[align=center] قصيده للربيع اعجبتني والا اعرف صاحبهاء[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان تبغوني على طول ماضيق = ونس هموم بالظماير تروعي
خلوني اشم الهوى بالصعافيق = وسج رجلي مع نبات الفروعي
ياماحلا نف الهوى للزماليق = بارض خلا مابه من الناس دوعي
قفرأ نباته ماوطيبه ولا ذيق = الا الطيور مغردات سجوعي
هذاك كيفي واسمعو يامخاليق = شوف الفياض المخضره هو متوعي
برض بها تلقى الزبيدي مفاهيق = بالقاع تاثيره سوات الصدوعي
لاصرت طلق الراس ظمن المطاليق = شم النسيم الطلق للروح يوعي
مع جمله عيال نشاما مشافيق = للمرجله والطيب دايم تنوعي
الكل منهم ذرب مافيه تبريق = ماهو من الفرجه ملول جزوعي
هذي مناتي والسعد والتوافيق = بيدين من خلقه على نوعي
لاشك اسلي خاطري بالطواريق = وحب الطبيه من ركايز طبوعي
يالله يفاتح ابواب مغاليق = ياعالم في غيب صم الضلوعي
من لامني مايعرف العلم ويطيق = قليل ميز ولا يعرف السنوعي
وختامها صلوا صلاة بتوثيق = على النبي صلوا صلاة الخشوعي[/poem]
القصيده اطول من ذلك لكن اختصرناها[/size]
رد مع اقتباس
المفضلات