يسولفون ياربع عن رجال بدوي اسمه طنخان كان يمشي بالصحراء معاه بعيره وماذكروا بالكتب وين هو كان متوجه او شنو سبب سفرته هذي بعيد عن قومه ، يعني الاخبار تضاربت احد يقول انه كان يبي يرشح نفسه للمجلس البلدي وسقط بالانتخابات الفرعية واحد يقول لا والله الرجال زعل على جماعته لانهم ما دحوا بعرس ولده ، المهم ماعلينا اهم شئ انه هج عن عربهم ومشى وحداني مخاوي الليل .
ويومنه وصل نص الطريق فجأة وقف البعير يحاوله به طنخان يحاول به يمين يسار يهداك الله يابعير ماكو فايدة علص الخبل وعيا يمشي
يوم التفت طنخان وبحر عدل لطبلون البعير الا والله البنزين مخلص (اوخذ ياطنخان نسيت تعبي بنزين من العجلة) يندب حظه
الحل شنو هالحين ؟ خلا طنخان البعير واقف بالصحراء وراح يدقه مشي يدور اقرب محطة وفجاة هبت ريح شديدة ما تشوف ايدك وقام طنخان يتهبش يمين ويسار مايدري وين هو رايح ويوم انكشف الغبار ووضحت الرؤية الا والله طنخان يشوف له مدينة من بعيد فرح طنخان وراح يركض باتجاه المدينة عساه يحصل بنزين .
يوم وصل المدينة الا له باب واحد وعليه حارس شايب كبير شعره واصل للقاع قاله طنخان من انت قال انا الدم الازرق حارس المدينة قال انت الدم الازرق اللي معنا بالمضايف قاله عيب عليك انا كبر ابوك انا لااعرفك واول مرة اشوفك استغرب طنخان وقال الظاهر اني متوهم طيب ياعم ليش شعرك طويل هشكل ؟ قاله ياولدي ماعندنا الا حلاق واحد بهالمدينة ومايعرف يسوي مارينز فقلت اربي شعري احسن على الاقل يقولون يقلد تركي 2000. قاله طنخان ياعم وشسم المدينة هذي ؟ قاله هذي مدينة العجايب ، وامش معاي اعرفك على رموز المدينة .
ويومن مشوا يالربع الا هذيك العجوز الشمطاء اللي واقفه قدام بيته وتشرب شيشة يادافع البلا ، استغرب طنخان من المنظر وقاله وشهي هذي ؟ قاله هذي اسمها عجايب
قال طنخان عجايب مشرفة مضيفنا ؟
قاله الشايب : تراك ذبحتنا انت ومضيفك صاير مضيف ابن حبيب تراك والله اذا ماسكت ابي اصقعك بهالباكورة اردك وغد .
خاف طنخان وقال خل هالليلة تعدي على خير .
طيب ياعم ليه العجوز هذي هشكل صار به ؟
قاله من دعاوي الناس الله يستر ماتخلي احد بحاله تهدد هذا وتوعد هذا هذا تسميه منصور الغريب وهذاك مدري وشتسميه المهم صابته دعاوي الناس .
ومشوا شوي الاهذاك الوغد اللي خشمه واصل للقاع ياربي سترك
استغرب طنخان وقال هذا منو؟
قاله الشايب هذا اسمه ريالوووه الطفل المدلل للمدينة .
بغى طنخان يتلقف ويقول صاحبنا اللي بالمضايف بس تذكر تهديد الشايب له وخاف .
طيب ياعم ليش خشمه صاربه هشكل ؟؟
قاله الشايب من كثر مايسرد على العالم مرة اسمه ريال مرة سلمان مرة شمري مرة من قوم الفسحة (خخخخ) ماعرفناله فعاقبه الله كل ما يسرد على العالم يطول خشمه شوي لين وصل للي انت شايف (نستفيد من هذا ان الكذب مو زين )
ومشو شوي الا رجال مصلوخ وبطرق الفانيلة والسروال وراكبله على جدار ، شنو هذا ياعم ؟
هذا ابوثووووب
وليه صاربه هشكل ؟؟
هذا طال عمرك كان يهايط على اهل الادب ويتوعد ويغرونه ربعه لين غزاهم لحاله ورد مثل ما انت شايف بطرق الفانيلة والسروال وصاعد على الجدار يحسبه فرس (الله يشفيه)
ومروا على بيت مهجور مابه احد قاله بيت منو هذا ياعم ؟
قاله هذا بيت واحد سافر من عندنا من زمان واحدن مو صاحي ينقاله المطنوخ طنخان راح يعالج بالخارج ويرجع وحنا الحين منتظرين وصوله هالايام ويقولون انه فقد الذاكرة بسبب العلاج .
يوم سمع طنخان بهالسالفة حط رجله وشلع ماتشوف الا غبرته
وفجاة قعد المطنوخ من النوم والا اثاريه يحلم انه ببلاد العجايب والا هذا بعيره عنده ومو ناقصه شئ
الحمد لله ياربي انه حلم
اثاري المضايف ارحم من بلاد العجايب لو انه مافيه فرق واجد خخخخخخخخخ
رد مع اقتباس
حتى باحلامك يالمطنوخ وش تسوي بديرتي 
)
المشاركة الأصلية كتبت بواسطة منصور الغايب
[/align]
المفضلات