قتيـــــــــــل العشــــــــــــــق

[فواز الغسلان]

بسم الله الرحمن الرحيم

هذا يقولون لك واحد اسمه عبد الرحيم المطوع التميمي حب له وحده

ويقال انها ((بنت صايغ)) وقرر انه ياتزوجها بس بشكل سري لان جماعته مافيه امل

يوافقون على هالعرس


المهم انه تزوجها بالسر وجاب منها ولد وهالولد كبر وبدا يحبي

ويقولون مره حبا لين وصل الباب وتشوفه وحده من جيرانهم وشافت اشباه المطوع

بهالبزر وسترت عليهم الله يجزاها خير ماخلت احد بالديره ماعلم

ويقولون ان وحده من رفيقاتها شارت عليها انها تذيع الخبر بين الناس

المهم ان الخبر وصل جماعه عبدالرحيم المطوع وقالوا له يالله امش معنا للصحرا

ونتفاهم هناك <<<<-------ناوينه ناوينه

المهم انهم طلعو وهم بالطريق يقولون لقو ظبيه وذبحوها

وقالوا يالله يالمطوع تبي تطلق بنت الصايغ والا ذبحناك مثل هالظبيه

قال اصبروا خلوني اشاور نفسي وطلع على راس له طعس واخذ معه من دم هالغزال

وكتب هالقصيده على ثوبه بالدم قبل ان يموت في مكانه فقال عبدالرحيم المطوع التميمي:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يقول التميمي الذي شب مترف=مدا العمر ماشا في زمانه جاه
ياراكب ياللي من عقيل تقللوا=من نجد الى الريف المريف مداه
حدروا بنا من جوعكل وقوضوا=على كل هباع يمد خطاه
علاكم تجد السير لكن وصفها=على قطعة البيدا وكثر اسراه
صريمة ربد حدها جال تيما=على الأرض من عالي النبا بوطاه
فلما جو الدهنا والأنسان ماله=ملاذ وماكتب عليه وطاه
لقو جادل في زربها مستكنه=حماه من لفح السموم ذراه
غشاها لذيذ النوم والنوم قد غشا=من القوم حذر وايتليه عداه
فقلت لأخواني ومثلي ومثلهم=يشكي إلى من الزمان وطاه
دعوها سبيل كود من ذي فعايله=يجزى على فعله يشوف مناه
ياشمل يامأمونة الهجن هوذلي=إلى دار من صعب على لقاه
ادقاق حجل اطراف ياناق وان طرى=على البال زاده من عناه شقاه
لعل قصر حال بيني وبينها=لنجم من المولى يهد بناه
أبغى الى هد العلا من قصورها=وذهلن عطيرات الجيوب حياه
يظهر عشيري سالم من ربوعها=هذاك مطلوب الفتى ومناه
الا واعنا عيني إلى ريت صاحبي=جضيع لغيري وأحترمت لقاه
سيره ممروع لغيري ويهتوي=وساقيه ما ينحى علي بماه
دع ذا وسل رب الملا في محلتم=سرى يشعق بظلما شعاع سناه
لاكن بأمر الله تطلق ركونه=عزايله وصف السحاب رداه
حوراك تبن والذراعين زجهن=من الريح زعاج وطار سناه
وطا ماوطى واللي وطا مابعد وطا=غطا ماوطا واللي وطاه غطاه
محا ما محا واللي محا بعد مانحا=محا ما محا واللي نحاه محاه
عصا ما نصا واللي عصا بعدما نصا=نصا ماعطا واللي عطاه نصاه
وان كان لي ظن وهاجوس خاطري=قد حال بين البازمين غشاه
من باعنا بالهجر بعناه بالنيا=ومن جذ حبلي ماوصلت رشاه
الا قفا جزا الا قفا ولاخير في فتى=يريد هوى من لا يريد هواه
خليلي يشادي خاتم العاج وصطه=قول انفرج لولا البريم زواه
خليلي خلا قلبي من الولف غيره=عفت الأخلا والخدون حذاه
خليلي لو حال البحر بيني وبينه=ذبيت روحي فوق غبة ماه
خليلي لو يرعى الجراد رعيته=أهظله من حشمته ورضاه
خليلي لو يزرع ازيرع سقيته=من الدمع لوشح القليب بماه
خليلي لو يبذق على الشري ريقه=غدا عسل والتاجر يزيد شراه
خليلي لو ياطا قبر ميت=بأمر الولي حكاه حين وطاه
خليلي لو يطا على جمرة الغضا=وطيت في رجلي تبع ماطاه
خليلي معسول الشفاتين فاتني=كما فات لقاي الدلي رشاه
كن عن صغير السن حذر ولاتكن=دنوع إلى شفته بسن سفاه
وإن كان ما جاوز ثلاث مع اربع=وعشر فلا يشفي الفؤاد لقاه
تعاديه ما يدري وتصافيه مادرى=وما سمع من غالي الحديث حكاه
عضيت روس انملي بنواجدي=وقلت آه من حر المصيبه آه
لو أن في قول آه تبري علتي=كثر أن في ضامري قول آه
الأيام ماخلن على حد ماكونه=ومن لاكونه عابيات عباه [/poem]


