قصيدة تمدح الملك عبدالعزيز و شمر و عنزه
[align=center]
مـسـاكـم الـلـه بـالـخـيــر
وجدت هذه القصيدة لابن معتيق من الشملان يمدح الملك عبدالعزيز آل سعود وبعض رواسي قبيلتي شمر وعنزه : [/align]
[poem=font="Simplified Arabic,5,darkblue,bold,normal" bkcolor="sienna" bkimage="backgrounds/33.gif" border="solid,4,darkblue" type=0 line=1 align=center use=sp num="0,black"]
لو أنت تخشى سطوة الحكم تنكيل = ما أسقطت واجب مرهبين القبائل
شيخ العرب ماحده الجدي السهيل = عبدالعزيز اللي مضى بالفعايل
الصارم المهدي على دين جبريل = الحاكم المأمون وافي الخصايل
شمس النهار ووضعه البدر بالليل = بحيله وحيلاته ورانا بحايل
ستر العذارى لابسات الخلاخيل = هاف الخواصر حاويات الجدايل
جر وطلعه من ورا الشط والنيل = يغوص موجات البحر مايسايل
نجد حموها ماعلهم مداخيل = بسيوف نقدي إلي عند الدرب عايل
سوالف الويلان ياطير ابابيل = خله لها ما أنت شريك لوايل
ترعى بها الزرفات عصب بتذليل = مشعان وابن بكر ماهي همايل
كان أنت من حرب قليل المحاصيل = اضرب عفور واقصد أولاد وايل
تنحر اليديان خزامة الفيل = عاداتهم كسب الثنا والجمايل
لهم على حمر الطوافي مواكيل = زمول تدنى للحمول الثقايل
والقهوجي تلقاه عند المعاميل = ماكبة ماحط فوقه وكايل
ذباحة للكوم والكنس الحيل = لاركبن جرد السنين الهايل
الجار مايركب يدور المكاييل = يعطون من غرس الطيايب نحايل
واللا العواجيه اليا جدع الشبل = وحمى الطراد وفرعن الحلايل
لهم على جمع المعادي تحاويل = وجدودهم حامين بيضا نثايل
حكام تأكل ماتدور المواكيل = وتذكر عطاياهم سمان جلايل
واللا امحددة الجمل بالمصاويل = دهامشة اللي عليكم جهايل
يتلون ابن مجلاد شرق ومشاهيل ويحلفون اللي بقلبه دغايل
واللا مصوت بالعشا بالمراخيل = ابن مهيد اليا قحطن المسايل
واللا انحر الشعلان اقصر ولا تطيل = أنت تغرب كان تبغى الزمايل
حكام بالنقرة وشيخان لرويل = حامين شقح كمشت بالشمايل
عليا رويلي جاهله يحسبه ويل = ذهلت من الماء بالقلوب الهبالل[/poem]
[align=center]مدح شمر : [/align]
[poem=font="Simplified Arabic,5,darkblue,bold,normal" bkcolor="sienna" bkimage="backgrounds/33.gif" border="solid,4,darkblue" type=0 line=1 align=center use=sp num="0,black"]
أخذ شبابك مالك أو عزرائيل = خليت شمر كاسبين النفايل
ياما أدوركوا بعصورهم من تنافيل = نعمك بشمر مابهم قول قايل
حريبهم لاقيل شدوا مقابيل = عده على جمر الفضا والملايل [/poem]
[align=center]وســلامـتـكـم ؛؛؛[/align]
رد مع اقتباس
المفضلات