(( عقوبة ليل ))
[align=center]السلام عليكم ورحمة الله وبركاتة
متواضعة أرجوا ان تقبلوها
عقوبة ليل[/align]
[poem=font="Simplified Arabic,5,white,bold,normal" bkcolor="black" bkimage="" border="none,4,white" type=1 line=1 align=center use=ex num="0,black"]
بعض المشاعر ماتصوَّر بالأبيات = لــو جبت كل الشِّعر .. عيّا يجيبه
مشاعر ٍ تكسر شــموخ العبــارات = وتكسي حروف القاف حاله عجيبة
حالــة ذهـول ٍ بين نكـران وإثبـات = حالـــه غريبة بكــــل معنى غريبة
بلحظة لغات العالم تموت بسكات = وكـــل أبجديات الحروف اَّتغدي به
والصمت فيها تنكتب به روايات = والصَّمت فيها أحلى كلام أنحكي به
واللي لقى عاشقه من عقب غيبات = وشمسه طفت اوهــي بحَّزة مغيبة
عقب البكا عقب الآلم عقب الاهآت = عقب الوجع عقب الهجرعقب شيبه
عقب الجروح الي دواها بعبرات = عقب السِّنيــــــن .. الي تلظَّى لهيبه
ومن عقب هذا كلَّه وعقب مامات = عقب العجاف السبع .. جاله حبيبه
ورمضاه ما يروي عطشها بطشات = لا بالله الا خيـــــــر .. سيـِل شعيبه
قام انتهض يـمـَّه يـلمـَّه بزفرات = وده يعاتب مير للشــوق هيـبـه
ومع قومته .. هو قام من حلم لحظات = واثره على حاله ولحدٍ دري به
وفي نون شوق بلج هم ٍ بظلمات = اغرق بقايا مــن حطام ٍ بقي به
والـ آآآآآه من أقصى الحشى يوم هي جات = وارخى على خَّده يروي عشيبه
وضاقت عليه الأرض لوعه وحسرات = وكلَّه عـقـوبـة لـيـل ليه ايغفي به
مشاعره هل هي تصور بالأبيات؟؟ = او فيه شِّعـر ٍ ممكــن انه يجيبه؟؟[/poem]
[align=center]سلأمتكم
أخــوكم[/align]
رد مع اقتباس
المشاركة الأصلية كتبت بواسطة سلمان الشمري
المفضلات