ليموت في المكنان امسمى باسمه الان ( نقى المطوع ) وانا خايف اصير مثله يارجال افزعوا

لعب بحسبتي العشق الله يقطعه مايرحم000

[سعد الشمرى]

بوفهد هاك الزمان قلت لى باحد المواضيع عجزنا نميز مكان هالقليب والحين جاء دورى عجزنا نميز قلب فواز وين

وانا سمعتلك قبل فترة طويلة ردية بينك وبين جهز واللة انى ناسين اسمة على موضوع الغزل وشيب

وعزاللة صدق المطوع يوم يقول

لوان فى قول اة تيبرى علتى كثر ان فى ضامرى قول اه

بوفهد ماتكتب الى الذهب وانت ذهب لشمر وللقبايل لاهنت يا غالى

[ريال الفسحه]

تسيف ذبح خلق الله هالعشق يادافع البلا

وانا خايف اصير مثله يارجال افزعوا

لعب بحسبتي العشق الله يقطعه مايرحم000

ايييييييه وش اقول انا يابو فهد <---لاتقول شي سكر حلقك بس


وش اقول ماسمعت سالفتي من هالسنين مع عشقتي ام شوشه اللي قلت به



[poem=font="Simplified Arabic,5,white,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبيبتي ياناس له شوشه = لامته قرنين من قدي
اطير لاشفت هكالكوشه = واذوب وتنمرد تشبـدي[/poem]


ومات ريال الفسحه حزنا على عشقتوه اللي حلقت شوشته وغدت صلعى

وفطس عند مخرج 16

وصاروا يسمونوه مخرج ام شوشه


\


ابوفهد لاهنت يالعزوة وعسا قلبك مايشوف الا اللي يسروه


امين

[السفاعي]

يا دافع البلا ابو فهد واى انت خايف ماعليك اتكل على الله واعلن زواجك ههههههههه
امزح معك مشكور على ها الموضوع

[راعي الوقيد]

[align=center]

وسترت عليهم الله يجزاها خير ماخلت احد بالديره ماعلم

اي والله الله يجزاه عنهم خير

حدروا بنا من جوعكل وقوضوا
على كل هباع يمد خطاه

او هو قال :-

شدوا بنا من جو عكل وقوضوا
على كل هباع يمد خطاه

وعكل هذا اسم أشيقر قديما ً !؟


يقول التميمي الذي شب مترف ........ مدا العمر ماشا في زمانه جاه

ياركب ياللي من عقيل تقللوا ........ من نجد الى الريف المريف مداه

في الأبيات القادمه يصف الموقع الذي مروا به:

شدوا بنا من جو عكل وقوضوا ........ على كل هباع يمد خطاه

علاكم تجد السير لكن وصفها ........ على قطعة البيدا وكثر اسراه

صريمة ربد حدها جال تيما ....... على الأرض من عالي النبا بوطاه

فلما جو الدهنا والأنسان ماله ........ ملاذ وماكتب عليه وطاه

عندما رأى الغزال والتي في مكانها مرتاحه ، تهيض وبدأ وبدأ يتذكر زوجته وهي بنفس أوصاف هذه الغزال (قمة في الأبداع) ، وترجى أخوته أن يتركوها سبيل لشبهها من زوجته ويقول :

لقو جادل في زربها مستكنه ........ حماه من لفح السموم ذراه

غشاها لذيذ النوم والنوم قد غشا ........ من القوم حذر وايتلوه عداه

فقلت لأخواتي ومثلي ومثلهم ........ يشكي إلى من الزمان وطاه

دعوها سبيل كود من ي فعايله ........ يجزى على فعله يشوف مناه

هنا يشير الى الهجن التي يتمنى أن تصل الى زوجته:

