ابغى أشوف خطيبتي!!!

[قلم شمر]

هههههههههههههههههههههههههههههههههههههههه هه

لا احنا عندنا عاادي توني ادري ان فيه ناس يعيون على الشوووفه
غريببببه ؟!؟

ما غريب الا الشيطان ، شكل شيبانكم مبطي ماتوا ولا بقي احد منهم

هههههههههههه ..

قلم شمر قسم بالله انك كاتب هههههه وحرام زيك يتزوج وهو مايشوفه

انا ما دابلن كبدي الا هالشيبان ليا قلت ابي اشوفه ضحك وهو مرتكي و

مادن سيقانه وقال ياحبيبي هالخشم تشوفه صبه تشوفه رضمتن تعلجه

لياما تلينه ، هي لعبتن تشوفه على كيفك ؟ انا خذيت امه ما شفته وابوك

وعمامك وكل جماعتن منين جايبن هالسالفه , تقول الرسول يقول ويقول

، انت يا مصقان تبي تصير مثل الرسول اللي لو تمخلابها كان قلت به يا

مسبوع ايد هناك !!!!!!!! ولا تصير خطبتك سالفتهم كل هكالسنه شوفت

فلان هههههههه ... شيبااااااااااااااااااااااااااااااااااااا ان يقهررررررررررررون

ياخي والله هم الدكتاتوريين مهو صدام ، يحسبون انهم ما صار مثلهم ولا

بهالدنيا زيهم ، هم اطهر الناس قلوب وهم احسن هالبشر سلوم وقدوته

ابوه وجده لو هو اطقع خلق الله ، ذبحوووووووووووووووووووووووووونا

قسم بالله لا اشوفه لو افجر بابوها هالمتحجر اللي كل راسه صلابيخ

ما صارت ليا متى وحنا نتزوجه كيس اسود وليلة الدخله حظ يا نصيب

انا من هذا المنبر ادعوا كل واحد ما تزوج ومحري ومقربتن سالفته انه

يضرب عن الزواج ، اضراب عام بدون شوفه ما فيه عرسه خله ينقع

بنت عنده . خله يتصبح به ويتمسى به ، ليا متى وحنا عايشين على

هالعادة الباليه ياخي اموت واعرف منين مقتبسين هالعادات البايخه

ولا بالجاهليه موجوجده ولا بالعصر الحجري صارت والله نص سالفه

عرس وبدون شوفه ، طيب ياخي على الاقل ابي اشوف تفكيره و

واجلس معه ونكون لحالنا مهو يقابلن ابوه والعايله كله ، وش يبون

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مدري وش اقتبس ووش أخلي .
قوقل بصراحه حسدت نفسي كثيراً على سعت صدري .

ريلاااااكس قوقل الامور لا تناقش الا بالهدوء ربما من هنا يبتدي صراع الأجيال متمسكون بالعادات ونافرون منها وهذا مما لا يحمد عقباه ابدا .

لك التحيه قوقل

[قلم شمر]

[align=center]شكرا على طرح الموضوع الحساس.
الموضوع على ثلاث محاور.

[/align]

شكرا لك Gooold Girl على المشاركه والبدايه الموضوعيه في تحديد محاور للنقاش

[align=center]
1-الاسلام اباح النظرة من باب الاستحباب وليس الوجوب .. و لم يجبر أحد على ذلك ..


[/align]

جميل واستهلال بمحور في غاية الأهميه النظره الاسلاميه للموضوع وهو ما نريده في نقاشاتنا عن اي عاده في المجتمع .

[align=center]
2-المجتمع والأسرة : منهم من يرفضها ومنهم من يرضاها.

ويبقى الموضوع شخصي ..محصور بين الفتاة اسرتها ..
[/align]

نعم هناك المؤيد والرافض اتفق معك في هذه وأختلف معك في قولك ان الموضوع شخصي بين الفتاة وأسرتها وكأنك تجاهلتي الطرف الآخر وحتى لو قلتي موضوع شخصي للشاب لأختلفت معك ايضاً الموضوع مشترك وليس شخصي .

