[align=justify]والله ياجماعة ولانتم محلفيني
اني كنت دائما اعاني من مسألة إذا ضاق واهسي وجتني الهواجيس شسوي ووين اروح ولمنو الجأ بعد الله طبعا
وشلون اطلع من هذا الجو ؟؟؟
لدرجة اني وضعت لنفسي شعار في الماسنجر و كان هو توقيعي في كثير من المنتديات اللي كنت اشارك فيها قبل ما اعرف بالصدفة عن هذا المنتدى الفلة اللي اسمه على مسماه
وشعاري هذا تدرون شنو كان
بيت من الشعر يقول :
أنا كذا من يوم ربي خلقني *** ماعرف اسلي خاطري لا تضايقت
وكنت احس ان هذا البيت قريب من قلبي حيييييل
ولما دخلت عالم الفلة كمتصفح من زمان قبل لا اقرر التسجيل والمشاركة تذكرت بيت من الشعر مع اني حافظه من زماااااان بس نسيته وماذكرني فيه الا اسم مضيفكم الكريم وهذا البيت يقول :
فل الحجاج وخل عنك الهواجيس*** كلن يموت وحاجته ما قضاها
فعرفت فعلا ان كل واحد راح يموت وماخذا ولاربع اللي وده ياخذه من الدنيا فعلى شنو اضيق خلقي ؟!
والله ياربع وياربعات اني احس انكم قريبين مني حيييل واحس كاني عضو قديم في مضيف الفلة (كني قطيت وجهي )
فياليت تعينوني واعينكم نقزر هالحياة بطاعة الله واتباع نبيه
وادخال السرور في قلوب بعض
ومادام القريحة مفتوحة خوذوا هذا البيت اللي مو لي (لايكون الحبيب فهد عافت بس !!) ويناسب الموضوع
لاتشتكي من جور الايام للناس *** واترك همومك لين ربك يحله
ابي اروح الحق على العشاء لان الله معطيني اخوان اذا قلطوا على العشاء ما يوسعون لك لو تموت من الجوع يقولون لك انتظر الدور الثاني وطبعا الدور الثاني مالك امل تحصل غير صحون فاضية وبالتالي امك تقولك : (يمة ودهن للمطبخ مادامك تعشيت وقضيت)ماتدري .....؟!
اترككم على خير وآسف على الاطالة[/align]
رد مع اقتباس
> وراتس ياخاله ؟ 
<---نستحي بس عاد نمون على بعض
المشاركة الأصلية كتبت بواسطة ريال الفسحه
المفضلات