[align=center]مساكم الله بالخير الجميع
ياجماعة مرات تطق روحك من قعدة البيت تفكر انك تسيرلك على عرب مبطي عنهم
تبدا الاستعداد للتسيورة
اول شئ تفكر تاخذ دوش فتقوم عشان تجهز الملابس ، وليييييه ماني لاقي فانيلة
يلاه خل اشوف عند واحد من اخواني تخبرون اذا المقاس واحد مشكلة
لقينا فانيلة بس مشقوقة من تحت الابط
مو مشكلة مو مشكلة ثوبي خامته ثقيلة ماتبين الشقوق
توكلنا على الله ودخلنا الحمام وقلنا دعاء دخول الخلاء
اوووووه الشامبو مخلص والله اني قلت ابي اشتري بس نسيت
عادي بدون شامبو اصلا
الشامبو يقولون مو زين (ونس روحك)
من العجلة نسيت المنشفة برا
ياعرب ياهيييييه عطوني المنشفة
يامحمد (أخوي) يا حمود (ولد اخوي) عطوني المنشفة
كنهم مايسمعون شنو الحل الحين
منو اللي قال ان المنشفة ضرورية البس ملابسك واطلع يارجال عادي
هذا حنا تسبحنا وكشخنا وطقينا السبعة توكلنا على الله
خل ندخل الديوان ونسلم
السلام عليكم ،،،،،،
يردون : ياهلا ياهلا بالقاطع وين الغيبة
أنا : والله منشغل بهالدنيا وبهالدوام (اللي مايدري يقول اني ضابط)
على يميني واحد ما اعرفه ، يقولي مساك الله بالخير
ارد عليه هلا والله بالنور ياهلا (بقلبي : وليييه انا وين الله جابني عند هذا هذا شكله مايسكت)
ويدور بيننا الحوار التالي :
هو : من ولده انت يالغالي ؟!
انا : (بقلبي وانت شكو ؟!) هلا والله انا ولد مدلول الغايب
هو : ونعم والله وشلونكم وشلون ابوك وعمك؟
انا : (بقلبي الله يقلع هالزيارة المروحة) بخير جعلك بخير كلنا زينين .
هو : اريت وين موظف ياولدي ؟!
أنا : (بقلبي بدت السوالف اللي مالها معنى ، ودي اجذب بس اكيد راح يواجه ابوي ويساله خلني اقول الصج احسن ) والله موظف بجمعية تعاونية (بغت تطيح دمعتي لمن قلته)
هو : يضحك بصوت عالي هههههههههه وشموظفينك قوطي فول هههههههه والا كرتون حفاظات .
انا : (بقلبي : قوطي فول اللي يتكسر على راسك قول آمين) لا والله بالادارة وظيفتي زينة .
هو : وكم معاشك ؟
انا : (ماخلصنا ولييييييييه ) ميتين حجي ؟ آآآآآآخ ياقلبي
هو : هههههههههههه هذا معاش هندي هههههههه ويضحكون علي الجالسين ، ليه ياولدي ماكملت دراستك احسن لك من هالسوالف هههههههههههه
انا : (ميت من القهر ) استاذن ياجماعة بكرة وراي دوام .
هو : شعندك مستعجل على قواطي الفووووول ههههههههههه.
وارجع للبيت وانا مالي خلق واهون من الزيارات مرة ثانية
واول ما دخلت البيت والا هذا اخوي محمد مسوي مشكلة
منو ماخذ فانيلتي منو ماخذ فانيلتي ؟
سويت روحي ما ادري وهجيت للفراش خخخخخخخ
بالله عليكم مو زيارة تقصر العمر لو كل واحد انشغل بنفسه وعياله مو احسنله ، وشعليه بالناس.
المهم اليوم ابي اصارحكم واجاوب على السؤال اللي هججني من الديوانية واقولكم ليش ما كملت دراستي مع اني كنت متفوق ، لو ان الموضوع يضيق الخلق بس آثرت اني اكتبه بالفلة عشان ناخذه بضحك شوي
هذا طال عمركم لما نجحت بالثانوية وجبت نسبة زينة جيت للشايب وقلتله يبا يبا باركلي نجحت بالثانوية وجبت نسبة زينة
رد علي : ماشاء الله انت السنة بالثانوية ؟ والله كبرت يابو ....... (مايحتاج اكمل تقصها الرقابة)
الحبيب مايدري اني بالثانوية مايخالف
حاولت ادخل الجامعة الحكومية وماقدرت لاني من فئة المغضوب عليهم ولا الضالين
سمعت من ربعي اللي كانوا معاي بالمدرسة انهم قدموا على جامعة البحرين وانها تقبلهم بس برسوم
شديت حيلي وقلت لازم اكلم الشايب بس من الحكمة اختار الوقت المناسب (يعني شاد حيلي)
شفت ابوي مرة على الغدا ومكبر اللقمة ومستانس ويضحك ولابس شماغه مال النوم اللي لو احطه على وجه واحد فيكم ما يحتاج بنج ينام على طول
المهم شفته مستانس ومكيف (مكيف والا مروحة مو وقت ضحك صح ؟!) قلت هذا الوقت المناسب
يبا يبا ؟
شتبي ولبة (لبة بتشديد الباء دعوة بس شنو معناها ما ادري )
يبا سمعت من ربعي ان البحرين تقبل اللي مثل حالتنا بس لازم اول تقدم على الجامعة وياخذون فلوس ولما تجيب قبول يعطونك جواز هنيه وتروح تسافر تكمل ، شرايك ؟
التفتلي شوي واللقمة بيده
عقبن حطه بحلقه وضحك (زين اصبر لما تبلع اللقمة )
قلت بقلبي اكيد وافق ابوي
وصوت ضحكه يرتفع هههههههههه هااااااااااااه هيييييييييه
قلت شفيه ابوي لايكون استخف من الفرح مو مصدق
فجاة سكت وطالعلي وقالي بصوت عالي : ياوليدي تغدى تغدى انت والله مصدق روحك !!!!!! روح دورلك وظيفة احسن لك
ظلمت الدنيا بعيني وضاق خلقي آآآآآآخ ياراسي
وهذا يوم وهذاك يوم نسيت شئ اسمه دراسة
عرفتوا الحين ليش ما كملت دراستي
آآآآآآخ ودي ابكي[/align]
رد مع اقتباس
وننتظر جديدك )) 
)
المفضلات