المطعم ابو مرايا

[ابو عارف]

يقولون لا بغيتوا تاخذون الشور خذوه من عقال القوم ..


بناء على موضوع ابو عارف ... >> وزيرة أرامكو


بناء على موضوعه ..

يغلق مقلط الحريم ... ويدمج مع مجلس البنات .. >> التشبب حلو يابنيات ..

والكل معزوم على هالمطعم بكره بعد ماتعشون ببيوتكم > طيب وش تبون بالمطعم ؟




ابو عارف تعال شوي



















تقول



متاكد من ملامحه ولا من عقاله ؟








زين ان ابو جاسم حد المواضيع ولا كان خسرتوا ..






لاهنت على هيك موضوع طال عمرك ..

ولا تجيبها على الجرح طال عمرك >> عاطله بقراطيسها ..


طحياتي ......’’

==============================

شكراً ياعجايب على مشروع الدمج لاهنتي ولا يهون أخوي أبو طروق صاحب فكرة طرح هالموضوع هنا.

شكراً لكما وحياكم الله على العشاء عند ابو طروق في مطعم ابو مرايا.

كليهما ملامحه وعقاله مايل وأنا والله كنت جاي من البدو ومبطي ماشفت وجهي ماعندهم مرايا ولا دريت إني كذا تقل وجه ذيب يرمى او عنز تمطر من التعب عاد.

[ابو عارف]

عجايب تري أول ثلاث أيام المطعم مجاني يعني لحقوا وكولوا بيديكم ورجليكم.
وبعد الثلاث أيام يكون رسوم الدخول بسالفة فلالية.
يعني اللي ماعنده سالفة يدفع وياخذ الوجبة سفري.

طبعا هالكلام كلام المعلم أبوعارف تشيف المطعم وهو موصيني بعد ما وظفني مراقب للجودة والنوعية والدعاية والإعلان والذبح والصلخ والطبخ والنفخ وبأوقات الفراغ أوصل طلبات.

كما بالنيابة عن أبوعارف أقول شرفتوا المطعم.
وحياكم الله

سلام

===========================================

شكراً أبو طروق يظهر أن فكرتك تبي تنجح شكله لاقت إستحسان بنت الشايب عجايب فإذا أعجبتها الفكرة تعجبك تجيب كل المعجبين هنا فتعجب ياعجب العجب.

أطرد الزيود من المطعم وجب طباخين أتراك وأشوام على شأن نشبع هالحرماء لانتفشل معهم وخلهم يكثرون العيش والمرق ويزيدون الملح الله الله.

شكراً أبو طروق على الإهتمام والمتابعه لاهنت.

[عجايب بنت الشايب]

هههههههههههههههههههههههههه

اجل عطوني واحد
كشري
ومحشي عنب
وبيره
وبرندا
وشابوره
وزبادي بخيار ..






ووكدفع مقدم .. باعطيكم سالفه ..

الله لايوريكم ... وجعلها ماتصير لمسلم ..


حولو تحت ...

7
7

[أبوطروق]

هلا بالمعلم أبوعارف
نبي نخلي واحد من الزيود حق المظبي والباقين نبي نطبق نظام السعودة يعني اللي يطبخن بنات والتقديم والتوصيل على الشباب.
وش رايك طال عمرك؟
طبعا هذا رأيي والرأي الأخير لك

[عجايب بنت الشايب]

اسمعوا >> غصتها العبره ولأول مره من عام 92


أمس بداية العصر طلعت من بيتنا رايحه للمدرسه ( نحو الأميه )

ماعندي للشيطان طاري .. أمشي على حفت الرصيف ومخليه بيبان البيوت على يميني

لأني اخاف اقرب من بيبان البيوت

و يطلع احد ويسحبني

وبينما أنا أمشي الا يصفط يساري على حفت الرصيف راعي هايلكس ولد توه يبي بيتهم

واسرع بالمشي علشان ما اصير جنب بابه اذا فتحه

وتطيح عيني ياعرب

تطيح عيني


على ذاك الأصفــــــــراني

ضـــــــــــب يمشي 200 على حفت الرصيف يم البيبان ..