[align=center]
لأني ارى أن هذا الأسلوب ما هو حلو بحق الفتاه ،، ولا بحق الشاب اللي جاي يخطب ،
فالفتاة ليست سيارة او سلعه،يتفرج عليها المشترى ،ثم يقرر اذا كانت مناسبه له او لا ..

[/align]

كلام سليم فعلاً الفتاة ليست بمعرض فتكون فرجه لكل خاطب
رؤيه منطقيه جداً اتفق معك بها ولكن يجب ان نتذكر ان الشاب عندما يقدم لخطبة فتاة لا يهمه شكلها او مظهرها بالدرجه الأولى فالدين والأخلاق هما المؤشر الأول نحو الأختيار للفتاة وهذه المؤشرات تدل على الفتاة قبل التقدم حتى للخطبه ولكن الرؤيه الشرعيه اعتقد انها للأسينأس بالشكل حتى لا يكون هناك شيئاً ما لم يؤخذ بالحسبان الا وهي الراحه للشكل الخارجي وربما الجاذبيه للخاطب نفسه والعكس بالنسبة للفتاة .

[align=center]
بالتأكيد ان الأمر صعب ..
للأشخاص الذي لا يستطيعون اتخاذ قراراتهم الا بالنظر .. والتحدث مع الطرف الآخر.
فالله يكون بعونهم .


[/align]

هو كذلك الأمر .
ولكن يجب ان نؤكد على ان النظره ليست الفاصل بين الخطبه والزواج فالحب الحقيقي لا يأتي الا بالحياة السعيده والعشره الحسنه .

Gooold Girl مداخله رائعه لك الشكر .

[العَـــروب]

خلف الله علي

ما شفته ولا شافني الا بليلة العرس


بس عندي لك كم سؤال اخوي قلم شمر

1- اذا شفتها وما عجبتك بتهون عن الخطبة؟
2- اذا هونت شنو بتكون ردة فعل البنت واهلها؟ خصوصا انك طلبت تشوف بنت عمك بالاول.
3- ما تحس انها بايخة شوي تشوف بنت عمك بعدين تهون عنها ( على افتراض ) ؟

انا مو ضد الشوفة بس احس ان فيها احراج شوي اذا الرجال شاف البنت وبعدين هوّن - شلون تتعامل مع هالوضع اذا حصل؟







تحياتي

[العَـــروب]

باخلي الاسئلة اللي فوق على جنب شوي

/

\

/


طرت علي سالفة باقولها حتى تكون عبرة للشباب

هذا واحد كان يحب بنت عمه حب مو طبيعي من صغرتهم والناس كلها تتكلم عنه وهو كان يصرح بهالشي وانه بياخذ بنت عمه بس تخلص دراسة وبنت عمه هذي كان معروف عنها جمالها الخيالي حتى صارت مضرب للزين

المهم صارت مشاكل بين اهل الرجال وبيت عمه ويوم قال الولد ابي بنت عمي قالت امه ما تاخذها الا على موتي
والرجال يحاول بامه ويحاول فيها وهي معيّا ما فيها كلام

رضخ المسكين لكلام امه وبدت امه تخطب له من الجماعة وكل البنات يردونه ما يبونه لان معروف انه يبي بنت عمه وما يقدرون ينافسونها بالزين

المهم عجزت الام وهي تدور له وما رضت فيه الا وحدة بنت الحلال ما تاخذ الخبزة من ايدها (علامة الجكر يعني )
والبنت ما تمت عنده شهرين تقريبا وطلقها وبنت عمه تزوجت وراحت لنصيبها وهو حاط ايده على خده يندب حظه القرود

لو كان شايفها ما كان تم العرس اكيد يعني من بعد الغزال ما يقبل الا بغزال

وهذا الدليل ان الشكل يلعب دور كبير خصوصا اذا قارنها باللي كان متوقع انها تكون من نصيبه


