الموافقه توسعة طريق الملك عبدالعزيز بحائل بعرض 60 متراً

**هند القاضي** · 16-05-2007 16:32

صدرت الموافقة على اقتراح وزارة الشؤون البلدية والقروية حول اعتماد المبالغ اللازمة لمشروع توسعة طريق الملك عبدالعزيز بحائل بعرض 60م لتفادي نزع الملكيات بحيث لا يتم النزع الا بعد اعتماد المبالغ اللازمة لصرف قيمة العقار. وطالب المقام السامي برفع تقرير عن المشروع متضمناً التكلفة التقديرية للتنفيذ ولنزع الملكيات. يشار الى ان الوزارة بحثت مشروع التوسعة مع امانة المنطقة التي قدرت تكاليف التنفيذ بملياري ريال منها 85 مليوناً لتنفيذ المشروع والمتبقي لنزع الملكيات ورأت الوزارة ارتفاع تكاليف النزع مقارنة بقيمة تنفيذ المشروع وطالبت بإعادة النظر في مواصفاته من خلال تقليل عرض الشارع من 100م الى 60م لتخفيض تكلفة المشروع ولنزع الملكيات في اضيق الحدود.

المصـدر

بتوفيق

**مصيول** · 24-05-2007 14:41

قبل فتره ارسلي واحد من الثقات رساله يقول قريت باحد الصحف ان الاماره ارتائت تأجيل الموضوع الى اجل غير مسمى تمهيدا لشيل الفكره نهائيا !!

وانهم يسعون لتخفيف الضغط على طريق الملك عبدالعزيز "الشارع العام" عن طريق ايجاد طرق اخرى من الدايري الغربي والشرقي اللي مابدو فيه اصلاً

واذا تذكرون يوم زار ابو متعب حائل قبل سنه تقريبا ــــــــــــ رفعو له الطلب هذا وكانو طالبين توسعة الشارع الى 60 وقال ابو متعب لا خلوه 100 ماهو 60 انا شايفها على الهوا

وحتى طلعوها بالاخبار !!

والميزانيه اكيد انصرفت لأمارة حائل ــــــــ ليش يطلعون ويقولون تتأجل !!

لا وبيرجعونه لـ60 متر

حسبي الله ونعم الوكيل ـــــــــــ المال السائب يعلم السرقه

مشكلة حائل بالقائمين عليه ـــــــــ كل ميزانية حائل لمصالحهم الشخصيه

اهل حائل المفروض مايسكتون هذا حقهم ـــــــــــ والله انقهرت
تفائلنا بروحة مقرن وللاسف جانا مية مقرن

حسبي الله ونعم الوكيل

**قلم شمر** · 25-05-2007 02:37

الخبر أكيد ولم يتم التأجيل والان المشروع تحت التصميم
ولكن لماذا قلل الى 60 بدلاً من 100م حسب توجيهات سيدي خادم الحرمين الشريفين فالله أعلم ولكن ربما صعوبة تحقيق الــ 100م بجانبي الطريق لوجود أملاك قديمه .
اعتقد ذلك

**هند القاضي** · 25-05-2007 03:15

تفائلنا بروحة مقرن وللاسف جانا مية مقرن

مصيول ما تحس أنك تهورت

**هند القاضي** · 25-05-2007 03:16

المشاركة الأصلية كتبت بواسطة قلم شمر

الخبر أكيد ولم يتم التأجيل والان المشروع تحت التصميم
ولكن لماذا قلل الى 60 بدلاً من 100م حسب توجيهات سيدي خادم الحرمين الشريفين فالله أعلم ولكن ربما صعوبة تحقيق الــ 100م بجانبي الطريق لوجود أملاك قديمه .
اعتقد ذلك

هلا فيك أخوي

شاكره تواصلك وتعقيبك

لا هنت

**mansoorr** · 26-05-2007 09:49

ياناس هذا امر خادم الحرمين الشريفين وقالها يوم جاء لحايل يوم انهم طلبوه انه يكون 60 متر قال لا خلوه 100 معقوله ان فيه ناس ماتنفذ امر خادم الحرمين هذي والله مصيبه واذا كان هالشي حصل تبون تشوفون دراسة ثانية تشيل المدينه الاقتصادية من حايل الى مدينه ثانيه تذكرو كلامي

**هند القاضي** · 27-05-2007 16:58

المشاركة الأصلية كتبت بواسطة mansoorr

ياناس هذا امر خادم الحرمين الشريفين وقالها يوم جاء لحايل يوم انهم طلبوه انه يكون 60 متر قال لا خلوه 100 معقوله ان فيه ناس ماتنفذ امر خادم الحرمين هذي والله مصيبه واذا كان هالشي حصل تبون تشوفون دراسة ثانية تشيل المدينه الاقتصادية من حايل الى مدينه ثانيه تذكرو كلامي

الله أعلم

شاكره تواجدك الكريم

لا هنت

**مصيول** · 31-05-2007 16:42

كان هالشي حصل تبون تشوفون دراسة ثانية تشيل المدينه الاقتصادية من حايل الى مدينه ثانيه

اخوي منصور ماوصلك خبر انهم وقفو الشغل بالمدينه الاقتصاديه ـــــــــــ لان الارض يقولون طلعت مملوكه لـ عيال الملك خالد ان ماخاب ظني !!

مصيول ما تحس أنك تهورت

والله ماعديت الا الصحيح ــــــــــ وكل اهل حايل عارفين وين راحت ميزانية الدايري ووين راحت ميزانيات الكباري بحايل وين راحت ميزانية كثير من المباني الحكوميه والمدارس وين وين وين ........ ؟

والله ماقلت كلامي من فراغ !