تكفوووووووون بسرعه

[شموخ]

السلام عليكم ورحمة الله وبركاته



تكفووووووووووون حفل تخرج وحده عزيزة وغاليه ( بنت خالي ) من الثانوي بعد بكره الأربعاء وطبعا اختكم بالله من النوع اللي كثيرة النسيان مع اني معزومة من فترة بس نسيت الموعد توني تذكرته والمطلوب أبي ثلاثه أبيات تكتب على هدية بنت خالي وزميلاتها ( جاتوه ) كتهنيئة لها ولزميلاتها تعرفون الواحد يستحي على دمه لصار معزوم مايجي يدينه فاضيه تكفون حاولوا الليله تكتب الابيات لأن المحل قال لي لازم اجيب الابيات بكره يادوب يسويها عشان تخلص الاربعاء ومانتأخر عن الموعد ...



تكفون ياشعراء شمر لاتخيبون أملي فيكم أبي ابيات ويعلم الله إن حقوق الطبع محفوظه للشاعر اللي بيكتبها .....



تحياتي
شموخ

[ريال الفسحه]

تسم تدفعين <----مادي هالولد بحت




شموخ


متى مافضيت الليله كتبت لتس بيتين <---اقول فاردز انت وهي تنحل



الله يرزقتس اللي عندي ماينواجهبوه بحفل تخرج


انا من الميت بيت وانت مسند





يرزقتس ربي

[شموخ]

ريال الفسحه;
تسم تدفعين <----مادي هالولد بحت

ريال مو انت ريال فسحه هههههههه

شموخ


متى مافضيت الليله كتبت لتس بيتين <---اقول فاردز انت وهي تنحل



الله يرزقتس اللي عندي ماينواجهبوه بحفل تخرج

يعنى ماعندك شي

انا من الميت بيت وانت مسند

:

والله مدري وش تقول

يرزقتس ربي

ايييييييييييه الله يرزقنا بشاعر يعسف القوافي قلت مالها الا اهلها شمر بس بننتظر لعل وعسى مايخيب الأمل



يالله عاد وين الشعار

[المشرف العام]

شموخ .. تبي فزعه

والله عصرت قريحتي .. بس ماااش ماني شاعر قلطه

/

ان شاء الله الموجودين مايقصرون

[فواز الغسلان]

يقول الراوي ابن غسلان:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


جينا نبارك باحتفال الغنادير=اللي لهن بداخل القلب مقدار

مبروك نرسلها على جانح الطير=ينقل تباريك الغلا وين ماطار

معها التهاني للبنات المعاطير=حفلة نجاحن خالطه ريح الازهار

قلبي وروحي في فرحكن مسايير=والله يديم افراحكن طول الاعمار[/poem]



هذي على الطاير الان وبعد شوي راح انزل بعد ابيات لين تلقين اللي يعجبك


وتدللي0 واعتبري الابيات هذي عن ابوسلطان حنا نسد مسده00

[أم نــــــــــواف]

[align=center]


3 أبيات على جاتو احسّ انهن كثار


إلا إذا الجاتو قدّ السبّورة


عموما هذي 3 أبيات لعيونك انتي مو لعيون بنات خالك <<< ماتعرف تجامل


وإذا ماعجبوك أنتظري غيري من الشعراء الأفاضل



[poem=font="Simplified Arabic,5,burlywood,normal,normal" bkcolor="transparent" bkimage="" border="groove,5,sandybrown" type=0 line=0 align=center use=ex num="0,black"]
ياعذوبة صوت يارمز الهنا = ياطيور الود يارقاق الجناح

اعلني الفرحه ونسّينا العنا = غرّدي ياطيور مع نور الصباح

والله وإتحقق بهاليوم المنا = الف مبروك التخرج والنجاح[/poem]




8
8

هالورده منّي للخرّيجات [/align]

[أم نــــــــــواف]

أعتذر اخوي فواز


ماشفت أبياتك إلا بعد مانشرت عونتي لشمّوخه


إقبل عذري وماهو تعدي والله

[ريال الفسحه]

اكشخي ياشموخ جاتس ماتبين


انا لو منتس احطه بدال القاتو ثلاثه عشان الابيات<---يبيه تورط



جاك يامهنى ماتمنى

[أبوطروق]

الحين أبي أنام وبكرا يسير خير
حبيت أقول إني مهتم بموضوعك

تحيا تي لتس ولبنت خالتس


)))وتصبحون على كم خير(((

[محمد هنيدي]

أختي الفاضله شموخ

طبعاً ماقصرو الشاعر فواز الغسلان
الشاعره أم نواف

وبصفتي شاعر من شمرّ فلا أخيب ضنك فأسمحيلي بهذه الأبيات إهداء عسى تنال على الإعجااااااااب
[poem=font="Simplified Arabic,7,red,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]

طير الفرح غرّد وسقت التحيـّه=أحلى بيوت الشعر تنساقلي سوق
يابنت خالي جبت يمّك هديـّه=على نجاحك صغت الأبيات برفوق
عسى الفرح دربك وعشتي هنيّه=أعذب بيوت الشعر تاتي على الذوق
مبروك تهدى من جبال الحميـّه=إجا وسلمى باركت ساقها الشوق
عسى الفرح دايم على الغشمريه = أحلى التهاني تحتوي زين منطوق[/poem]


أتمنى أن وفقت لصياغتها بالشكل اللئق
تحياتي لأبو سلطاااااااااااااااااااااااااااااااااااان

محمد هنيدي الشمري