[align=center]
هذه قصيدتي
أمل أن أتنال إعجابكم
إليكم القصيدة[/align]
[poem=font="Simplified Arabic,5,white,normal,normal" bkcolor="transparent" bkimage="backgrounds/22.gif" border="double,4,gray" type=0 line=0 align=center use=ex num="0,black"]
روحي عسى الله يفتح بوجهك أبواب= مدام ورد القلب يبدءا ذبوله
واقفي ترى مشعل عن الحب ما تاب = مادام تبتي لا تمرين حوله
خليه عايش عقب فرقاك منصاب = بحمول حب ثقلت له حموله
إن جيت أبشرح بالوفاء حكي وأعتاب= نفس العنيد من المعاتب زعوله
وان قلتله ليه الجفاء وش الأسباب = هلت دموع عذبتني نزوله
ورميتها بسهم من الحب ماصاب = ورددت ساعات الغضب يا مهبوله
وشبه سهومي تنثني دون الأحباب = ورميات سهمي ما تروح بسهوله
ريم جفل من زول تفاق ورتاب = وهتزة إطرافه بحزه جفوله
خذني معك وأنا الذي دوم منساب = يم العيون الناعسات الخجوله
والله لوقا لو لي الناس كذاب = ما شفت بالدنيا شبيه لزوله
لخيب الله من رجاء الخير ماخاب = وأنا رجيته من سنين الطفوله
وتقول يا مشعل وهي خافقة ذاب= والمنتهى يدني وقرب وصوله
اشكي عليك بقصة تعجب إعجاب = كيف القريب ليا بكى ما بكوله
والذيب لأمنه عواء فوق مرقاب = لو ما عواء بعض الذيابه وعوله
وحطوا ترى من بيننا سد وحجاب = ودي أطوله بس مقدر أطوله
أخاف من شي ما حسبنا له أحساب =يفرح به العاذل معاه العذوله
ومثلك يعرف وعارف وش الاعياب = والناس تسمع للحكي وانصتوله
قلت اسمعي وأنا بعد بعض الأصحاب = حكي القفا بقرب قريب اسمع وله
يا حيف يا قوم طويلين الاشناب = درب الرداء لو مامشيته مشوله
يعني مشوا مهمهم حكي الأغراب = ولأحرموا عرض شريف نوله
أعيش كني في عصبات الأحزاب = تايه ولدري ساكن بآي دوله
ويشهد على الله من الناس ما هاب = ولأني ضعيف من بغاله ينوله
أخاف من رب خلق شمس وتراب = سبحانه الوالي ومعظم فعوله
وأخر كلامي وانتهى حكي الألباب = هذا الوداع إن غاب لازم حصوله
وقفت وهي دمعه على الخد سكاب = والمشكلة محد لقاله حلوله
وناديتها بصوتٍ حزين وجذاب = اخر كلامي واسمعي ياعجوله
كل الذي دمر حياتي وإنا شاب = والله ما يسوءا مواطي رجوله[/poem]
[align=center]//
//
تقبلوا تحياتي[/align]
رد مع اقتباس
المفضلات