اقول هالسالفة علشان لا يصير فيكم مثل ما صار فيه
اصروا على الشوفة يا شباب فايجابياتها تطغى على سلبياتها






دمتم بود

[قلم شمر]

خلف الله علي

ما شفته ولا شافني الا بليلة العرس


[/COLOR][/SIZE]

والله مدري وش أرد
لكن خيره ان شاءالله والخيرة فيما أختاره الله

بس عندي لك كم سؤال اخوي قلم شمر

بجاوب على الرغم من أني لا أحب الأسئله الموجهه لي شخصيا وهذا ناتج عن أحساس اني في موضع اتهام ويجري التحقيق في تهمتي .

1- اذا شفتها وما عجبتك بتهون عن الخطبة؟

لم تكن الشوفه قرار الزواج النهائي ولكنها استحسان وكأني أجد الأجابه في الأقتباس التالي سألتي فجاوبتيني وكفيتيني شر مايوسوس لي به الشيطان .

الأجابه

طرت علي سالفة باقولها حتى تكون عبرة للشباب

هذا واحد كان يحب بنت عمه حب مو طبيعي من صغرتهم والناس كلها تتكلم عنه وهو كان يصرح بهالشي وانه بياخذ بنت عمه بس تخلص دراسة وبنت عمه هذي كان معروف عنها جمالها الخيالي حتى صارت مضرب للزين

المهم صارت مشاكل بين اهل الرجال وبيت عمه ويوم قال الولد ابي بنت عمي قالت امه ما تاخذها الا على موتي
والرجال يحاول بامه ويحاول فيها وهي معيّا ما فيها كلام

رضخ المسكين لكلام امه وبدت امه تخطب له من الجماعة وكل البنات يردونه ما يبونه لان معروف انه يبي بنت عمه وما يقدرون ينافسونها بالزين

المهم عجزت الام وهي تدور له وما رضت فيه الا وحدة بنت الحلال ما تاخذ الخبزة من ايدها (علامة الجكر يعني )
والبنت ما تمت عنده شهرين تقريبا وطلقها وبنت عمه تزوجت وراحت لنصيبها وهو حاط ايده على خده يندب حظه القرود

لو كان شايفها ما كان تم العرس اكيد يعني من بعد الغزال ما يقبل الا بغزال

وهذا الدليل ان الشكل يلعب دور كبير خصوصا اذا قارنها باللي كان متوقع انها تكون من نصيبه


اقول هالسالفة علشان لا يصير فيكم مثل ما صار فيه
اصروا على الشوفة يا شباب فايجابياتها تطغى على سلبياتها

بريئه ولكن شكراً على انك غششتيني

]
2- اذا هونت شنو بتكون ردة فعل البنت واهلها؟ خصوصا انك طلبت تشوف بنت عمك بالاول.

ليتك مجاوبه مثل السؤال الأول .
رغم ان القصه خياليه الا اني يوم اروح لبيت عمي وانا ابي أشوف زوجة المستقبل والا أخبرها وأتذكرها بس ابي اشوف زوجتي واعيش فترة الخطوبه برومانسياتها .

]
2-
3- ما تحس انها بايخة شوي تشوف بنت عمك بعدين تهون عنها ( على افتراض ) ؟


.

ليش بايخه اذا هونت عنها فهي الأخت وبنت عمي وشعره من شعر وجهي كرامتها من كرامتي وأفديها بالعمر لو تبي بس الزواج مو فزعات .

احس انك اتعبتيني بالأسئله فحاولت ان ألجاء للفلسفه لعلها تنقذني من التعب الا ان الواقع يرفض الفلسفه .
جميل انك مو ضد الشوفه وأنا ايضاً لست مع الشوفه المطلقه بفهوم بشوفها بس .

