[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
الحزن ثوبي والالم بيّ منساب=وعروق قلبي بالحنايا عطيبه
مكسور كلي مابقى شي ماخاب=من واحد(ن)ماخذ عيوني نهيبه
رقيت من زودالقهر كل مرقاب=وينه حبيبي وين روضات طيبه
يالليل خبرني..وصدري لك رحاب=وانا اتقبل من حياتي نصيبه
خذيت اناظر للقمر لين ماغاب=بيح نجومه والمساري قريبه
والفجر غنالي ورخيّت الاهداب=جاني كذا وارخي مشارب حليبه
غنيت طاروقي على هجر الاحباب=هزيت غصن اليابسه والرطيبه
تخيل لي جنيتي كل الاسباب=ياضيع نفسي مير واضيعتيبه
هنا دموعي مع شموعي ودولاب=يكنز بنات الفكر والحلم شيبه
هذي جروحي وعالي الراس محطاب=انثر حطام القلب واردم جليبه
ملعون قلبي كيف للحين ماتاب=والهم ياخذبه وهم(ن)يجيبه
الهم بيتي وموطني وكل الاقراب=من وين ماغنيت ازداد خيبه
اسئل طيور(ن)للامل وين الابواب؟=وازريت اكتم والخوافي عجيبه
حطوا بدربي للجفا كل الانصاب=والموت جاني والزوايا تهذيبه
السوس في ساق القصب ليه ماطاب=والورد يذبل والخلايق تسيبه
لاماهقيت ان العواذل والاصحاب=ألا بدربي والمشاعر عصيبه
جمله مفيده دون تجديد الاحساب=مع السلامه قلبي الله حسيبه[/poem]
رد مع اقتباس
المشاركة الأصلية كتبت بواسطة أم نــــــــــواف
المفضلات