم





وتسان المقصد الحريم ابشربهن راعية المحل ماتقصر


والمغاتير نسوقهن لك مهر

وسع صدرك وتعوذ من الشيطان

ابد لا تشيل هم.


يامره.....يامره


شوين شوين بقرقعت قدورتس

البعارين بهن جفال


لا يهجن ((على شان ابو عارف مايقعد صمل))











ماقضت هالمرقه[/align]

[مهاجرة باحساس]

يالله صباح خير


وين الناس


أجيكم العصر يانايمين

.....................................


الكنبيوتر انت بس عزم وتوكل على الله .. ياخي تعال ياشيخ


العشاء للحين ماقلطنا عليه >>> حسبي الله على الظالم , واقفتن لهم كل ماقالوا استوى اقول لا للحين


ابي لمن ياصلون كل اهل الفله >> ماني مقلطتن الاكل

[مهاجرة باحساس]

مرحبا والله اشلون أخبار القش

.....................

تسأل عن القش والا العشاء