بريئه ولكن ... لك التحايا

[العَـــروب]

والله مدري وش أرد
لكن خيره ان شاءالله والخيرة فيما أختاره الله

هههههههههه
اكيد انها خيرة - الله وفقنا اثنينا الحمد لله

رغم ان القصه خياليه الا اني يوم اروح لبيت عمي وانا ابي أشوف زوجة المستقبل والا أخبرها وأتذكرها بس ابي اشوف زوجتي واعيش فترة الخطوبه برومانسياتها .

حدد موقفك يا قلم شمر
بديت اشم رائحة التناقضات
انت تبي تشوفها بس والا تبي تعيش فترة الخطوبة برومنسيتها؟

الفرق كبير ركز هنا


وهذا يخليني اسالك ( اعتذر على الاسئلة بس ضروري هالسؤال ) :

- حدد مفهوم الشوفة بوجهة نظرك.
كم مرة الخاطب يشوف البنت؟
منو يكون جالس معاهم؟
بالبيت والا برّا البيت؟

بالنسبة لي واللي اعرفه ان يشوفها مرة وحدة بوجود الولي
بس هالشي ما يسمح للخاطب انه ( يعيش فترة الخطوبة برومانسيتها)

ليش بايخه اذا هونت عنها فهي الأخت وبنت عمي وشعره من شعر وجهي كرامتها من كرامتي وأفديها بالعمر لو تبي بس الزواج مو فزعات .

ما زلت احس انها بايخة مع احترامي لرايك

احس انك اتعبتيني بالأسئله فحاولت ان ألجاء للفلسفه لعلها تنقذني من التعب الا ان الواقع يرفض الفلسفه .
جميل انك مو ضد الشوفه وأنا ايضاً لست مع الشوفه المطلقه بفهوم بشوفها بس .

بريئه ولكن ... لك التحايا

تعبت من كثر ما تلف وتدور علشان تتهرب من الاسئلة بقدر الامكان

انا ما اقصد احراجك انا ابي اوضح لك ان الشوفة لها سلبيات وممكن احيانا تحدك على شي ما تبيه وتعطي نتيجة عكسية - اذا لقيت اهل يرضون بالشوفة فتاكد واحذر ان مو كلهم يرضون انك تترك البنت بعد ما تشوفها
هم في سالفة على هالموضوع بس ما ابي اكثر سوالف - اعتقد ان الفكرة وصلت



شكرا على سعة صدرك

[nouf]

هو طلب انك تشوفها من حقك شرعا بس اهل خطيبتك رافضين بس مو كل الناس زي بعض

[قلم شمر]

حدد موقفك يا قلم شمر
بديت اشم رائحة التناقضات
انت تبي تشوفها بس والا تبي تعيش فترة الخطوبة برومنسيتها؟

موقفي يا أخت بريئهـ ولكنـ هو هذا الحديث عن جابر بن عبد الله قال : قال رسول الله صلى الله عليه وسلم : ( إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل ) قال : " فخطبت جارية فكنت أتخبأ لها ، حتى رأيت منها ما دعاني إلى نكاحها وتزوجتها " وفي رواية : " وقال جارية من بني سلمة ، فكنت أتخبأ لها تحت الكرب ، حتى رأيت منها ما دعاني إلى نكاحها ، فتزوجتها " وأيضاً هذا الحديث عن المغيرة بن شعبة قال : خطبت امرأة ، فقال رسول الله صلى الله عليه وسلم : ( أنظرت إليها ؟ ) قلت : لا ، قال : ( فانظر إليها فأنه أحرى أن يؤدم بينكما ) . وفي رواية : قال : ففعل ذلك . قال : فتزوجها فذكر من موافقتها .
موقفي انا شخصياً الشريعه ولكن ليس المهم موقفي بقدر ماهو الموقف الاجتماعي ففي الجانب الاخر اصبحت الشوفه مظاهر واحتفالات وبريستيج حتى ان الشوفه تطورت الى ماهو أبعد من الشوفه الى الخروج والتنزه والعشاء سوياً وهذا ما أرفضه تماماً

ولا تشمين التناقضات في رومانسيتي او اني اعيش الرومانسيات فالقصد هو اني اتخيلها كيف تكون عليها هدية اختارها لها فتعرفين ايضاً ان عاداتنا لا بد ان تشتري لها ذهباً فأخشى ان اشتري رشرش وتطلع بدون نحراً يزهى ذلك الرشرش اذن أبدله الى هدية اخرى كسلسال مثلاً ومن تخفيف حدة النقاش .

