سؤال لراوينا ابو فهد

**المطني** · 07-06-2007 14:20

لاهنت يابو فهد

ابي المراد اللي حصل بين محمد المهاد و محمد بن سعود ( غزالان )

وايهم اللي يقول ( القاز يعبا للضروس المتاني ... واعرف ترى سن اللبن يقلعه سن )

**فواز الغسلان** · 07-06-2007 19:07

هلا وغلا اخوي وانا اتمنى اذا فيه واحد من الاخوان ضابطهن او محتفظ بنسخه منهن انه يزودنا بهن افضل

لأني اللحين شايب والحفظ ماهو مثل اول يوم انا ولد هذا كبر شواكلي000

طبعا اخوي محمد العبدالله الرشيد ماهو شاعر مثل ماتعرف وانما امر فجحان الفراوي من المريخات من

مطير ان ينظم قصيده على لسانه يحذر بها محمد بن سعود عندما قرر ابن رشيد غزوه فقال فجحان:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياراكب هجنن كبـار المثانـي =بين الحجر ومحقبه يوم يرعن
بنات حر ضربوهن عماني=وجن البكار وصوفهن مثلهن هن
مستردفين فوقهـن شيشخانـي =من قصر حايل فجر الاصباح مد ن
ومكلفـات مـن جميـع الاوانـي =كل الكلايف فوقهـن مايخطـرن
وركابهن من عندنـا غـب ثانـي =بديار دسمين الشـوارب يعشـن
شيوخ القبائل يوم ماض الزماني =لما غدا ببخوتهم هن وابـن هـن
تلفي محمد شوق جال الثمانـي =ولد السعود وخالط الزين في فن
دنياك هاذي ماتجـي بالتمانـي =كان انكسر مخباطها والسعد كن
شوري على كل الرجال الذهانـي =وترى القلوب الطيبـه مايغّـون
ومني عـدد مابالخفـا والبيانـي =وترى النصايح يافتى الجود يشرّن
حنا الضياغم واصلنا بقحطاني=وانتم بني وايل سباعن بلا من
اطعت شور مريشين الاذاني=وان جوك بيضان الغتر كنهم جن
ينطحك ابو ماجد ليا جيت عانـي =كان اقبلن عوج المراكيض واقفن
كم مصعب خلوه جـاء مرجعانـي =بصيـارمن بايمانـهـم مايعـفـن
متسلحيـن الماطلـي والردانـي =وشي ماعرف لوصافهن توهن جن
والزين ماينفع خطات الحصاني=لياصردن مثل العدن قفوهن كن
هذا الكلام اللي ظهر من لساني=والامر لله والسبب واردن من؟[/poem]

وهنا قال فجحان ان الزين ماينفع الحصان المزيون لان المهار اذا صردن يعني اسرعن وطال بهن الطريق

قال قفوهن كن يعني ان المهره (الانثى) اذا طال الطريق تتقدم على الحصان المزيون الذكر والسبب ان

الحصان يحصره بوله الله يكرمكم ومايقدر يبول وهو يجري لازم ياقف في حين الانثى تبول وهي تجري فلا

تتضايق في جريها000

وعندما وصلته القصيده قال محمد بن سعود (غزالان) وهناك من يقول ان اللي رد زيد بن غيام المطيري