ياويلي ويلاه .. الموووووووت


المشكله رجليني تعكفت .. وبردت عظامي

والضب مقبل و على صوت بطنه وهو يحك بالقار

انا قمت أرفرف تقل حمامه ..

ويفتح الولد بابه وهو ميت من الضحك وقال :

ماليش آسفين آسفين ... ويلحق الضب


أثري الضب ضبهم .. وطالعن يصلي العصر بالمسجد ..




يالله العشاء عليكم الليله ....,,

[أبوطروق]

ياولد هات المطبخ كله للشيخة عجايب وظبط له أحسن طاولة وحط ورد وشمع وبخر المكان تر اللي جانا مهو حي الله هذي شيخة بنت شيوخ.
بسرعة لا تهون وتروح

[أبوطروق]

عجايب مرة ثانية إذا شفتي ضب لاتخلينه هاتيه ولا علمينا نصيده لأن عندنا قسم للضبان مندي وكبسة ومشوي وأحسن طبق ضب محشي بجربوع.

حياتس على العشاء الليلة وكل ليلة

[المطنوخ]

ولكن مما يدعو للسخرية هو أن البعض من مشرفي هذه المضايف العملاقة قد إستغلوا صلاحياتهم وفتحوا مضايف خاصة بهم من خلال مضايف شمر بأسم المقلط ولشريحة خاصة من الجنس الواحد فقط والإنثى تحذف مشاركة الرجل والرجل يحذف مشاركة الإنثى في هذه المقلطات الخاصه فكم (ل) في ذلك وهذا يتعارض مع سياسة ومصلحة وأهداف المضايف المفتوحة للجميع دون إستثنى ، فلذلك أوصيكم جميعاً رجالاً ونساءً بعدم أكل المرقوق والنوم باكراً والسلام عليكم ورحمة الله.

قل انك كتبت هالمقال علشان توصل لهالزبده

والله عاد شف الديكتاتوريه ماتسميت به عبث

يعني ان سويت هاللون فهذا لاني مشرف

وثانيا لاني ماحب الاختلاط والتميلح

وبعدين هذاك مقلطهن تسانك تبيهن رح يمهن مير ترى طيحة وجه تنحذف ردودي كل مادخلت

[ابو عارف]

[align=center]يابن الحلال ،، ابتلشنا بهالمشرفين اللي ماصدقو إنهم يحصولون على الحقيبة الإشرافية


كل واحد فتح لوه كشك 3×3 متر ،، ولايستقبل ألا ربعوه الخاصين







ألا وشرايك نفتح لنا محل أنا ونت ونبيع بوه رطب القصيم

ونسميه :


محل أبوثوب وأبوعارف لبيع الإسمنت المستورد؟ [/align]

==============================================

الأصيل ثبت لدي أنك من عيالنا هالتالين الله يحفظهم من قولك 72 ساعه لو أنت على رجليك مستغرب أبو ثوب.

ياولدي كنا نأخذ إسبوع بعض السفرات السفره.

شكراً على المرور الذهبي لاهنت.

[ابو عارف]

قل انك كتبت هالمقال علشان توصل لهالزبده

والله عاد شف الديكتاتوريه ماتسميت به عبث

يعني ان سويت هاللون فهذا لاني مشرف

وثانيا لاني ماحب الاختلاط والتميلح

وبعدين هذاك مقلطهن تسانك تبيهن رح يمهن مير ترى طيحة وجه تنحذف ردودي كل مادخلت

=========================================================

ليه ماتعرف أن البادي أظلم يالزعيم وإن الجزاء من جنس العمل وأن مقلط الحريم ماهو إلا ردة فعل لمقلطك الخاص بالذكور فقط.

هون بس هون شف عجايب سكرت مقلطه ، أفتح مقلطك للجميع وإلا والله الغالب الطالب إني لاقول






































إستغفر الله العظيم سبحان الله وبحمده 3 مرات.