وهذا يخليني اسالك ( اعتذر على الاسئلة بس ضروري هالسؤال ) :

- حدد مفهوم الشوفة بوجهة نظرك.

اعتقد اني حددتها فالموقف شرعي هو الوئام والراحه .

كم مرة الخاطب يشوف البنت؟

مره واحده وتكون فيها اريحيه تامه بين المخطوبين فالشوفه ليست لعب او للتهاون بالزواج ولكن أفضل ان يقال شافها وهون على طلقها .
كما لا أنسى ان الزواج لا يعتمد على الشوفه شرعاً
وقال الإمام النووي في ( روضة الطالبين وعمدة المفتين إذا رغب في نكاحها استحب أن ينظر إليها لئلا يندم ، وفي وجه : لا يستحب هذا النظر بل هو مباح ، والصحيح الأول للأحاديث ، ويجوز تكرير هذا النظر بإذنها وبغير إذنها ، فإن لم يتيسر النظر بعث امرأة تتأملها وتصفها له . والمرأة تنظر إلى الرجل إذا أرادت تزوجه ، فإنه يعجبها منه ما يعجبه منها .
ثم المنظور إليه الوجه والكفان ظهراً وبطناً ، ولا ينظر إلى غير ذلك .
وأجاز أبو حنيفة النظر إلى القدمين مع الوجه والكفين .

وكذلك عن أنس بن مالك رضي الله عنه " أن النبي صلى الله عليه وسلم أراد أن يتزوج امرأة ، فبعث امرأة تنظر إليها فقال : شُمِّي عوارضها وانظري إلى عرقوبيها " فالموضوع الشرعي تعدا الشوفه الى الشم .

منو يكون جالس معاهم؟
بالبيت والا برّا البيت؟

يكون جالس معهم اي واحد من أهلها يفهم شعور الاثنين مثلا اخوها او ابوها ان كان متفهماً للموضوع .
وتكون الشوفه في البيت او برا ولكن بوجود محرمها فالخلوه محرمه ولكن لايكون هذا الولي قيداً لشعورهم ولا مانع من الحديث مع بعض وهي وجهة نظر شخصيه .

بالنسبة لي واللي اعرفه ان يشوفها مرة وحدة بوجود الولي
بس هالشي ما يسمح للخاطب انه ( يعيش فترة الخطوبة برومانسيتها)

صحيح ما تعرفينه وهذا ما أعرفه فالخطوبه ورومانسيتها ليست خروجهم مع بعض انما هي هدايا وخيالات وراحة نفسيه .

ما زلت احس انها بايخة مع احترامي لرايك



[

رأيك ولا زلت أحترمه وسأضل أحترمه

تعبت من كثر ما تلف وتدور علشان تتهرب من الاسئلة بقدر الامكان

نعم ربما تعبي من اللف والدوران ولكن لا تلوميني فانا شاب واعرف ايضاً نوايا بعض الشباب من الشوفه .

[COLOR=lemonchiffon]
انا ما اقصد احراجك انا ابي اوضح لك ان الشوفة لها سلبيات وممكن احيانا تحدك على شي ما تبيه وتعطي نتيجة عكسية - اذا لقيت اهل يرضون بالشوفة فتاكد واحذر ان مو كلهم يرضون انك تترك البنت بعد ما تشوفها
هم في سالفة على هالموضوع بس ما ابي اكثر سوالف - اعتقد ان الفكرة وصلت



