(( بسم الله الرحمن الرحيم ))
السلام عليكم ورحمه الله وبركاته تحيه طيبه وبعد ،،،،،،
هذه قصيده للشاعر الكبير / رشيد نهير العمودي الشمري ،،،،،،،،
\
\
\
[poem=font="Simplified Arabic,5,black,bold,normal" bkcolor="white" bkimage="" border="groove,9,silver" type=0 line=0 align=center use=ex num="0,black"]
ياخليف حدتني على بعـض الاوضـاع=ناس تمس الحبل مـن فـوق يدهـا
ناس من النعمـه محاميـل وشبـاع=وليـا سمعـت علومهـا تنتقـدهـا
ناس على راسـه معمـه ومركـاع=تبي المغـازي ميـر ربـك ضهدهـا
نـاس تناجينـا علـى زنـد وكـراع=عجزت اعرف احوالها مـن حسدهـا
ناس كلـت سبـع المذاكيـر بصـاع=مـدري شعـاه ابليـس ولا ولـدهـا
وعديت عنهـم يالجهيلـي بالاصبـاع=يامـا وقفـت بنمـرت(ن) مابعدهـا
وانا طبيـب وعـارف كـل الاوجـاع=عارف عمى عين المريض ورمدهـا
عندي خـرز داب ومصبـه ومقـلاع=واكوي مريض الراس واقـول عدهـا
واقرى واحجم عن السبب خمسه انواع=وانفـخ بقـروه والمريـض يحمدهـا
وان طولت باقفلاها واضـرب القـاع=يامـا يعـوم غبارهـا مـع زبدهـا
وانا مـن اللـي يتناخـوا بالافـزاع=هاضت صناصيد العرب مـن زهدهـا
شمر ليشـان اللغـى والدخـن ثـاع=روس الحـرار تعـدهـا وتهبـدهـا
شمر ودايع نجد شمـر هـلا البـاع=شمر هلا النامـوس شمـر وحدهـا
شمر هـلا الـردات ياخليـف بتـاع=شمر حمـول الخيـل شمـر سندهـا
شمر لياقالوا زعيـم العـرب ضـاع=كـل الدلايـل تاخـذه مـن ولـدهـا
شمر هلا الجـولات ياصكـت القـاع=شمر تعـدل المايلـه مـن سعدهـا
شمر طعونه تقصف العمـر ووسـاع=ياجـردت بسيوفهـا مـن غمـدهـا
شمر على دور النبي ذكرهـم شـاع=صالوا وجالوا واحتمـوا عـن بلدهـا
شمر ياصكوا علـى القـوم مطـلاع=كـم مـن زعيـم سابقـه مالكدهـا
شمر زهـو زهيـد للمـوت قطـاع=شمر تمس مـن العـوارف عقدهـا
شمر تقود القوم مـع كـل الاوسـاع=شمـر تشـب بنارهـا مـن وقدهـا
شمر زحازيح الجبـل مابـه اركـاع=شمر هـلا الجـولات يثبـت عددهـا
شمر خلف عقبان وصقـور وسبـاع=شمـر تدلـه بالمـعـادي كـردهـا
شمر طنايـا ترخـص العمـر بيـاع=شمـر تخـز عقابهـا مـع لبـدهـا
شمر ليادكـت علـى القـوم تنـزاع=شمـر سـلايـل لابــة مابعـدهـا
شمـر تعلـت يـوم شالـع وشـلاع=شمـر تبـث زروعهـا وتحصـدهـا
شمـر ليهـاز الوطـن كـل طمـاع=شمـر رواق البيـت شمـر عمدهـا
شمر هلا الفزعـه مغاويـل الابـداع=شمـر بـه التاريـخ قـال وحمدهـا
شمر ليا منه غـدى السيـف لمـاع=والرمـح والشلفـى تـدور بجندهـا
يصير لها بالقيـض جنـه ومربـاع=وكنـه تسـاوق بالسحايـب رعدهـا
شمر مكارمهـم جزيـلات ووسـاع=شمر مقر الكيف لـه مـن شهدهـا
شمر خبرها الذيـب والذيـب ماجـاع=والـي ذبـح للذيـب وفـا وعدهـا
هـلا الربـاع مزبنـت كـل مرتـاع=الي تصـون سلومهـا مـن جهدهـا
ياخليـف شمـر عايزيـن بالاهكـاع=وياخليف شمر خاسرن مـن نقدهـا
واسلم سلمت من الملامه و الاوجـاع=ياشاعـرن روس المعالـي صعدهـا[/poem]
*************************************
للامانه منقووووول
لكم تحيتي
رد مع اقتباس
المفضلات