===========================================المشاركة الأصلية كتبت بواسطة أبوطروق
شورك وهداية الله خلهم 8 ساعات على رايك.
من ناحية الفلوس شفهن عندك داخل إسطوانة الغاز الجديدة اللي بالمخزن.
أضربه بالمسدس اللي داخل خزان الغاز الريسي.
البس لك كمام عن الإختناق وأفتح غطاء خزان الغاز الرئيسي وأصقط به ثم أشخط لك عود ثقاب ( كبريت ) من أجل تشوف المسدس ولاتطلب فلوس ثاني مره.
مع السلامه أبا أنام الشايب مايسهر.
العجوز زعلت على تقول صار هالجهاز أقشر من الجاره
خلاص أبوعارف لاتزعل نفسك نبي نشتغل بدون ترخيص يما الله يفرجه
وبلا مسدسات وكباريت
=========================================
أشوى إنك ماسمعت كلامي وإلا كان لحقت بدهان الله يرحمه
الشايب أطلب منه أي شيء إلا الفلوس.
مساء الخير لأحلى أبوعارف ومساء الخير للجميع
البارح سمعت سالفة ومت من الضحك
يقول فيصل/واحدماتعرفونه/ يقول بعرس أخوي كان أبوي من المغرب واقف على باب القصر يهلي ويرحب بالناس ومن كثر ماهو مبصوط وكثر الناس صار بعض المرات يهلي باللي طالعين. يقول راحوا الناس وعدت بسلام والوالد كان تعبان ومرهق )من كثر ماهو واقف يهلي ويرحب( يقول نمنا ويوم جا الصبح إلا الوالد يصحيني علشان نجهز للغدا وكان يوم جمعة، ودينا الذبايح للمطعم ورجعنا للبيت وبدلنا ملابسنا ورحنا لصلاة الجمعة، يقول يوم دخلنا المسجد قال أبوي ياولدي نبي بآخر صف أبي أرتكي على الجدار، يقول أرتكى أبوي ومن التعب غفا وانا مابغيت أنبهه لأن حالته تكسر الخاطر، دخل الإمام وطلع فوق المنبر ومسك المكرفون وقال السلام عليكم..... وقبل لايكمل إلا أبوي واقف وبأعلى صوته يقول "ياهلا يالله حيهم"
المسجد قلب كله ضحك وأنا واللي حولي طلعنا برا من الضحك وعجزت أرجع للمسجد. ¤وصارت سالفة الحارة¤
سلام
هههههههههههههههههههههههههههههههههههههههه هههه
خخخخخخخخخخخخخخخخخخخخخخخخ
هههههههههههههههههههههه
خخخخخخخخخخخ هذا هوضحك أو رغاء.
حلوة جداً وممكنة الحدوث نتيجة الإرهاق وترديد نفس الإسطوانه هلا يالله حيهم هلا يالله حيه وهلم جرى,
وصار مثل الرجلين عندما حلا ضيوفاً عند أحد رجال الباديه ، وعندما ذهب المعزب من عندهم أحدهم خذته غفوة بسيطه من شدة التعب وفي هذه الأثناء رفيقه راح ناحية ركابهم لكي يعقلهم للمبيت.
عند إذن حضر المعزب وجلس بجانب الضيف النعسان نوم خفيف يروح ويجي فحب أن يداعب رفيقه فقال ويش هقوتك ياخوي تظن معزبنا رايح يذبح لنا ذبيحه أو راح يخليه ماء ودباء يحسب أن رفيقه مازال بجانبه.
فقال المعزب هذا الشيء يعتمد عليكم إذا أنتم ضيوف ذبيحه أم ماء ودبا.
هنا نقز الضيف وركض يم خويه وقال يالله يالله مشينا والله مانمرح عند هالعرب ولانبيهم يتعرفون علينا بعد ماصار وهربا تحت جنح الظلام.
أبوعارف
صباح الورد والكادي
إنتا فين ياراجل
وحشتنا والله
عاوزين سالفة من بتوعك
ومبروك مقدما على الفوز بالمسابقة
==================================
هلا والله وغلا بأبو طروق
والله ضايقن صدري عقب ماهددنا المطنوخ بالطرد.
حتى مطعمنا إعتقد إنه تحت رحمته يمكن يغلقه.
ياخوي عقب ماراح للمريخ تغير علينا شاينن طبعه صايرن أقرسف مان.
لاحول ولاقوة إلا بالله.
كود نطلب من ابو سلطان يفتح مقلط خاص للعجز والشيبان فقط ونحط هند التويجري على الإستقبال وابو طروق المشرف هاه ويش رأيك؟.
ولو أبوعارف العين ماتعلى على الحاجب وترا مطعمنا مايبي إلا شوية ديكورات وتشوف الزباين ماسكين
سرا يردف سرا
======================================
ماشوف فيه إلا أنا ونت نتحاور مثل لعبة كرة المضرب يابو طروق الله يسلمك.
أبوعارف خلك وسيع بطان
إنت بس عطنا من علومك الزينة وراح تشوف.
وبالنسبة لي بعد تهديد المطنوخ تبي تلقاني مسنتر هنا لأني ماراح أسير على أحد يهدد ويتوعدنا وحنا ماسوينا إلا الزين.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
المفضلات