(((لاهل الفله اعضاءها وزوارها الكرام)))

[بو رائد]

الا ياهل الفله لكم مني التقدير

الي مشرفيها والذي مشاركن فيها
وانا كل ماحاول يجي مني التقصير

ظروف(ن)على الله ياجماعة تواليها
الا ياوجودي وجد من طاح وسط البير

يبي ينتشل دلوه وثاريه مخطيها
تكسر عظم ساقه ووضعه غدا خطير
ولاله جدا ياكود نفسه يمنيها
برجا خالق الانسان والوحش هو والطير
الاه (ن) غفور وطلبه العبد يعطيها
سلامي على طنخان مباشر وعبر اثير

واعجاب لاهانت ولاعاش ناسيها
وبو ثوب له عندي معزه من نوع(ن)غير

فتى رقى للمجد عالي مبانيها
تحيه الى ريالوه وابو جعيثن العشير

وغاده وكمبيوتر وشليويح نهديها
الى الساطع الساطع ومهره لهم تقدير

وقلم شمر اللي له كلمات ناقيها
وابو عارف الوافي فلا يلحقه تقصير

ومهاجره باحساس تسمو معانيها
وابن شمر محمد والعمده وجيه الخير

وصدى الشمال ازكي التحايا تواليها
ومن لاذكرت اسمه عسى يحط لي تبرير

نصيب الهدف واحيان ياالربع نخطيها


******قد لاترقى لمستوى ذوقكم الشعري فعذرا منكم

******يعلم الله اني حاولت جمع اكبر عدد من الاخوة والاخوات فليسامحني من نسيت اسمه
ليس تجاهلا

*****افوض الاخ طنخان بحذفها ان لم تكن بالمستوى وتنسيقها ان كانت عكس ذلك

[عجايب بنت الشايب]

الله الله لعيون شطر تكرم قصيدة

واعجاب لاهانت ولاعاش ناسيها

شكراً

شكـــــــراً أوي


موضوع مثبت لعيون هالشطر..

وصح لسان شاعر هالقصيده >> مطوله السالفه ليه ؟




بو رائد أبوووه

لا هنت ولا تهت


ولا حرم الله المضائف عامه والفله خاصه من قلمك النقي ...



طحياتي .......,,

[منصور الغايب]

صح الله لسانك يخوي

لو ان اسمي ما جاء فيها بس انا وين من اللي انذكروا هذولا كلهم عمالقة وحنا ان شاء الله على خطاهم

وضيف هذا البيت لاهنت :
وابن غايب الغالي لا لفى حزة عصير
له ازكى سلام(ن)والتحيات نهديها



وتسلم على الابيات الجميلة

[ابو عارف]

شكراً لك أبو رائد على هذه الأبيات الرائعه ماجيت بقصور لاهنت.

مادمت شاعر مبدع صوت لفريق الشعراء بالمضيف العام مسابقة المطبخ الفكري عافاك الله.

تقبل تحيات أبو عارف

[الأصيل]

[align=center]رااااااااااااااااائع ياشاعر الفله ويافلة الشعراء





قصيدة ،،، منتاااازه


ولكن


فيها عذروبين


الأول ...


ذكرت اسم عجايب قبلي ... وهذا يعاقب عليه القانون 82 سنه حبس

لكن ،، لخاطرك حنا ننحبس



والثاني ،،

ذكرت واحد من أهل الشعر الشعبي

وهالرجال أحس لوه نوايا قشرا

ماني معلمك إنه ( الجعيـــ ... ) افهم يافاهم

يابورائد

هالرجال صار لوه تسم يوم وهو يتحوف على الفله


مدري لوه نيه يخطفن ( على شنو يخطفك ياحظي )


أو يبي يزرع لغم



المهم ،، حنا ماخذين الحيطه والحذرى ( إعصار جولو )









صح لساااااااانك يالذيب

على المعلقه اللي جمعت آل الفله الكرام[/align]

[الكنبيوتر]

صح لسانك يابو رائد ولاهنت

[عجايب بنت الشايب]

لاهنت يابو رائد

ونسخه للمواضيع المميزة ...........

[المطنوخ]

لو حذفت القسم فدوه بس تبقى هالشامخه


شامخه مثل شموخك والله يابورايد


هلا وغلا مليون بهالزين واللي جاب الزين


صح لسانك ولاهنت يابورايد


شهادتي فيك مجروحه يابورايد وانت اكبر من تقييمي لك



منتظرين الزين كالعاده منك يابعدي


ماقصرتي ياعجايب

[ريال الفسحه]

تحيه الى ريالوه وابو جعيثن العشير

ايه جمعتن وع طير شلوى <---انقهروا يابعض الاصيلين <---ابوتلميحن تعرفوه


صح لسااااانك والمعذره على التاخر بالرد



لكن تخبر ورانا اكل عيش


صح كلك ودمت بصحه والعربي <---وش اسوي مانستخدم عافيه

[المشرف العام]

ياااااااااااااااااهلا .. بابو رائد

صح لسانك مليون ينطح مليون


وين الغيبات

الحمد لله على السلامه يالغالي