ابغى أشوف خطيبتي!!!

[قلم شمر]

[align=center]

<< الشوفه من ورا الطوفه >>

والله بصراحه لي شهر ماضحكت مثل ماضحكت اليوم

موضوع مع انه اجتماعي ومهم لكن أعتبره ظريف لبعض المواقف اللي فيه

وبعض الردود بصراحه عن موضوع فلاوي جميل خصوصا هالسبوق

[/align]

الشوفه من ورا الطوفه عنوان خطير للموضوع وجميل
اضحك الله سنك تشوف هالسبوق والله لة ابي اشارك بزوجتي في سباق ماراثوني ماخترت سبوق وان هجت من يبي يلحقها .

[align=center]

والله ياقلم شمر

الشوفه مافيها أمل >> عند بديوك

واغسل يدينك منها بتاتا البته ,,,,,,,
[/align]

غاسل يدي بس اقول عسى ولعل وليت

[align=center]
لكن مالك ألا تمقل أخوانه زين وتاخذ العامل المشترك بينهم

وأكيد ان به منهم أو من الشايب

[/align]

واقلقونا بالامثله اذا بالبيت غزال ترى برا ......................
والله يانا احولت عيوني من كثر التمقل

[align=center]
وبعدين ان كثرت الشوفات ضعت واحترت ودك ان عيون هذي بذيتس

وخشم ذيتس بهذي وهلم جرا


[/align]

والله هذي اللي ماضربنا لها حساب
رايك يضيعنا كثر شوف الحلا
بس عمري ماتمنيت طعم الكنافه على شكل البسبوسه
هم بس يخلون الشباب يدير دفة مستقبله ويرى غده بشكل الذي يريد الشباب لا مايريدون هم

[align=center]

مار توكل على الله وخل الشوفه عنك واتبع حظك نصيبك



[/align]

ومن توكل على الله فهو حسبه وان شاءالله كل امورنا بيد من لا تنام عينه

[align=center]

واهم شي أهله مايكونون أهل (دين) لانك راح تورط بكفالتهم

مار خذ من هاللي متوسطين الحال على شان هم يكفلونك

[/align]

ههههههههههههههههههههههههههههههههه
حشا كني بخطب من وزارة العمل ممثلة في مكتب العمل والعمال وكلها كفالات

[align=center]
الله يسر أمرك ويرزقك الزوجه الصالحه
[/align]

ويسر امورك يالغالي
المخاوي الله يرزقنا الحلال الطيب الحلو
الله يسلمك ويخليك يالمخاوي
دمت غالياً

[مهاجرة باحساس]

ابشرك يا قلم شمر حنا تحضرنا >> يسمحون بالشوفه بعد الملكه


العصر يملكون وبالليل عشا وبعده يدخلون المعرس بالمقلط والبنت جالسه مدنقه ماترفع راسه

وابوها واخوانها وامها وووو وعائلة الرجال كلهم موجودين يتمقلون المنظر

امحق شوفه , والمعرس يطالع وهي مدنقع مايشوف شين


وكل بنات جماعتنا طبعا اللي صح لهن الشوفه يقولن بليلة العرس يطالع متهول يقول انتي زوجتي

بس تصدق والله حتى بعد الملكه اذا فيه انجذاب يتحولون بفترة الخطبه لعشاق

سبحان الله يصير فيه ارتباط روحي بينهم .. انا كنت رافضة طريقة اهلي, الشوفه بعد الملكه احس ماله داعي

بس خواتي غيرن تفكيري >> وحده من خواتي تقول : زوجها يقول ريحة العطر اللي كنتي متعطرة فيه

طول فترة الخطوبه بخشمي (( يعني احس اني اشمه كل ماجا طاريتس ))

وهي نفس الشي

[ريم999]

ههههههههههههههههههههه
حلــــــــــــــــــــــــــــــــــــوه


والله يعينك
بس والله حلوه

[الونش]

[align=center]

ايييييه الله يرحم زمان أول اللي ماتشوف خشته الا عقب ماتعجز

ألا عاد انت وش تبي بشوفته ياقلم شمر

هي وكاد انه تبي تطلع على خواله والا عمامه مار دور على اللي

خاله مزيون وخطب منهم وكان الله غفور رحيم




يارجال والله ان بعض الزين انوه عقوبتن على راعيه

مار انا انصحك يابناخيي خل الزين عنك وشف الشقردييه اللي

تحيي البيت وحركه ونفسه خفيفه وتخبز لك على التنور والصاج

ولا تصبحك ولا تمسيك الا بكل خير واترك عنك راعيات الخدم

هاللي من تعرس عليه ماتشوف منه لاخبز ولا خير كل شي على

هالفنسا ام اندونيسيا الله يقلعه



موفق خير



[/align]

[قلم شمر]

ابشرك يا قلم شمر حنا تحضرنا >> يسمحون بالشوفه بعد الملكه

التحضر اذا كان للتقدم جميل
ولكن بعد الملكه تصير الشوفه يعني طاح الفاس بالراس

العصر يملكون وبالليل عشا وبعده يدخلون المعرس بالمقلط والبنت جالسه مدنقه ماترفع راسه

وابوها واخوانها وامها وووو وعائلة الرجال كلهم موجودين يتمقلون المنظر

امحق شوفه , والمعرس يطالع وهي مدنقع مايشوف شين

كأنك يابو زيد ماغزيت ( مدري هالمثل صحيح والا لا بس اعتقد اني على الحروه )
وبعد الشوفه بالمقلط ومدنقه
وابوها واخوانها
مشكلتنا اذا الواحد منا تزوج وحده كأنه تزوج العايله كلهم

وكل بنات جماعتنا طبعا اللي صح لهن الشوفه يقولن بليلة العرس يطالع متهول يقول انتي زوجتي