ايضا ولكنه قول ضعيف جدا وانما ذكرته للمعلوميه000

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

بديت ذكر الله على كل شاني =الواحد المعبو د با لرشد له فن
وخلاف ذا ياراكبين ٍسماني =يشدن شياهين على الجول يهون
قطم الفخوذ مقولمات الأذاني =شقر ٍولون أذ يالهن لو نهن هن
بتر الفخوذ مد خلا ت الثفاني =أكواعهن لازوارهن ما ينوشن
هجن هجاهيج ٍ خفاف ٍ هجاني =عوص ٍعلى هوز العصا ما يدانن
أرقابهن مثل الجريد اللياني =يشد ن لريم ٍ بالسهل يوم ينحن
إلى اعتليتو فوق حيل ٍسماني=دارواعلى عير ا تكم لا يخفن
وإلى انتحن مع فج دو ٍ دناني =ترى الزمل مالاج بقلوب أهلهن
ترحلوا مني حلول الا ذ آني =قبل الطيور لرزقهن لايطيرن
مدوا إليا شفتوا سنا الصبح باني =من دار جدي ياسعد وين يمسن
بأسفل شعيب سدير عند الشباني =قرم ٍ يرحب بالنضا حين يلفن
وعند الفهيد معزب ٍ مرحباني =كل ٍ يقول بجيرتي ما يفوتن
كل ٍ يجيب من الحطب بالمكاني =وسوالف ٍ يطرب لها البال وان جن
تلقا رجال ٍ يفهمون المعاني =مجالس ٍ يثنى بها رايب البن
سيروا لاخو نوره عريب المجاني =والى لفن ركابنا لا يرد ن
فلا يحسبني عن بطاه متواني =لازم اجيه بغير شك ٍ ولاظن
لو كان في برزان زين المباني =اجموعنا وجموعكم بيتلاقن
مثل صلاة الشايـب المذرحانـي =اعرف ترى خمس الفرايض يصّلن
الناس مثل الناس ماغط باني =ومن قال أنا الطيب يعييه ابن من
والزين مايدقم شباة السناني =والشين مايقصر يدين ٍ يطولن
اليا اجتمع زينن وفعل اليماني=جنة نعيمن بالحشى وان تلاقن
والقاز يعبى لضروس المتاني =وإعرف ترى سن اللبن يقلعه سن
عليّ راس ٍ فيه مثل النواني =مثل البروق بليل غدرا ينوضن
حتى أيش يانقالة الشيشخاني =معنا فرنجي ٍ على البعد يشفن
إليا ركبنا فوق بنت الحصاني =عيب ٍ عليّ إحرافها لين يقفن
إضرب بحد السيف والعمر فاني =لين العذارى ياسعد لي يعذرن
مثل الصلاة الواكد النقرحاني =لين العذارى ياسعد لي يعذرن
ذا قول من لاهو بولدة هداني=ولد شجاعن نادرن بان له فن
وهذا الجواب اللي ظهر من لساني=والامر لله والسبب نفعله حن[/poem]

وهنا معاني حلوه ومنها ان الزين ماعاب السيف وكذلك قال سن اللبن يجدعه سن يعني انك انت يابن

رشيد امارتك ماهي اصليه واذا جينا اصحاب الاماره الاصليه نزيلك مثل مايجدع الضرس الاصلي الضرس

او السن حقات اللبن اللي يطلعن للطفل000

لكن الخطا من غزالان انه زاد زوده قشرا لان فجحان قال(الامر لله والسبب واردن من ) يعني ماندري من

هو له النصر وهو قال (السبب نفعله حن) يعني مضمون لنا فكانت سبب زواله وقتله بالمعركه000

قال فجحان الفراوي في حسن بن مهنا آل صالح اباالخيل أمير بريده المتوفي سنة 1320هـ ,
الموافق 1902م , وهو صديق له وقد نهاه عن بعض التسرعات وذلك في وقعة المليدا الشهيرة
التي وقعت في يوم السبت 13 من جمادى الاخر سنة 1308هـ الموافق , 24 من يناير سنة 1891م ,
ولم يستمع حسن المهنا لنصيحة فجحان الفراوي فدخل المعركة وهزم فيها واسر هو وابنائه فيها
وارسلوه الى سجن حائل عند الامير محمد العبدالله الرشيد المتوفي سنة 1315هـ , وبقي حسن بن
مهنا في سجن حائل حتى مات في سنة 1320هـ , بعد 12 سنة قضاها في السجن .

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
عــز الله انـا يابـوصـــالح نــــهـيناك = ولا ربــح قـبلك واحـد قـد عصـاني
طاوعـت من لا سـر عـيـنك ودهواك = واليـوم حطـك فــي مـحـل الهوانــي
طاوعت شور ابليس وابليس غواك = وطاوعــت شـور مشـرهفين الاذاني
مانـتـه ردي مـيـر سيــفـك بيســراك = جــوك الرشـيـد سـيــوفـهم بالـيماني
ماهــو ردا بـك مـيـر مـاهـم حـلاياك = صــبــيــح مــا ظلـعـه يشادي لابــانـي
واجهت مسط الروس ماهي حكاياك = مــثـل الحــدج فـي ناعـمات المـثاني
زامــل فكـاك الريـق وانـتـه تعـشـاك = كــم مصــعب خلــوه جــاء مرجعاني
يـالله يـاللـــي كـــل عيـــن تـرجــاك = انـــك تـــرجي باذريــن الحــســــاني
لالمهم بأمر الولــي مجــرى الادراك = تحــــط مـيـتــهـم شــهـيــد الجــنـاني
بغــيــت اعــاون ذا وهــذا عـلى ذاك =ولو ماحـضـرتـه في يدي في لساني
ذكــــرت نـو الخــيـر مـن ذا وذولاك =وهـــودت عن رأي العــرب في مكـاني[/poem]

**المطني** · 08-06-2007 01:42

ابو فهد

ياملا العافية والله انشهد انك تستحق اسم الراوي

وبعدين انت تبي تصير شايب بالغصب

يابن الحلال انت شباب اليا هالحين

اودعت روحك شايب وحنا نبي نزوجك ( بس لا تدري ام فهد )