شكرا على سعة صدرك

ليس هناك حرج فالشوفه لها سلبيات ولكن يجب ان نضع السلبيات والحسنات بميزان العداله التوافقيه وايهم أغلب هو المطبق فان كانت السلبيات اكثر فلا بارك الله فيها وان كانت الايجابيات اغلب فاهلا بها
حتى السلبيات ان كانت قليله ماهو العلاج لها وكيفية تطويرها لتتوافق مع الشرع .
فانا بوجهة نظري تتركها بعد ان تراها خيراً من ان تعود الى اهلها تحمل لقباً لا اعتقد انه محبب لا لشاب او البنت وهو مطلق او مطلقه .
الشوفه مشروع حب مستقبلي مشروع راحه مشروع توافق شكلياً

شكراً بريئهـ ولكنـ على العوده للنقاش
لك التحايا

[قلم شمر]

هو طلب انك تشوفها من حقك شرعا بس اهل خطيبتك رافضين بس مو كل الناس زي بعض

طبعاً هو حقي يا اخت nouf وفعلاً على قولتك الناس مو زي بعض
لكن الشكوى لله
شكراً لمداخلتك

[أهداااب]

فالقصد هو اني اتخيلها كيف تكون عليها هدية اختارها لها فتعرفين ايضاً ان عاداتنا لا بد ان تشتري لها ذهباً فأخشى ان اشتري رشرش وتطلع بدون نحراً يزهى ذلك الرشرش اذن أبدله الى هدية اخرى كسلسال مثلاً ومن تخفيف حدة النقاش .

هههههههههههههههههه


أنت لسع عايش بزمن الرشرش هذا خلاص راحت موضته أحمد ربك



أنا بصراحة عجبني النقاش اللي بينك وبين الأخت بريئه ولكن و حبيت تكون لي مداخلة



أبي أسألك عن هذي العبارة ..

المنظور إليه الوجه والكفان ظهراً وبطناً ، ولا ينظر إلى غير ذلك .
وأجاز أبو حنيفة النظر إلى القدمين مع الوجه والكفين .

يعني الشعر مايجوز يشوفه الخاطب بس الوجه ..؟؟


أذا كان عندك علم ياليت توضح لي لأني أول مرة أسمع بذي المعلومه ..

يكون جالس معهم اي واحد من أهلها يفهم شعور الاثنين مثلا اخوها او ابوها ان كان متفهماً للموضوع

حلو كلامك ..

أنا أبي أذكر لكم موقف صار لبنت خالتي عجبني حيل

البنت كبيرة بالعمر تقريبا 28 مع أنها ماشالله مو ناقصها شي زين وعقل و علم

بس تأخرت شوي بالزواج

جاها خاطب مو من الجماعه وتعرفون الشوفه لوحدة بذا العمر

تخوف ويمكن يكون هذا أخر خاطب


أذا راح راحت عليها فرصة الزواج


اللي عجبني موقف أخوها كذب على الأثنين بس كذبه بيضه

قال لأخته خطيبك يبي يشوفك وراح للخاطب وقاله أختي تبي

تشوفك قبل الملكه

وبعد ماتم كل شي والله وفقهم وصار الزواج


علمهم بالحقيقه


جزاه الله ألف خير على هالكذبه كذبه بس من صالحهم كسر فيها

الخوف والأحراج عند الأثنين من طلب الشوفه

مع العلم أنه مو شخص ملتزم


على النقيض تماماً أخوي اللي قلت قبل هالمره أنه خطب وطلب

الشوفه لكن أبو خطيبته رفض

وقال مهنا شوفات الا بعد الملكه

الغريب أن العيالة اللي أخوي خطب من عندهم ملتزمين حيل

حتى الأغاني كانوا رافضينها بالملكة

جد والله أستغربة أن ناس على هذا الألتزام والعلم يرفضوا الشوفه

مع أنها من الأشياء اللي أبحها الشرع



أعتقد أن العادات و التقاليد مازالت مسيطره عليهم

خصوصاً الشياب


شكراً قلم شمر


<< تحس أنها طولتها وهي قصيره