بسم الله الرحمن الرحيم
طبعا من غرائب القصص التي حدثت في حائل ( الذيبه ) الجسور اللي كانت بجبال حايل واذا جاعت
حدرت من الجبل واغارت بالليل على الناس حتى تجد طفلا او ضعيفا وتقتله وتاخذه للجبل لجراه حتى
اشاعت الرعب والخوف عندما ذبحت طفل (فهاد ) وكلته فقامت والدة الطفل تبكي وتقسم بالله ماتذوق
الطعام لين تذبح هالذيبه وكان اسمها ( سريعه )0
كان في حائل ثلاث اشخاص اشتهروا بالقنص والرمايه داخل ظلعان حايل فنختهم نخوا بابيات مليئه بالالم
وكان واحد سليطي والثاني دغيري ( تريباني ) والثالث فهد الرشيدي فقالت:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وين السليطي جرح قلبي محيطـي=علـى جنيني شلتـه شينـة النــاب
وين الدغيري صار نفعك لغيـري=يا حاسبن صيـد الغراميـل بحسـاب
وين الرشيدي والبكـاء ما يفيـدي=يا خو ثـريا يا حجـا كل من هـاب[/poem]
فانتخوا الثلاثه كلهم وجاوبها فهد الرشيدي بالحال يعطيها الوعد والعهد بقوله :
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يـا سريّعـة لا تـزعجيـن الونينـي=الشيب قبلـك فاجيـن غـرة أجـواد
لومـك عليـه كـان شفتـه بعينـي=لأخـذ قضى يا شمعـة البيـض فهـاد
بخمـاسيـن عقبـه لكتفـي متينـي=عـوق العنـود اليا تنحـت بالابعـاد[/poem]
طبعا فهد الرشيدي معروف جدا وكان وسيما تتغزل به النساء لجماله وهو الذي قيلت فيه عندما تم جلده
من الامير قالت احدى النساء:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قلبي اليا قالوا فهد يجلدونه=ياتقل يجلد لاهج الديد فهاد
ماتحتمل عوج الرطايب متونه=ولو هو ضخيم يحمل الجلد وش عاد
اللي كما روب المعيدي سنونه=بالذكر والا ماعرفت ابن الاجواد[/poem]
وهو الذي اراد احد الاشخاص قتله فأعطاه ذلول شرود تترك راكبه بالخلا وعارفينها بالشيئ هذا وفعلا
عندما توسطت من النفود شردت وتركته فقام ليرميها بالبارود يبي القربه اللي عليها لكنه خاف انها تطيح
على القربه وتشلقه ويروح الماء فقام برمي حبل القربه من بعيد وطاحت القربه سليمه والرصاصه جرحت
الذلول وطلع الدم منها فقال:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
عزي لمن مثلي ذلوله تخليه=اقفت كما الربداء وانا اركض بأثرها
في سهلتن ماعندنا من نراعيه=ولا مزنتن نرجي الروا من مطرها
قعدت له باللي حديده مصفيه=لما لمحت بطانها مع نظرها
راحت تجر الخرج والدم غاطيه=وعز الله انه من يميني عثرها[/poem]
طبعا انا اليوم تعبان واجد ولا لي مزاج بالتواريخ والاخذ والرد لذلك اخترت هاللي اخبرهن من صغري سمعتهن
من الشيبان علشان نتعلل عليهن ونستانس بهن والسؤال اي الثلاثه الذي ذبح الذيبه؟ والابيات اللي بجلد
فهد الرشيدي منهن له لان كل واحد ينسبهن بجهه وابن ناحل نسبهن لجدته وقال فهد ولدها ماهو
الرشيدي اللي تقصد 0 المهم كل واحد يدلي بدلوه والا ياويلكم مني تروني بقعاوي وطفشان بعد 000
تحياتي الراوي00
رد مع اقتباس
المشاركة الأصلية كتبت بواسطة ghosty
المفضلات