[poem=font="Simplified Arabic,5,orange,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يقول راعي البكره اللي يقودها=بكره تدرهم زاهيات(ن) خطايمه
وانا علي ان درهمت بي لـ اكدها=تسري وكبدي من تعبها زايمه
مااحد(ن) يعذرب به ولا احد(ن) يعيبه=كن النحر خصم ارتفع عن خصايمه
لاروحت مع سربة(ن) زورها باين=ماهي عذيفه تختلف في قوايمه
تارد على هداج وان وردت الررس =اقطع نفسها للوحش في خرايمه
اذا رضيت اقودها قود بالهون=واذا زعلت تهبد منهو يضايمه
قد قادها تركي وحجرف وابن حثلين=وعبيد ومبيريك قبلي سنايمه
والعامري ومقحم ومعهم غزالان=والعوني ومحسن من اعظم عظايمه
ومشعان وشليويح من فوق كورها=ومن بعدهم نفسي عن الشعر صايمه
ياكود شعر(ن) حي ماهو بميت=كما ذعاذيع البراد ونسايمه
جونا من الشعار من دمر الشعر=وعقولهم عن جوهر الشعر نايمه
شعر(ن) يقولونه يفشل ويخزي=هلايم(ن) ماتنتج الا الهلايمه
وانا مع الشعار عساي لا باس=ماني بالاخر او مع اول القايمه
كم واحد(ن) يقص دربي ورايه =واقول تبطي ثم تبطي حلايمه
وانا قصيدي يجبر الناس تسمعه=وانا اشكر اللي نعمته دوم دايمه
وانا قصيدي مثل حر(ن) نداوي=وطيور بعض الناس ماهي بحايمه[/poem]
رد مع اقتباس
المفضلات