السلام عليكم ورحمة الله وبركاته
اخواني الكرام سوف اذكر لكم من بعض المواضيع وهجينيات عقيد من عقدأ شمر
المعروفين الذي صال وجال في غزواته في نجد وانحاء الجزيره
هو العقيد
(مناور بن زبيّل الشريّطي الاسلمي الشمري) ووالده زبيّل كان عقيداً ولهو صولا وجولات في زمنه
ومنخاته ( راعي الريشه )
وموضوعنا عن العقيد مناور الشريّطي
ولهو من الالقاب ( عاكوف : شرودٍ ورود: مطوي العزبات) وعزوته ( اخو نوير )
ســوف اتــحفكم بهجينياته بدون تفصيل الموضوع كامل
في احدى غزواته مع جماعته الجحيش من شمر انشد هذي الهجينيه بعد انتصارهم :
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يـا سـعـود لـحـقـوا هـل الـمـلـمـاس = يــبـــون خــز الـطـمـع مـنـا
لــحـقـوا عـــلـى دكــلــة الافـــراس = وركــــابـنـا دونـهــن حــنــا
ونـــخــيـت كـســابــت الــنـومــاس = حـــلـــو بـــهـن وانجلو عنا
بــــتـــحـويـلـتـن تـبـرد الهـوجـاس =يــفــرح بـــه الــكــل مـنـــــا
لــعــيــون غـــرون يـغـض الـراس = مــرشـوشـه الــهيل والحـنا
نــشـمـيــــتــــن دونـهــــا لـــولاس = لـــولاســــهـا واحـــدن مـنا[/poem]
وذكر ايضا هجينيه وهم آتين من غزوه اخرى لديارهم عندما رأى العقيد مناور الشريطي رجل يدعى حمود وعنده حلال يغنيه عن المغازي فأنشد مناور هجينيه يقول فيها
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يــانــاس لاواهـــنــي حـمـود = الــزيـن والـشـيـن مـاشـاقــه
ولا لاعــــــب الجادل ام نهود = وحــب الـغـنـاديـر مـاذاقــــه
ولا ساق ساقـه مع المضهود = ولا عـاهــد الله ولا بـــاقــــه[/poem]
وفي احدى الغزوات بالنفود مع شمر بعد انتصارهم يقول الشريطي :
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يالله وانا احمدك يا ربي = فكيت حماية الساقه
يوم اشهب الملح ينكبي = سحابتن نثرت مابه [/poem]
وفي احدى غزواته على مطير صار عندهم منيع مشاري بن بصيص وانشد مناور هجينيه يقول فيها
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يا الله يا جايب الماطر =يا خالق النار والجنه
يا مظهره من ورى الفاطر=يوم المسابيق ردنه
عمر الفتى ال حسبته ناطر=لو كل الادراك ياطنه
والعفن لا ذل ما يخاطر=يروف بعمره من الونه[/poem]
وفي احدى غزواته استقرقت شهر ونصف من سفوان الى نجران وعندما ردوا الى اديارهم كاسبين حلال انطحتهم امرأه من الاسلم وانشدت تقول
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
الهجن يشكن الحفا=من يوم اخو نوير لفا[/poem]
ومن القصايد التي قيلت فيه قصيدة نزيله الضويريه الشمريه واللي حصلت عليه ثلاث ابيات وهي اطول من ذالك
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
الله يعز الاسلمي ذايع الصيت= المرجله كله تحوشه احباله
مهو انت يا كوبان يا هادم البيت=يا مخلص القشده ليال العطاله
يقود وجه اغيوض يا ركبو الجيش=ولا دق نجره ما يقوله اغياله[/poem]
وهذه قصة مروءة تبين كرم العرب وان كل منهم يحب ان يذكر بالجميل لأنه يبقي مايزول .
هذا عمّار بن عبدالله بن ذويب المسعودي الأسلمي الشمري . وهو فلاح بالكهفة البلدة المعروفة من بلدان حائل واستأجر سواني يسني عليها بعيش معين إذا حصد من مناور الشريطي من آل جحيش من الأسلم من شمّر . وايضا إستدان ما يحتاجه للزرع من واحد يدعي خلف المعاشي من آل مسعود كذلك .
وفي النهاية طاحت القليب قبل استواء الزرع ومات الزرع وذهب إلى المعزب وطلب منه المهلة لعل الله يرزقه ويوفيه فقال ابشر ان اللي عليك طايح هذه مصيبة وغصب عليك وايضا اعطاه فرده عيش وفردة تمر وحنا يعوضنا الله وإياك وبقي راعي السواني واركب له قصيدة مضمونه ان يمهله مثل الاول يقول :
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
ياراكب من فوق حـــــمرا فتاتي=تكصم مصاليب الشداد القويه
حمرا واشباره كلهن وافياتي= مدهالها بين اللوى وافجريه
مرباعها الصفرا بخشم اشطناتي=ومدهالها الشعبان مضي احمريه
إلا نهمته تقل فــــــــــرة قطات=تدي غريب الدار لديار حيه
راكابها مضنون عيني شفـــــاتي=قرمٍ اليا ودا الخبر رد ليه
نصّه بيوت بالبنا بينــــــــــــاتي=ومجالسٍ تعمل بها الشاذليه
اهل ادلالٍ كلهن مكرماتي= ما منهم اللي ينطر شبة خويه
لا جيت وسط النزل فأرم العباتي= و أنخ البعيّر كلهم بالحميــــة
ترهم يجونك مثل زمــــــل الشراتي= اللي نهار الكون ترد المنية
لاصاح صياح بوسط الفــــــلاتي= ركبّوا على قب تلامع حذية
في ساعة ماحسبّوا للحـــــــــياتي= يروون عطشان القنا من دميه
قل من عقبكم كثرة لي الوارداتي= شطونٍ على قلبي تلولس رشيّه
أشفيت أنا بالزرع و الزرع ماتي= من الضمأ و البير طاحت لزيه
صويبهم ما يذوق لذ الحياتي=يرجح عليه الطير بالمهمهيه[/poem]
والقصيده اللي سمعته من كبار السن انه 24 بيت وانا هذ اللي حصلت عليه
وعندما سمعوا القصيدة وهم بالبر ركب راعي السواني مناور الشريطي وعندما الفى عليه قال طلبتك قال الزراع الطلبه لي قال الان عطن طلبتي وأنت بعدين لحيث أن العطا إذا نطقوا به يتمونه لو كان يأثر عليهم فقال الفلاح اعطيتك طلبتك قال ابيك تسمح لي ببعاريني واللي عليك مسامح فيه فقال مغيلث المسعودي من الأسلم كذلك و هو أمير البلد ما يصير لكم الطيب وحنا مالنا حق نحن نبي حقنا من المعروف اجمعوا عيش لـ راعي البعارين و لـ راعي الزرع فاصبحوا كلهم غانمين والمعروف تاّمٍ بينهم .
ومناور له من الغزوات واجد والقصايد التي قيلت فيه واجد وانا بحثت وهذا اللي حصلت عليه وانتم فيكم الخير والبركه عاد اللي عنده شيء لا يبخل علينا
وانا كتبت هذا لكي تكون حقوق الطبع محفوظه والانسان يجتهد ربما يخطي او يصيب وافضل شيء الرجال يكتب عن اللي يعرفه ويبخصه
منقووووووووووول
اخو نوير 1
رد مع اقتباس
المشاركة الأصلية كتبت بواسطة فواز الغسلان
المفضلات