في كتاب ابطال من الصحراء ذكر الشخص اللذي اوكل لطباعته
ان حجاب العواجي هزم ابن فرهود( زعيم قبايل حرب) لاحظوا الكذب والافتراء
اولا ابن فرهود عقيد قوم وهو ظاهري من بني سالم من حرب واميرهم ابن مضيان والابل اللي بسببها دارت المعركه اصلا لعنزه كسبها ابن فرهود وقد استفزع حجاب العواجي بالروله وشيخهم مجول ابن شعلان لاحظوا هنا عشيرتين من قبايل عنزه مقابل جماعة ابن فرهود فريق من الظواهر
قام حجاب العواجي في غزوه على ولد سليم وقد هزموه شر هزيمه واليكم قصيده الشيخ ابن ناقي بتلك
الوقعه
ياحجاب ماحنا فريق ابن فرهود=اللي تفاجيهم بصفر طلايع
اذوادنا من دونها حربة العود=وقبٍ مطبعها على احسن طبايع
عليهن اللي لبسهم صنع داوود=وشلفٍ لهن بين القبايل شوايع
مليحهن ذقتوه والفعل مشهود=بخشوم بشري والخضر والبدايع
والرابعه صبحت رمحات بجرود=حم الشعاف متوبعات المشايع
وثار الصياح ولحقت الخيل عرجود=بمجربٍ ضيق عليك الوسايع
ياحجاب فضلت السلامه على الفود=وطلعت منها ياحمر عين طايع
بأرقاب ربعك يصرخ السيف مجرود=من حظ ذيبٍ له زمانين جايع
وطيور وسمه تصدر اليوم وتعود=رازقهن اللي خصكم بالقطايع
عادات ربعي باللقاء تاخذ الزود=يوم النشامى بين سايم وبايع
اللي من اول خيلكم رد مردود=واللي من التالي يرد القلايع
وانا على اللي ماعطت يوم بصدود=اللي من العادي تطش الوقايع
وان جاء نهارٍفيه طارد ومطرود=ياما على الصفراء كسبت الصنايع
وقد هزموه شر هزيمه
قالت إحدى بنات عنزة
يا عقاب يا حبس الضعن باللقاء الشين
يـلـى حـريـبك بـالهزيمة يـمنا
عـينت ذيـب الـخيل يوم الاكاويين
نـور الـعيون بـغيبت الشمس عنا
هـو سـالمن و الا رمـوه المعادين
يـا عـقاب خـبرنى تـراى اتمنا
رد عليها عقاب قائلا:
يا بنت يااللي عن حليلك تسلين
حـنا لـنا حـي يـسالون عـنا
خمسه عشر ليلة على الوجه مقفين
نـدور وضـحن بـالابهار تحنا
و شفنا هل الابل شاريبن الغلاوين
مـن دون رخـمن لـلحوير تحنا
جـونـا ثـلثمية وحـنا ثـمانين
مـثل المحوص الشلف منهم ومنا
وبـانت رديـتهن و شفنا الرديين
وكـلن عـرفنا عـزوته يوم اكنا
لـيتك تـراعى يا عذاب المزايين
يـومـن عـيدان الـقنا يـطعننا
منـا حـليلك طـاح بين المثارين
فـى ديـرتن فيها الوضيحى يتثنا
ومـنهم جدعنا عند شوقك ثلاثين
وكـم خيرن من راس رمحى يونا
فـى سـاعتن فيها تشيب الغلامين
انـطح نـحور الـخيل يوم اقبلنا
يـاما نـقلت الدين و الحقته الدين
و حـريبنا فـى نـومته مـا تهنا
ارسـى لهم يابنت وانتى تعرفين
يـا مـا حمام النصر رفرف وغنا
واردهـا وا لـحق ربوعن مخلين
بـوجيه قـومن يـطلقون الاعنا
عـاداتنا نـخلى سروج المسمين
ونـروى حـدود مـصقلاتن تجنا
وقـلايعى من نقوة الخيل عشرين
قـبـن ولا فـيهن ثـبارن ودنـا
ارسى كما فارس بنى عبس راسين
وانـا زبـون الحرد حامى وطنا
وسلامتكم
رد مع اقتباس
اخى العزيز بوسعد لاهنت على الموضوع الطيب واشوفك متحزم ومتلزم كاتب كتاب ابطال من الصحراء لم يكذب ولم يفتراء على احد ولم يذكر سوى الحقائق الذى جمعها من مؤرخين وشيوخ ورواة حاشا للة يكرم الخالدى 
المفضلات