[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياذا الهدب فيك اسود الليل ماغاب =الا بنور الخد شمس الضحاوي
فيك الشعيلي راح غاوي وطلاب =مايدري انه في ظلامك مهاوي
حتى توهق وابعدت خرس الاهداب=وفيك ابتلى ياشين بعض البلاوي
ياجتك صدفه ماتحسب له احساب =لو به تمنى ماتفيد المناوي
ويلي تمشى في ممرات الاسياب=يامغطين وجه الجميل بغطاوي
ماجيت اغازل جيت زوار الاقراب=منهك وتتعبني بعاد الخطاوي
مهموم ومصدع ومحبط ومنصاب =وقلب المولع فيه تسعين لاوي
جاني تكلم وابتسم والعسل ذاب=في مبسم ٍ يبري جروح الهواوي
كن الكلام ليا خرج يخرج اكتاب=ديوان شعر ٍ دون شاعر وراوي
وان سلهمت كم دونها طاحت ارقاب=وان صده النظره لهيب المكاوي
يلعب على كيفه للارواح سلاب =ومال السهوم اللي رماها مداوي
انشهد اني معجب ٍ فيه انا اعجاب =لون قلبي ميت والعرش خاوي
قالت علامك ماتبي وصل الاحباب=ويبين في وجهك من الهم طاوي
قلت اسمعي كم دونكم سد وحجاب =من دون وصلك كم تخيب الرجاوي
قالت علامك وانت ياصاحبي شاب= مايكره المقناص حر ٍنداوي
قلت الفقر نجمي على كوكبه غاب =واقفى معاه الحظ للغدر ناوي
الفقر مابه طيب لو الفتى طاب = ولا يوعي الجاهل كلام السواوي
قالت خلاص من الهواء خاطري طاب=دامك ضعيف ٍبك تخيب الهقاوي
واقفت زعل بس اهمست همست اعتاب= غاوي ومن حاكاك يارجل غاوي
قلت اسمعي يابنت بالناس الاغراب = ولحد ٍ رحم يابنت قلب الشقاوي
كم واحد ٍ جاه البلى بقرب الاقراب = وزاويه من قرب القريبين زاوي
لاكن يجيله صاحب ٍ نعم الاصحاب =نعم الصديق اللي يعذرك وياوي
واقفت كما ريم ٍ جفل خوف وارتاب =من زول تفاق ٍ يصيب الحراوي
عقبه وانا اللي صابني ضيم الاحزاب =واعيش كني في محيطي خلاوي
ويالله طلبتك يالولي رب الارباب= انك ترده يامجيب الدعاوي
وان طولت في غيبته والنوى داب= في مهجتي بين الضلوع النحاوي
وقولوا لها قال الفتى عرب الانساب=صدق الحكي ماقال كذب الحكاوي
وان ماعجبك حكيي تفاصيل واسباب =خوذي حياتي وارحلي يامضاوي
[/poem]
[align=center]وسلامتكم
مشعـل الشعيـــلي[/align]
رد مع اقتباس
المفضلات