[align=center]السلام عليكم
عز الله خوياي مايجيبون الفود ،،
يتابعون الهلال والاتحاد ،،، وتاركين هالمسابقة الزينه
والله يالربع ،، طنخان وريالوه
لقوني على المسنجر ،،
وقالو : يابو ثوب ،، إفزع لعنبو حيك ،،
قال وش حادك على الموضوع ،، قل من دزلة الوالي
**********
القرش .. الريال ،، الدينار ،، الدرهم ،، الين ،، الدولار .. تسم صرفه اليوم؟
نصايح للمحافظه عليه !!!
.
.
تشوف لك فقير عند باب المسجد ،،
هاه ؟؟
يارجال ،، هاللي عطوه مناكثرهم ،، خل قروشك بجيبك
الله أعلم ،، هو محتاج صدز أو ... لا
****
ليا انعزمت عند لك أجاويد مبذرين
وعرفت الضيف ،، ماهو ضروري تعزموه ،،
القدر بالصدر ،، والطلي بالدزر
يامنك لحست يدك ،، دوّر أهلك لاتهلك
*****
قصور الأفراح ،،
تسوي أتسل يكفي مضايف شمر ،،
وش المانع إنك كل ليله بحدا هالقصور
حتى لو إنك ماتعرف أهل العرس ( ومنهو يبي يعرفك ؟؟ )
نعمة زايده ،، وبطن جايعه
أتسل ببلاش ،، ربحوه بيّن
ولامانع من اصطحاب وغدانك للتعرف على مظاهر التوفير الاجتماعي
***
محطت البنزين ،،
وش يضرك إنك تاقف عند المدخل ،، لك ربع ساعه ،،
أكيد يبي يجي واحدن تعرفوه ،،
وعندها ،، خلك وراو ،، حط الدعاميه على الدعاميه ( الصدامي على الصدامي )
ويامنك عبيت ،،
تخمش جيوبك تخمشاً مع إبداء استغرابك
يبي يقولك ،، عسى ماشر ؟؟
قل : نسيت البوك بالبيت ( التسذب حرام )
أكيد ،، يكون عندوه دم ،، ويقول لك ،،
يارجال ولا يهمك ،،
قل : أحاسبك بعدين
ويبي يقول لك : الحساب يوم الحساب .
**********
المطعم ،،
لاتستعجل ياملا الشحم ،،
ياشفت لك ثلاثه أربع من ربعك الشقرديه تسفتو للمطعم
انتظر نص ساعه
ثم إدخل ،،
السلام عليكم ،،
عليكم السلام ،،
إقلط يافلان
طبعاً إنت عزيز نفس ( بالصفري )
قل : مشكورين وبالعافيه
هكا الساعه ، إقعد على الماصه ، واطلب مالذ وطاب
ويامنهم مشو ،، أكيد يبون يدفعون عنك ،،
وإلا ... تبي تطرش اللي كليتوه من الضرب
************
أخي القارئ ،،
بعد تنفيذ جميع ماسبق ،، تكون قد وفرت مبالغ طائلة
مقابل ..[/align]
[align=center]عزة النفس !!! [/align]
رد مع اقتباس
المشاركة الأصلية كتبت بواسطة المطنوخ
المفضلات