ياشمل يامأمونة الهجن هوذلي ........ إلى دار من صعب على لقاه

ادقاق حجل اطراف ياناق وان طرى ........ على البال زاده من عناه شقاه

وتتبدل حال المحب ذو القلب الرهيف الى القسوه على من يحول بينه وبين محبوبته:

لعل قصر حال بيني وبينها ........ لنجم من المولى يهد بناه

أبغى الى هد العلا من قصورها ........ وذهلن عطيرات الجيوب حياه

يظهر عشيري سالم من ربوعها ........ هذاك مطلب الفتى ومناه

هنا يشير الى أستحالة فرقاه لحبيبته ، وكيف يسمح لعينيه أن تراها وقد اصبحت حليلة لغيره :

الا واعنا عيني إلى ريت صاحبي ........ جضيع لغيري وأحترمت لقاه

سيره ممروع لغيري ويهتوي ........ وساقيه ما ينحى علي بماه

دع ذا وسل رب الملا في محلتم ........ سرى يشعق بظلما شعاع سناه

لكن بأمر الله تطلق ركونه ........ عزايله وصف السحاب رداه

وفي هذا البيت يقول لاتبني قصر من رمل وأنت ضعيف (فهذه تشبيه بحالته الضعيفه):

حوراك تبن والذراعين زجهن ........ من اليح زعاج وطار سناه

أما هذه الأبيات الثلاثه فهي من أقوى ابيات الشعر النبطى على الأطلاق ، ومن أصعبها فهما وقد اشار العارفين بأن المقصود في البيت الأول الى التاريخ والثاني الى الناس هذا يمح الآخر وهكذا.

وطا ماوطى واللي وطا مابعد وطا ........ غطا ماوطا واللي وطاه غطاه

محا ما محا واللي محا بعد مانحا ........ محا ما محا واللي نحاه محاه

عصا ما نصا واللي عصا بعدما نصا ........ نصا ماعطا واللي عطاه نصاه

وان كان لي ظن وهاجوس خاطري ........ قد حال بين البازمين غشاه

من بعنا بالهجر بعناه بالنيا ........ ومن جذ حبلي ماوصلت رشاه

الا قفا جزا الا قفا ولاخير في فتى ........ يريد هوى من لا يريد هواه

أما في هذه الأبيات القادمه فهو يصف حبيبته بوصف لم يصفه أي حبيب لمحبوب:

خليلي يشادي خاتم العاج وصطه ........ تقول انفرج لولا البريم زواه

خليلي خلا قلبي من الولف غيره ........ عفت الأخلا والخدون حذاه

خليلي لو حال البحر بيني وبينه ........ ذبيت روحي فوق غبة ماه

خليلي لو يرعى الجراد رعيته ........ أهظله من حشمته ورضاه

خليلي لو يزرعازيرع سقيته ........ من الدمع لوشح القليب بماه

خليلي لو يبذق على الشري ريقه ........ غدا عسل والتاجر يزيد شراه

خليلي لو ياطا قبر ميت ........ بأمر الولي حكاه حين وطاه

خليلي لو يطا على جمرة الغضا ........ وطيت في رجلي تبع ماطاه

خليلي معسول الشفاتين فاتني ........ كما فات لقاي الدلي رشاه

وهنا يحذر من الأقتران بمن هي اقل من 17 عاما ، فإن عاديتها لا تعلم وإن صافيتها ايضا لاتفرق وليست زوجته المقصوده):

كن عن صغير السن حذر ولاتكن ........ دنوع إلى شفته بسن سفاه

وإن كان ما جاوز ثلاث مع اربع ........ وعشر فلا يشفي الفؤاد لقاه

تعاديه ما يدري وتصافيه مادرى ........ وما سمع من غالي الحديث حكاه

ويختتم قصيدته الحزينه بنهايته الحزينه:

عضيت روس انملي بنواجدي ........ وقلت آه من حر المصيبه آه

لو أن في قول آه تبري علتي ........ كثر أن في ضامري قول آه

الأيام ماخلن على حد ماكونه ........ ومن لاكونه عابيات عباه

رحم الله شاعرنا واسكنه فسيح جناته ، وقد ترك لنا هذه الدره اليتيمه الرائعه .

يقال أن هذه القصه حدثت قبل 300 ام.


المصدر من آدابنا الشعبيه بالجزيره العربيه لمنديل أبن فهيد.

