[align=center]
[align=center]أخواني وأخواتي الشعراء .....السلام عليكم ورحمة الله وبركاته
أنا أكتب قصائد وأحفظ والحمدلله بس عندي مشكله أني أكتب القصيده بدون وزن يعني مالحنها ولا شي مدري وش الحل وللمعلوميه أنا عرضت أكثر من قصيده لشعراء واجد معروفين فيه بعض القصايد يقولي هذي فيها كسر وأغلب قصايدي يمدحونها .... أتمنى من الله ثم منكم تعطوني رايكم بالقصيده الله يحفظكم
يايمه وش حيلة الي صاحبه صد عنه
يمكن زعل ويمكن عتب ولا تغلي
يمه صفاتي وطيبتي كلآ يبي منه
طيب وصادق وماني من الي يحب التسلي
يمه عرفت العلم والدرس وكتاب السنه
وعرفت أحترم وأجلس مع عيال عمي وخالي
يمه أبعدت عن الي علومه يخربنه
وعرفت ناس طيبهم دايم مايزولي
يمه ماني من الي دايم الناس يامرونه
أنا الي أرحم المسكين وأفكربه كل ليلي
يمه أنا قلبي رحوم وأخاف أنهم يحسدونه
أنا في وقت الصعيبات ماتلقين مثيلي
يمه عرفتي قلبي الحين ليه يمدحونه
أني كريم وشهم ويقولون فيك خبالي
يمه الي قلبه طيب كل الناس يخونونه
محدآ بقالي يمه الأ أنتي يابعد حالي
يمه عسى يومي قبل يومك وندخل الجنه
وعسى عمرك يطول وتشوفين عيال عيالي
يمه عساهم للموت الي حبي عنك يبعدونه
أنتي إلي خليتيني أبني حلمي وآمالي
أمي كل الصفات الطيبه منبعه منه
أنتي عطيتيني كرم عسى عمرك يطولي
يمه إذا زعلتك بيوم أبعتذر عساك للجنه
أنتي رحومه وسامحيني يابعد كل غالي
وسلامتك
أخوكم/ نـبـض شـمـر[/align]
[/align]
رد مع اقتباس
المفضلات