هذي مشكله ثانيه وناوي أطرح هالموضوع بعد الزواج

بس تصدق والله حتى بعد الملكه اذا فيه انجذاب يتحولون بفترة الخطبه لعشاق

جميل جدا الانجذاب مطلب لحياة مستقره

انا كنت رافضة طريقة اهلي, الشوفه بعد الملكه احس ماله داعي

في هذه النقطه اتفق معك جملة وتفصيلا ان الشوفه بعد الملكه مالها داعي وربما افسدت ليلة الزواج وهي ليلة عمر اما مابعد هالكلام فلكل انسان له معتقده الخاص

وحده من خواتي تقول : زوجها يقول ريحة العطر اللي كنتي متعطرة فيه

طول فترة الخطوبه بخشمي (( يعني احس اني اشمه كل ماجا طاريتس ))

وهي نفس الشي

الله يوفق اختك والمسلمات اجمعين
ولكن اخشى اني اشوفه بعد الملكه ولا يكتب الله نصيب ثم تذهب هي مطلقه وانا كذلك بصيغة المذكر ثم يكون رائحة تلك العطر اكثر نفاذيه من رائحة البصل
على العموم مهاجره باحساس مداخله رائعه منك واتمنى ان يكون المنهج هو منهج الرسول صلى الله عليه وسلم فهو المنهج الذي يكفل للأسره استقرارها واستمرارها بسعاده
دمتي بود

[قلم شمر]

ههههههههههههههههههههه
حلـــــــــــوه


والله يعينك
بس والله حلوه

ريم 999 الله يحلي ايامك ويعين الجميع

[قلم شمر]

[align=center]

ايييييه الله يرحم زمان أول اللي ماتشوف خشته الا عقب ماتعجز


[/align]

الونش حبيب قلبي زمان اول مافيه قنوات فضائيه ومغريات ومقاييس الجمال تغيرت اول مقاييس الجمال لا تعتمد على الخشه لامن قريب ولا بعيد

[align=center]

ألا عاد انت وش تبي بشوفته ياقلم شمر

[/align]

ابي اشوفه قبل الزواج ماهو ليا جا بعد الزواج اصير بس ادور فرقاه كل يوم منزله عند هله

[align=center]

هي وكاد انه تبي تطلع على خواله والا عمامه مار دور على اللي

خاله مزيون وخطب منهم وكان الله غفور رحيم


[/align]

تهقاه هاللون السالفه
بس والله يالونش دوخونا بالامثال يومن يقولون ليا صار برا غزال بالبيت قرد وليا صار برا قرد بالبيت غزال واخاف من شورك انه يتضارب مع هالمثل .

[align=center]

يارجال والله ان بعض الزين انوه عقوبتن على راعيه


[/align]

والله انك تخوف وتبي تحدني على الشين

[align=center]

مار انا انصحك يابناخيي خل الزين عنك وشف الشقردييه اللي

تحيي البيت وحركه ونفسه خفيفه وتخبز لك على التنور والصاج

[/align]

صاج تنور
والله ان نصيحتك بمحله مير هالمصطلحات انقرضت من الشينه والزينه الا اذا هي اسماء مطاعم

[align=center]

واترك عنك راعيات الخدم

هاللي من تعرس عليه ماتشوف منه لاخبز ولا خير كل شي على

هالفنسا ام اندونيسيا الله يقلعه



[/align]

الله يذكرك بالشهاده الظاهر لازم اروح ادور لي شغاله قبل مااعرس هذا موضوع اخر وذو شجون وهو من الامور المضحكه المبكيه
الونش سعدت بمرورك وبكلامك الجميل ومداخلتك الجميله
ولكن اين من يسمع؟؟
لك تقديري

[اميره مصريه]

ههههههههههههه
والله انت ظريف جدا والموضوع
صحيح انا من مصر بس مع تقاليدكم انتم ما بينفع معاكم غير العين الحمرا احنا هنا بيشوف وبيتكلم وساعات بيخرج معاها كمان وفى الاخر بيفلسع هههههههههه
يالاه خلينا نفرح فيك ويارب تتصدم وتتطلع شبه الولد الى حكيت عنه هههههههههه علشان تخلص ذنب البنات التانيين
بمزح معك الله يوفقك للخير و مببرروك مقدما شو فرحانه فيكم هههههههههه

[ياوييييسي]

يشوفا00ارخ والله لدق راسوه وراسه سوا بالنجر

[قلم شمر]

ههههههههههههه
والله انت ظريف جدا والموضوع
صحيح انا من مصر بس مع تقاليدكم انتم ما بينفع معاكم غير العين الحمرا احنا هنا بيشوف وبيتكلم وساعات بيخرج معاها كمان وفى الاخر بيفلسع هههههههههه
يالاه خلينا نفرح فيك ويارب تتصدم وتتطلع شبه الولد الى حكيت عنه هههههههههه علشان تخلص ذنب البنات التانيين
بمزح معك الله يوفقك للخير و مببرروك مقدما شو فرحانه فيكم هههههههههه

شكرا على اطرائك
اميره ومصريه انتبهي لا تأممين زي قناة السويس وبقايا سرايا الباشوات
يعني صحيح تشوفون بعض يعني صحيح التمثيل بالافلام
العين الحمراء احيانا من قل النوم مو لازم تكون شده .
بيفلسع يعني مانفع الشوفه بعد
المشكله بعد المزح اختي ان العادات مهما اختلفت من اقليم لاخر تبقى كلعبة شد الحبل بين الاجيال ومن المنتصر رغبات الشباب الجامحه ام عقول الشيوخ الرزينه هذا ماتحدده متطلبات العصر .
اشكر مرورك وحي الله اهل مصر اخت عزيزه ومضايف شمر البيت بيتك