من ارشيف مضايف شمر

سلام يا نقى الأحباب

بعين ٍ دمعها منساب

سلام وبيننا حفرة

ظلام ٍ لحدها وتراب


لك التحية يابعدي

والسلاااااام ...[/align]

[فواز الغسلان]

بوفهد هاك الزمان قلت لى باحد المواضيع عجزنا نميز مكان هالقليب والحين جاء دورى عجزنا نميز قلب فواز وين

وانا سمعتلك قبل فترة طويلة ردية بينك وبين جهز واللة انى ناسين اسمة على موضوع الغزل وشيب

وعزاللة صدق المطوع يوم يقول

لوان فى قول اة تيبرى علتى كثر ان فى ضامرى قول اه

بوفهد ماتكتب الى الذهب وانت ذهب لشمر وللقبايل لاهنت يا غالى

هلا وغلا اخوي الرطاب ومشكور على تعليقك الغالي والجميل0



وابياتي اللي ذكرت اللي خايفن من الشيب اقول:


[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قال ابن غسلان والقلب تواقي=للبنات اللي تحط المخانيقي

ياجهز والشيب في عارضي واقي=وان نتفته قام يطلع تلاحيقي

ماتفيدن صبغتي عند حلاقي=او زعمت اسباب شيبي تخافيقي

صرت عند البيض مجرم وبواقي=ووجهن يمي ثلاثة تـــفافيقي

هقوتك يامسندي والله الواقي=نترك مطارد شباه الغرانيـــقـــي

ونترك الساحه لجيلن غدى راقي=ونطرب الخاطر بزين الطواريقي[/poem]


تسلم يالغالي000

[سعد الشمرى]

صح السانك يا بعد حى وميتى عزاللة انك حلو وسوالفك حلوة وشيبك حلو

[راعي المغاتير]

[align=center]بسم الله الرحمن الرحيم


قصه مؤثره الله يرحم المطوع

من لامه عمى....

( ليموت في المكنان امسمى باسمه الان ( نقى المطوع ) وانا خايف اصير مثله يارجال افزعوا

لعب بحسبتي العشق الله يقطعه مايرحم)000

ابشر بالفزعه ان بغيت بالجاه ((ترى محد يعرفن بس فزعه))
وان بغيت بضرب الكلاشن كوف.
عند وجهك....[/align]




[poem=font="Arabic Transparent,5,white,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كنت يالغسلان بالحب مفتون=اضربنا درب الوعر لاتهابه
ان عيوا بالطيب ترى بالغصب يرضون=كم غلامن حرمناه من شبابه
اولاد علي عند حكيهم يوفون=تشهد لهم جبال حايل وهضابه
نسوقها لك والخلايق يراعون= تقبل تهزع زاهين به خضابه






.[/poem]

[فواز الغسلان]

اخــــــــــــــــــوي راع المغــــــــــــــــــاتيـــــــــــــر كفـــــــــو والله00



الله لايهينك 00 لا انا ماتاصل للي قلت يالغالي00



عشقي عشق اللي ميت مع وحده وهي ماتدري به




ولا عنده جسره يعلمه يخاف ام العيال تدري وتعمل عملتها العام



يوم اشاع علي (منذر) احد الخوياء اني اعرست فكادت تذفي مني



فقلت اتوعد منذر :


( ((وش اســــــــــــــوي ياجماعة الربـــــــــــــع)))


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
صبح سبت ودوامي يشلع الروح شلعي=بالمحاكم وكله في صكوك وقضايا
وصار منذر هواشه يملع القلب ملعي=شاع عرسي لربعي ياعيال الطنايا
لي عجوزن ببيتي تكسر اليوم ظلعي=تمنع الطبخ عندي لين نصبح شظايا
عقب مالعيش واجد نبلع الظهر بلعي=بان جوعي سبايب (منذرين) الولايا
ويل قلبي اذا هي قررت غصب خلعي=صار ذبحك حلالن ياخبيث السجايا
وسط بيتي عيالن كالمفاريد صلعي=وكان راحت رميتك وسط حوض المنايا
اولي غصن موزن يعجب الناس طلعي=صارت غصون عودي من قناته محايا
وقمت اجاوب حمامن من غلا الولف يلعي=ابي ذبحي لمنذر يوم عيد الضحايا [/poem]

[ريال الفسحه]

هههههههههههههههههههههههههههههههههههههههه هه
هههههههههههههههههههههههههههههههههههههههه هه
هههههههههههههههههههههههههههههههههههههههه ه

صح لسانك


آآآه ياتسبدي